رد: <<<إستراتيجية الحَرّيف>>> لابتلاع السوق ونقاط بالجملة
أولاً : أعتذر عن التأخير نظراً لزيادة مشاغلى ولضيق الوقت
وللأسف لم أفتح الموضوع الأسبوع الماضى
وياريتنى ما فتحته
لأن للأسف إحنا العرب هنفضل كدة على طول ومش هنتقدم أبداً
وطريقة نقدنا مش هتتغير ولا هنبقى متحضرين فى ردودنا على الأقل
وللأسف اللى سامح للكلام ده إنه يحصل إدارة المنتدى
لو الإدارة حاسمة كانت وقفت مجموعة حلوة كدة من اللى بيردوا على المواضيع وبيستفزوا أصحابها
وهما أصلا لسة اسمهم مكتوب بالقلم الرصاص فى سوق الفوركس
على العموم أنا مش هرد على أي حد أساء ليا
وعفا الله عما سلف
المهم
دلوقتى لازم نعرف حاجة مهمة وأنا نبهت عليها أكتر من مرة
إن الإستراتيجية تحت التجربة
وإن اللى عايز يدخلها يدخلها ديمو بس
واللى عايز يعمل ستوب يعمله 500 أو 1000
أنا عن نفسى مش بعمل ستوب فى الإستراتيجية دى أبداً
لأن زي ما شوفنا كلنا السوق ارتد علينا قد إيه الإسبوع الماضى
وكانت الخسارة حوالى 380 نقطة والحمد لله
فلابد أن نعلم أي استراتيجية لابد لها من ثغرات وعثرات
وأنا عرضتها هنا فى المنتدى لكي نقيمها ونعدلها ونضيف عليها ضوابط
بس ما قلتش المبتدئين يدخلوا أنا قلت الخبراء زي الإستاذ الكبير النجف
وفعلاً جزاه الله خيراً ودخل وقال رأيه بكل حيادية وأشكره على ذلك
لو نظرنا على النتائج خلال الشهر الأربع أسابيع الماضية سنجد الأتى :
الأسبوع الأول : ربح 600 نقطة
الأسبوع الثانى : ربح 700 نقطة
الأسبوع الثالث : ربح 358 نقطة
الأسبوع الرابع : خسارة 380 نقطة
يعنى إجمالى الشهر ربح حوالى 1278 نقطة
أي نسبة الخسارة 1:4
ونسبة الربح 3:4
أعتقد لا تعليق على المشاركات السابقة للحكم على الإستراتيجية
أما الآن وشهر جديد فدخلنا مع افتتاح الأسبوع شراء لأن الجاب فتح لتحت
من النقطة 157.30
والآن محققة أكثر من 60 نقطة فى أول يوم فقط فى الأسبوع
والإرتداد كان حوالى 200 نقطة تقريباً
يعنى اللى خسر هيعوض إن شاء الله الأسبوع ده
ولو محدش عوض إحنا شغالين على الديمو
يعنى مش دافعين من جيوبنا حاجة
أحسن فى ناس عندها وسواس قهرى
الشارت فى المرفقات
شكراً ليكم وشكراً لردودكم التى أسعدتنى فعلاً