
رد: استراتيجية قناة المتوسط المتحرك
اقتباس:
المشاركة الأصلية كتبت بواسطة Al-Mo7tref
اهلا و سهلا بك اخي الكريم و يسرني متابعتك للطريقة لاني بعد هذا الاسبوع من ملاحظتها و تجربتها عن قرب اثبتت لي انها جيدة و قوية فعلا .
ميزة الطريقة المرونة الكبيرة الهدف او طريقة الاستوب .
الـمـــــــرونــــة في اتخاذ القرار
1-اول ما تلاحظ خروج شمعة عن القناة هتستني اغلاق الشمعة الثانية (اسفل او اعلي) القناة (و تكون في نفس الوقت داخل حدود البولنجر)
2-هتشوف (لو او هاي) الشمعة التانية و تقوم بوضع امر معلق (بيع او شراء) عندها او بعدها بنقطة الي 5 نقاط
لو لقيت شمعة اغلقت داخل القناة مرة اخري تلغي الامر المعلق .و طبعا متنساش شرط المومنتم زي ما شرحت في اول مشاركة
3-اذا تفعل الامر هتحدد الاستوب اولا و يكون عند الحد (العلوي او السفلي) للقناة فوقها بنقطة الي 5 نقاط بالكثير .
طيب , الصفقة مشيت في صالحنا بيع مثلا هتلاقي القناة بتنزل معاك بعد كل شمعة هابطة جديدة , يعني مع كل شمعة جديدة حد علوي جديد للقناة يعني الاستوب بيمشي في صالحك لاسفل حتي يستمر الهبوط و يعدي نقطة الدخول و يكون الاستوب لو ضرب تكون رابح .
و العكس لو صفقة البيع مثلا ما مشيتش في صالحك يعني السعر طالع يعني القناة بتتجه لاعلي ساعتها الااستوب اللي حددته في الاول هو اللي فوق الشمعة التانية و يكون ثابت مش بيتحرك لغاية ما هتضرب الاستوب (تخرج و تنتظر فرصة جديدة).
4-بالنسبة الي الهدف : اساسا الهدف يكون عند اغلاق شمعة داخل القناة مرة.
ممكن تكون بعد شمعتين او 3 ,4 ,او حتي 20 شمعة المهم مفيش شمعة اغلقت داخل القناة افضل مااشي لغاية شمعة تغلق داخل الفناة كده اخرج .
بالنسبة لي احيانا اخاطر لما الاقي ان السعر محقق ربح و بعيد عن نقطة الدخول و حتي لو وصل السعر و خرج من القناة في الاتجاه المعاكس اكون رابح (ساعتها القناة هتكون تحت نقطة الدخول في حالة البيع مثلا) , انتظر و لا اغلق الصفقة لانها ممكن تكمل في صالحي و يكون خروجي في المرة التانية اللي يدخل السعر القناة , يعني اسوأ حالة انها هتغلق عند حد العوي للقناة لو بيع و هطلع علي ربح .
بس خليك في الامان و اطلع من اول اغلاق داخل القناة ما دمت علي ربح .
خلاصة الهدف انك تفضل ورا السعر لغاية ما يخرج من القناة من الناحية المقابلة بالكثير جدا و تكون علي ربح (خليك مرن علي حسب وضع الصفقة)
و اعتذر لك علي الاطالة
اقرأ تاني اول مشاركة و راجع الفرص و منتظر مشاركاتك ان شاء الله و معاك في اي استفسار .
اخوك سامي
تحياتي و تقديري

إطالة ايه يا باشا اللى بتعتذرلى عنها ده شرح 100 100 واشكرك على وقت الثمين شغل فنادق يعنى مش اى كلام

تحيااتى ومتابع معاك الورشة بإذن الله