اقتباس:
المشاركة الأصلية كتبت بواسطة hazen
اسف لتاخر الرد اخى الزعيم احنا اوقات بندخل صفقات وبتعكس عليا بال 100 نقطة وبنصبر لغاية لما نيجى لنقطة الدخول لية بقى منصبرش للمكسب البعيد زى ما بنصبر لغاية لما نطلع من غير خسارة
وعلى فكرة الصبر اتعلمتة من حضرتك
السلام عليكم ورحمة الله. والصلاة والسلام على سيدنا رسول الله
حلو قوى المشاركة دى رفع الله قدرك اخى فانا اقدر مثل تلك الاسئلة .
اولا كلامك مظبوط جدا ولو احد متابع الصفقات السابقة سواء هنا او رحلة 10000 حيلاقى ان 80 % من الصفقات بيعدى ال 30 نقطة وبيوصل احيانا الى 100 نقطة بس بما ان فى نسبة 20 % فقط ناقصة اذن سيئة ومتعبة للقلب وممكن غيرى يعمل التريلينج زى ما وضحت مرارا ويكسب اكثر منى بس انا بحب اكبر دماغى .
التاريخ يعيد نفسه وما عكسه السعر يجب رجوعه اذا المضمون هنا هو انعكاس السعر ثم الصفقة الرئيسية فهمتنى ؟ وكما قلت كله بامر الله .
دور فى كل المنتديات هنا والجيران حتلاقى ان العامل النفسى للانسان وخصاصا احنا كمصريين وعرب نحتمل الخسارة ولا نصبر على الربح مش ده ؟ طيب انا فكرت فى انى استفيد من نقطة الضعف بتاعتنا وتحويلها الى ربح . فبدات من نفسى واصبحت هههههه ادعى بالارتداد تتخيل ؟
عشان ابرد واكسب ال 100 نقطة واغلق واضعهم فى حسابى . واترك احيانا الصفقة الرئيسية بس مش برضى اقول لكم عشان متزهقوش منى . بعد الربح من التبريد تبقى الرئيسية مفتوحة وافكر فى حاجتين اما انها تربح واما انها تنزل تانى 100 نقطة وابرد تانى ههههههههههه ايه رايك فى اللعبة دى .
احدى اصدقائى حسابه معى حينما اطلع عليه زهل كان فيه صفقة بقالها اكثر من شهر ومعاها صفقات يومية وسالنى وعرف انهم تبريد + الصفقة الرئيسية . تتخيل سعر قعد يرتد وابرد 3 مرات وكان اسعد صفقاتى .
الفوركس لعبة حلوة قوى على الاقل معى حتى الان وممكن يكون مصدر دخل ثابت كايراد بس محتاج كما وضحت سابقا حساب محترم شوية 10000 مثلا وصبر على الارباح 3-6 شهور ثم تبدا تسحب 50 % من الارباح دوريا ( ده فكرى الشخصى )
تحياتى يا غالى واسعد الله صباحك وصباح الجميع