السلام عليكم ورحمة الله وبركاته
اخواني اخواتي الانترنتيين
مسائكم/صباحكم..رضى وغفران
مالي بالمقدمات
سالفه قالتها لي امي من سنه والى الان تدور براسي
السالفه هي
مره جلست اسولف مع امي وقالت:
تعرفين الشيخ الفلاني اليوم جا على التلفزيون ويتكلم عن بر الوالدين وحكى قصة واحد يكره ابوه ويوم من الايام تعب ابوه
ودخلوه العنايه المركزه او الانعاش:75:
المهم جا الشيخ يزور الاب ولقى الولد جالس بجنب ابوه ويقرا قران تعجب الشيخ وقال مو انت قلت انك تكره ابوك؟؟!
قاله:صحيح اكره بس مهما صار هذا ابوي ولازم ابره حتى لو ما احبه ...
انا تعجبت صراحه على كرهه لابوه الا انه قايم بواجبه له
قلت:زين غيره يكره ابوه ولا حتى يعتب بيته ويسال عنه
هنا عصبت امي قالت: هذا ابوه ليه يكره غصب عنه يحبه...الخ
وتمنيت اني ما ابديت رايي
نظريتي
حب الوالدين موجود بكل انسان
والوالدين باسلوبهم وتعاملهم مع الطفل راح ياثر بنسبو زيادة او نقصان حبه لهم
اكيد هذا الولد الي يكره ابوه مو كارهه عبث
يمكن صار شي بماضيه واثر عليه وخلاه يكرهه
وعلى كرهه الا انه بار فيه ..
هذا كره الوالدين..
-ايش رايكم انتم معي ولا مع امي في هذي القصه؟
-طيب للناس الثانيين كيف اسلوبك مع اللي تكرهم؟
-اللي تكرهه تحترمه ولا تظلمه وعادي عندك؟
انا اذا كرهت احد اخلي الاحترام موجود على الاقل مو لازم اني اكون ظالمه بالتعامل عشاني اكرهه
بالاخر عبر عن رايك والموضوع عن الكره بشكل عام مو للوالدين فقط ولكم المايك
.
التعديل الأخير تم بواسطة خادم القرآن ; 25 - 02 - 2012 الساعة 04:57 AM 
تكره اكره بس الاحترام
المواضيع المتشابهه 
