ساعدونى ...عاوزه افتح حساب تجريبى

المشاركة الأصلية كتبت بواسطة مغامر2012

المشاركة الأصلية كتبت بواسطة mohamed_eltaweil

اخر سؤال انهارده على اساس ان رصيدك نفذ مثلا
هههههههههه
لا طبعا اسالى زى ما تحبى اصل انا مش بشرح ببلاش على فكرة (هو مش الواحد بياخد ثواب برضوولا اية )
بصى يا ام فيروز
هنبسط الموضوع قوى وخلينى اشرحلك كدة بالبلدى
فى حاجة اسمها الرافعه الماليه leverage
وفى حاجة اسمها قيمه العقد lot value
وفى حاجه اسمها حجم العقود lot volume
هنتكلم الاول عن قيمه و حجم العقد
العقود قيمتها ثابته فى اى مكان بمعنى
عقود اسمها عقود عادية standard وقيمه العقد ديما بتبقى 100000 وحدة من العمله المشتراه وقيمة النقطة 10 دولار (ثابت)
عقود اسمها عقود مصغره mini وقيمه العقد ديما بتبقى 10000 وحدة من العمله المشتراه وقيمه النقطة 1 دولار (ثابت)
عقود اسمها عقود ميكرو micro وقيمه العقد ديما بتبقى 1000 وحدة من العمله المشتراه وقيمه النقطة 0.1 دولار (10سنت) (ثابت)
هنضرب مثال للتوضيح
هنفرض انك اشتريتى يورو مقابل الدولار مثلا وسعر الشرا كان 1.3100
لو انتى هشترى عقد من نوع ستاندرد (اول نوع) يعنى 100000 وحدة من اليورو ، يبقى المفروض انك هتدفعى 100000*1.3100 = 131000 $
قيمه الصفقة (المبلغ المدفوع) = سعرالزوج * قيمه العقد
طبعا قيمه النقطةهنا ثابته عشرة دولار لان نوع العقد ستاندرد
مثال 2
هنفترض انك هتشترى عقد نوعه ميكرو يعنى 1000 يورو
المفروض انك تدفعى كام
احسبى لواحدك كدة؟ واستخدمى المعادلة
............
...
..
.
ايوووووووه الله ينور
1000*1.3100= 1310 $
قيمه النقطة 10سنت ثابته لان نوه العقد ميكرو
طيب نيجى بقى لنقطة الرافعه:
على نفس المثاليين اللى فوق
وطبقا للمثال الاول
المفروض انك تدفعى من جيبك131000 $ علشان تحصلى على 100000 يورو
طبعا مفيش حد فى الدنيا علشان يدخل صفقة واحدة هيدفع دة كله فالشركة قالتك انا ممكن اعملك حاجة شبه قرض كدة ادفعلك انا فلوس تكون نسبتها كبيره من الصفقة مقابل انك تدفع نسبه صغيرة
فسالت الشركة انتى هتدفعى كام
قالتلى هعملك رافعه 1:100 قولتها يعنى اية
قالتلى هدفعلك 100 دولار لكل دولار واحد انت تدفعه
قولتها طيب انا هنفذ الصفقه الاولى بتاعه العقد الاستنادرد هتدفعى كام وا نا هدفع كام
قالتلى اقسم قيمه الصفقة على 100 و اللى يطلع ادفعه وانا هدفع الباقى
قولتها طيب 131000/100=1310 $
قولتها خدى 1310 $ و اشتريلى 100000يورو يلا
قالتى حاضر وقامت منفذه الصفقه
شاطرة قوى الشركة دية بتسمع الكلام
اصبح انا اشتريت 100000 يورو فى حين انى دافع بس (1310 $ ودة الهامش المستخدم )margin
طبعا يا ام فيروز لازم يدور سؤال فى ذنك دلوقت؟
عارفه اية هوه؟
هتسالينى : طيب والشركة تضمن منين ان ما اخسرش الصفقة و يضيع عليها 100000 يورو وانا اساسا مش دافعه غير 1310$
هقولك هنفترض ان حسابك 2000 دولار
اول ما هتنفذى الصفقة عقد ستنادرد هيتم خصم 1310 $ من حسابك ودة اسمه هامش مستخدم
هيفضل كام من ال2000 $ هيفضل 690$ ودول اسمهم هامش متاح يعنى متاح تشترى عقود تانية بيهم وفى نفس الوقت الهامش المتاح دة هيتحرك بالزيادة او النقص مع تحرك سعر صفقتك المفتوحة
يعنى لو اليورو زاد 50 نقطة وانت عامله شرا الهامش المتاح هيزيد 500 $ لان النقطة ب 10 $ * 50 = 500 هيصبح الهامش المتاح 690+500= 1190$
طيب لو السعر انخفض 50 نقطة
الهامش المتاح هينقص 500$ لان 690 -500 = 190$
هتقوليلى طيب افرض نزل 100 نقطة
هقولك ان الشركة هتقفل الصفقة اجبارى لغاية ما الهامش المتاح يوصل لصفر وبعد كدة الشركة هترجعل الهامش المستخدم اللى فتحنا بيه الصفقة فى الاساس اللى هو 1310 ودة هيبقى رصيد حسابك اذا الشركة مأمنه نفسها بالهامش المتاح ومش هتسمحلك بان الصفقة تفضل مفتوحه لغاية ما السعر يهبط على صفقك 100 نقطة معنى كدة ان الصفقة هتقفل لما السعر يهبط 69 نقطة لية
لان النقطة ب10$ و وانتى الهامش المتاح 690 اذا 690/10 = 69 نقطةدة اخر حاجة ممكن الشركة تسمح للسعر يرتد عندها
هو دة كل الكلام و نكتفى بهذا القدر ولينا درس تانى فى نفس الموضوع بس لما تهضمى الشرح شوية


وخدى عندك الواجب دة علشان اعرف انتى فهمتى كلامى ولا لآ
قامت ام فيروز بفتح حساب لدى احدى شركات الوساطة المالية بمبلغ 250 $ فوفرت الشركة رافعه مالية قدرها 1:100 وحينما دخلت ام فيروز منصة التداول وجدت سعر GBP/USD = 1.5850 سعر الشراء وكان سعر البيع 1.5846 فاذا قررت ام فيروز شراء عقد واحد من نوع مينى اى النقطة ب عشرة سنتعلما بان السعر ارتفع الى 1.5900 ،فاجب عما يلى

اولا هو موش المينى يعنى النقطه بدولار والميكرو هو اللى نقطته ب 10 سنت .؟.
1- كم عدد النقاط التى تاخذها الشركه (سبريد)؟ 1.5850-1.5846= 4 نقااط
2-ما قيمه الهامش المستخدم فى هذه الصفقة ؟
بما انى هشترى عقد ميكرو يعنى 1000*1.5850=1585$ --> الهامش المستخدم الى انا هدفعه ازاى وانا موش معايا غير 250 دولار بس ؟؟؟؟

3- ما قيمه الهامش المتاح اثناء تنفيذ الصفقة؟ المفروض ان الهامش المتاح = الرصيد - الهامس المستخدم
4- ما قيمه الهامش المتاح عند وصول السعر ل 1.5900
5- ما قيمه رصيد الحساب عند اقفال الصفقة على سعر1.5900؟
اتمنى تحلى الاسئلة كامله و صحيحه
تصبحى على خير

المشاركة الأصلية كتبت بواسطة flymero

درس خصوصى الله ينور عليك (استاذ محمد الطويل ) ماشاء الله عليك من 2008 مبتعملش مشاركات !!!!!!
سبحان الله الواحد لما بيسئل السؤال مبيلاقيش حد يعبرة