خواطر قلبيه فوركسية

السلام عليكم و رحمة الله
اولا جمعه مباركة على اعضاء المنتدى الحبيب و ربنا يجعلها في ميزان حسناتنا جميعا ان شاء الله
الكلام الي هقوله ده فضفضه من القلب بعد مرور ستة اشهر على معرفتي بهذا العالم الغامض المكار السعيد تاره و الكئيب تارة اخرى
اولا:الله يخرب بيت اليونان عالي يعتبرها دولة من اساسه
نص عمري الفوركسي و انا كل الي باسمعه اليونان و نكوبولديوس و اثينا و تخريفديوس و كلام لا له اول و لا اخر من اساتذه الاساسي ان اليوم يوم الحسم واليورو الى الجحيم و كلام من ده كتير ولا في جحيم ولا اليورو يتهز شعره و تلاقي الحج برنانكي يتكلم كلمه يوقع بيها الدولار 200 نقطه يقولك شفتو علم الاساسي و هما ولا جابو سيرة برنانكي و يكون اصلا الهبوط حصل بعد برنانكي ما اتكلم ب 4 او 5 ساعات طب ده اسمه كلام لأ و احلى حاجه الشهرين دول حوالي 40 يوم عمل يجي يقولك في 39 منهم نصيحه للمبتدأين خليكو بره السوق النهارده عشان خرفشوف هيتكلم
و تسمع بيقول ايه ولا يستاهل تدفع نص جنيه حتى عشان تشوفه من اساسه ما خرفشوف بقى و ده بيأدي بينا للخاطرة التانيه
الفني يكسب بشرط......
شفت منه كل الخير و الحمدلله طبعا بعد البهدله السابق ذكرها اصدق مين اساسي ولا فني اساسي ولا فني طلع ان هي المفروض تتقال فني ولا فني بس بشرط تطبيق الاستراتيجيه الرائعه الي بشكر مستر احمد على انه اول من نبهني ليها الا و هي عدم الطمع و فعلا اسأل مجرب تلاقي كلامه صح و لو بعد حين بس بشرط انه يبقى فعلا مجرب مش بيقولك كده و خلاص و ده بيـأدي بينا للخاطره التالته
ليس كل ما يلمع ذهبا
او بالبلدي مش كل بت بيضا حلوة تبقى مزه ولا كل من كتب توصيه يبقى خبير فوركس بقاله 20 سنه مطحون في الفوركس طب دي انا اعرفها منين؟؟؟؟؟؟ من نسبه امكسب مثلا؟؟؟؟؟؟؟ ممكن بس انا عن نفسي بشوفها بوجهه نظر تانيه الا و هي عدم المكابره يعني يا عزيزي الموصي مش عيب ابدا انك تعترف ان التوصيه فشلت ده رزق يوم ليك و يوم لغيرك انما صفقه تعكس 150 نقطه و تقول ده تمويه و السوق راجع راجع يا عم ما احنا عارفين انه هيرجع بس سنة كام و بعد ايه و فعلا اهم نصيحه اتعلمتها من استاذي احمد عزام ان الستوب لوس هو الصديق اللدود ارضى يا عم بخسارتك ايه المشكله ما هو احنا ياما كسبنا و حمدنا ربنا يبقى نحمده على كل حال و نرضى بالخساره و الاهمنعترف بان هي خساره مش عيب و في هذا الشأن برضه اوجه تحيه اعزاز و تقدير لكل من احمد عزام و مستر اكس و مستر احمد لان هما الي نبهوني بشكل مباشر و غير مباشر لهذه النقطه و يا سيدي سيبك انت من الفلوس انا بتكلم عن النفسيه الي في الحضيض و الي بتأثر سلبا في جميع المحيطين بالواحد و دي الخاطره الاخيره
ادمان ام حب
نفسيه المتاجر كلمه بنسمعها كتير بس ما بنفهمهاش غير ساعه الخساره الفعلية
اوبا تلاقي السعر عكس عليك تبتدي تتوتر و تنفعل مع انه ما عكسش عليك اكتر من السبريد ب 10 نقط ولا حاجه و تبتدي تكشر في وش الوالده و تزعق في اخوك و تتخانق مع خطيبتك عشان متفقين تخرجو و اما تتصل بيك تتفاجأ هي بالصدمه العاتيهمش ناااااااااازل يا ستي ورايا شغل و بعد ده كله تتوتر اكتر و من توترك تقفل الصفقه على خساره 20 نقطه و اول ما تقفلها تقوم جاريه جايبالك الهدف عشان تكمل عليك و تخلص على اليوم من اوله و تحاول تنسى و تبتدي من الاول و جديد بس منين بقى ما هي عمرها ما هتظبط معاك غير لما تظبط نفسك
انا دلوقتي حاسس براحه رهيبه بعد الفضفضه دي و معلش لو تقلت عليكو بس الي بيحب حد بيتعشم فيه خير

جمعة مباركة كلها حسنات و أستجاب لدعاء

صحيح كلامك

كلام في الجوون والله
مليون لايك للكلام دة
بالذات الجزء بتاع نفسية المتاجر دة

وعليكم السلام ورحمه الله وبركاته
مليون هلا حبيبي احمد
يسلموووو ايدك علي الخواطر وصدقت يالغالي
وصراحة عجبني بعض التعبيرات الجميله
وكم اضحكني بعضها
وان شاء الله دايم تكون موفق انت والجميع داخل السوق

التوقيع

تسلم ايديك عم احمد على الكلام الحلو والي بتحسه طالع من القلب ومن صديق لصديق يمكن لانه طريقة كلامه ما كانش فيها نوع من التعقيدات اللغويه خليتني احس معاك بكل كلمه انت قولتها وصدقني هذا التفكير كثير كان افكر فيه وهو تقريبا نفس تفكيرك

التوقيع

اللهم امين
مشكور على مرورك يا غالي
شرفني مرورك يا دكتور والله و هو كلام النفسيه ده دخل قلبك قوي عشان انا كنت بكتبه و انا بمر بنفس الموقف لكن الحمدلله عدت على خير
يا الف مليون مرحبا بعريسنا الغالي و نوارة منتدانا
الله يسلم عمرك يا غالي و ابقى سبب في ضحكتك الجميلة علطول و عقبال يا رب ما في فرحك ان شاء الله و من بعدها نفسيتك كده كده هتتظبط لو مش بالذوق يبقى بال
ربنا يباركلك ويرزقك الذرية الصالحه يا رائع ان شاء الله
ربي يسلم عمرك اخي عبدالله و ان كنت قايل للدكتور ان هو طالع من قلبي فعلا بس الحمدلله جت سليمه
و يا عم ايه الي هيجيب التعقيدات مش كفاية الدنيا معقدانا كمان نصعبها على نفسينا طب على ايه؟؟ و هو فعلا تفكيري في الكلام ده مقارب لتفكير ناس كتير لان كلنا في مركب واحده بس انا ليا الشرف ان فكري مقارب لفكرك اخي عبدالله
شرفني مرورك يا غالي