تشوكلت فوندان أو مولتن كيك

ahmedhassan8

عضو مبدع

تاريخ التسجيل: Dec 2011

المشاركات: 12,041

معدل تقييم المستوى: 25

31 - 03 - 2012, 12:30 AM

تشوكلت فوندان أو مولتن كيك

بسم الله الرحمن الرحيم

أول شي نجيب قوالب الكيك الصغيرة البايركس، وندهنها بالزبدة ونحطها في صينية فرن...المقدار اللي سويته يكفي 4 قوالب... و نحمي الفرن على حرارة

في وعاء لخلط الكيك نحط:
نصف أصبع زبدة
نصف كوب كاكاو خام

نذوب الزبدة و الكاكاو إما في المايكروييف أو في حمام مائي ونتركهم يبردون شوي...

نضيف عليهم نصف كوب سكر بودرة...

طبعاً بعد ما نخلطهم بتصير عندنا عجينة قاسية شوي...

نضيف عالمقدار بيضة وحدة + صفار بيضة

نخلطهم مع بعض و بيصير عندنا خليط سائل...

نضيف عليهم 3 ملاعق كبيرة طحين، وأنا نخلته عشان يكون الكيك خفيف...

وهذا بعد ما خلطناه...

نصب الخليط في القوالب اللي جهزناها، تقريباً نعبي ثلاثة أرباع القالب... طبعاً المفروض تكون أربعة

ندخل الصينية الفرن على الرف الأوسط و لمدة ربع ساعة بالضبط...
وهذا بعد ما طلعت...

نمرر طرف سكين على حواف القالب عشان نقدر نقلب الكيك، و نمسك القالب بفوطة المطبخ عشان ما يحرقكم... و نقلبها في صحن التقديم على طول...

نرش الوجه بالسكر البودرة أو إذا تحبون قدموها مع الكريما...و نقدمها وهي حارة عشان يبين الكاكاو اللي داخل وهو سايح...

بالهنا و العافية

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مولتن كيك	ahmedhassan8	استراحة بورصات	0	29 - 12 - 2011 04:20 PM

تشوكلت فوندان أو مولتن كيك

روابط سريعة