• 5:34 مساءاً
logo




لعشاق النوتيلا nutella cheese cake

إضافة رد
عضو مبدع
تاريخ التسجيل: Dec 2011
المشاركات: 12,041
معدل تقييم المستوى: 20
ahmedhassan8 is on a distinguished road
27 - 03 - 2012, 04:40 PM
  #1
ahmedhassan8 غير متواجد حالياً  
افتراضي لعشاق النوتيلا nutella cheese cake

{ السلام عليكم ورحمة الله وبركاته

يسعد ربي مساكم // صباحكم بكل خير وعافيه
وصفتنا اليوم لمحبين النوتيلا ومحبين الشكولاته بشكل عام
هو عباره عن طبقة من البسكويت المقرمش وفوقه
طبقه غنيه بطعم الشكولاته والنوتيلا كريمية القوام ,, حلاها معتدل
متماسكه من غير ما تكون جامده تذوب في الفم بمجرد ما تحطيها في فمك
وعليها خطوط من الغناش لتوازن الطعم وتعطي شكل جمالي ..

وهنا شكله بالبدايه

وصفت لكم الحلا وشفتو النتيجه ندخل الحين على المقادير والطريقه :

هذه صورة للمقادير وكنت ناسيه السكر



للقاعده :~

علبة بسكويت دايجستف صغيره
زبده بمقدار نص اصبع زبده ابو 100 جرام يعني حوالي 50 جرام
ملعقة طعام كبيره سكر عادي
اول شيء نجيب صينية التشيز كيك واستخدمت صينيه مقاس القاعده 22 الى 24 سم عشان يطلع
التشييز مضبوط وارتفاعه حلو
قبل اي شيء انا وحده وسواسه بالوصفات احب اخذ احتياطاتي في كثير من الوصفات عشان ما
يروح تعبي خساره
وفي صينية التشييز كيك احب اسوي حركه عشان اضمن انه الماء ما يدخل على الصينيه ويخرب
كل الشغله مدري اذا تعرفونها او لا لكن اللي ما جربتها تسويها وتضمن نجاح التشييز كيك
المخبوز واللي تعرفها تسلك وتمشيها لي
اول شيء نجيب قصدير من النوع القوي ونفرشه على القاعده ونسكر الصينيه عليه ونخلي اطرافه برى



بعد ما نسكر الصينيه نثني اطراف القصدير على اطراف الصينيه الخارجيه ونكون حذرينعشان ما
نخرم القصدير ونصير كأننا ما سوينا شي وبكذا خلصنا تحظير الصينيه ..



نطحن البسكويت في الخلاط

وما نكثر طحن خليه شبه مجروش وبعدين ضيفي عليه الزبده بعد ما تذوبينها مع ملعقة السكر



نفرش البسكويت في الصينيه ونرفعه على الاطراف شوي ونرصه باي شيء متوفر عندك [ انا
اضغطه بقاعدة الكأس ] وبعد كذا ندخله الفرن الساخن ونخليه لمدة 7 دقائق
عشان يتحمص البسكويت بعد كذا نطلع الصينيه ونخليها تبرد على بال ما نكمل الوصفه



مقادير خليط التشييز كيك :~


كوب نوتيلا [ المفروض في الوصفه 3\4 الكوب لكن صار الكوب كل ماله ينقص فحطيت الكوب كامل ]
جبنة فيلادلفيا 300 جرام
3\4 الكوب سكر
ملعقة صغيره فانيليا
1\2 كوب كريمة طازجة
220 جرام شكولاته حلوه [ استخدمت شكولاته بالحليب من وينراخ ]
2 بيضه كامله
2 صفار بيضه
المقادير لازم تكون بحرارة الغرفه

بخلط الجبنة مع النوتيلا الى ان يمتزج الخليط مع بعض



بعد كذا نضيف السكر ونخلط الى ان يمتزج الخليط ثم نضيف الكريمه والفانيليا ونكمل خلط



على بال ما الخلاط شغال نذوب الشكولاته في حمام مائي الى ان تذوب تماما



نرجع لخليطنا

بعد ما ذابت الشكولاته نضيفها على الخليط ثم نضع البيض حبه حبه



وهذا شكل الخليط بعد ما انتهينا من إضافة كل المقادير



نغلف صينيتنا من الخارج بطبقتين من القصدير عشان راح نسويه بحمام مائي
ثم نصب الخليط فيها [ ترى هذه عباره عن فقاعات هواء مو كتل بالخليط ]





نكون مسخنين الفرن على 325 ºF وفي حمام مائي ندخل الصينيه
ونخليها لمدة ساعه وربع او اقل حسب حرارة كل فرن
راح تكون اطرافها تماسكت والوسط شوي طري ويهز معك



عشان نضمن ان اي تشييز كيك مطبوخ ما يهبط بسرعه نخليه بالفرن والباب مفتوح
بعد ما سكرنا حراره الفرن الى ان يبرد



بعد كذا ندخل صينيتنا الثلاجه الى ان يبرد والافضل يجلس اقل شيء 4 ساعات بعد
كذا نطلعه من الثلاجه ونكون عاملين غناش ونعمله على شكل خطوط متقاطعه



وهذا شكل التشييز بعد ما انتهينا منه


وهنا شكله من الجنب


نقطعه ونقدمه راح يكون متماسك





صحتين و عآفيةة ,


التعديل الأخير تم بواسطة خادم القرآن ; 29 - 03 - 2012 الساعة 08:38 PM
رد مع اقتباس



إضافة رد

أدوات الموضوع


جديد مواضيع استراحة بورصات

المواضيع المتشابهه
الموضوع كاتب الموضوع المنتدى مشاركات آخر مشاركة
نوتيلا nutella lzaman استراحة بورصات 0 18 - 03 - 2012 07:40 PM
cute cup cake Standing استراحة بورصات 0 16 - 07 - 2009 05:40 PM
I LoVe CaKe Standing استراحة بورصات 0 10 - 07 - 2009 06:10 PM


05:34 PM