طلب اكسبيرت

السلام عليكم
طبعا بعد اذن الاخ الكريم سفارى
.....................................
اخى الكريم
انت عايز اكسبيرت تقوم انت بوضع سعر معين فى خانة اعدادات الاكسبيرت
وعند وصول سعر السوق الى هذا السعر يتم فتح صفقة شراء او بيع
هذا هو المطلوب ؟
او غير ذلك
ارجو التوضيح اكثر
وان شاء الله اقوم بعمل الاكسبيرت لك
بتوفيق اخى الكريم
واكرر بعد اذن الاخ الكريم سفارى

اهلا بيك اخى الكريم
ويسعدنى عرضك للتعاون
لا ان عايز اكسبيرت يفتح صفقه بيع بعد كسر مستوى دعم والاغلاق اسفله
يعنى مثلا هشرحلك مثال على طريقه انزالى التوصيات

اليورو دولار
كسر نقطه 1.2430
اتجاه هابط ويستهدف 1.2390
إيقاف الخسائر 1.2520

كسر نقطه 1.2520
فان الاتجاه صاعد
ويستهدف 1.2560 ثم 1.2600

ده شكل التوصيات اللى انا بنزلها فى منتديات تانيه
وعلى فكره انا فتحت موضوع فى القسم العام
وهتابع فيه توصياتى

عموما نرجع لموضوعنا
زيى ما انت شايف هناك توصيتين
طبعا فى حاله تفعل الاولى تتلغى التانيه
المهم

ىالتوصيه بتقول كسر نقطه 1.2430
بمعنى انه يجب كسر المستوى المذكر واغلاق الشمعه اسفل المستوى
اذا حصل كده ندخل بيع
بهدف 1.2390 واستوب 1.2520
وكل ده على شارت ال ربع ساعه
على فكره ده توصيه من ضمن توصيات اخرى كانت اول امبارح والحمد لله حققت الهدف كامل
وهرفقلك الشارت علشان تشوف طريقه دخولى
تم تحقق هدف البيع
محقق +36 نقطه ربح


[IMG]http://************.com/vb/upmarco/241/1338396445.gif[/IMG]
شايف الخط الازرق الافقى بيمثل مستوى الدعم
والخط الازرق الراسى موجود على الشمعه اللى كسرت الدعم واغلقت اسفله
وبالتالى دخلنا بيع
ووصلنا الى الهدف وهو الخط الاحمر
وممكن تراجع التوصيه بالخطوط الموجوده بالشارت وانت هتفهم اكتر
اتمنى اكون اوضحت فكره توصياتى وطريقه دخولى والمطلوب
وشكر للمره التانيه

السلام عليكم اخى الكريم
هو نفس كلمى
الاكسبيرت يتم وضع امر للبيع على توصية او اى حاجة تانية المهم انت من تفعل الاكسبيرت
ونفس الشئ للشراء
الاكسبيرت فى المرفقات
جرب وشوف
واى تعديل انا تحت امرك
بتوفيق اخى الكريم

الملفات المرفقة

Hello.mq4‏ (2.4 كيلوبايت, المشاهدات 11)

الف شكر اخى الكريم على تعاونك واهتمامك بالموضوع
بس ياريت تدينى فكره فى السريع عن الاكسبيرت وفكره عمله

السلام عليكم اخى الكريم
الاكسبيرت يعتمد عليك انت
يجب وضع امر الشراء مثلا 1,3000 وهاكذا على اى عملة يتم وضع الاكسبيرت عليه
او امر البيع حتى يتم فتح صفقة
وطبعا بتحدد الحد من الربح
او الاستوب
مثلا
30 نقطة او 50 نقطة او اى حاجة انت عايزه من النقاط
بس هو دى موضوع الاكسبيرت
بتوفيق اخى الكريم

مشكورا اخى الكريم
هى ده المشكله اخى الكريم
انا للاسف معرفش سعر الشراء
لانه بيتحدد لما بيتم كسر المستوى والاغلاق اسفله
وفيكون سعر الشراء هو افتتاح الشمعه التاليه
وهو ده بالظبط اللى انا عايزه
عايز اكسبيرت ادخله المستوى
لما شمعه تغلق اسفله
هو يدخل اتوماتك من سعر افتتاح الشمعه التاليه
لو انا اعرف سعر الدخول سواء فى البيع او الشراء
كانت بقت سهله
منتظر ردك

السلام عليكم
حضرتك بتقول فى اول الموضوع
انت عايز اكسبيرت تضع فيه انت سعر الدخول فى صفقة الشراء
وسعر الدخول فى صفقة البيع
صح كدا ؟.
لو عايز حاجة تانية غير كدا
ارجو شرح ماذا تريد بتفصيل
وان شاء الله خير
بتوفيق اخى الكريم

لا اخى الكريم
انا عايز اكسبيرت ادخل قيه مستوى دعم معين
او مستوى مقاومه معين
بحيث فى حاله كسر المستوى والاغلاق فوقه اذا كان مقاومه او الاغلاق اسفله اذا كان دعم
يدخل من سعر افتتاح الشمعه التاليه
بيع فى حاله كسر مستوى الدعم
او شراء فى حاله كسر مستوى المقاومه
اتمنى ان يكون الامر اكثر وضوح الان
انا تعبك معايا
والف شكر على اهتمامك

السلام عليكم اخى الكريم
ارجو النظر فى صور الشارت
هذه هى طريقة عمل الاكسبيرت
يتم وضع سعر معين فى صفقة الشراء
وسعر معين فى صفقة البيع
كما مشرح فى الصور
.................................................. ..
هذه هى طريقة العمل

لو حضرتك عايز الاكسبيرت يجيب هو سعر الدعم وسعر المقاومة لوحده
هذا هايكون اكسبيرت جديد
وكمان لا تستطيع تضع فيه سعر معين يدخول منه الاكسبيرت
المهم ارجو النظر على صور الشارت
وشوف كيف تريد عمل الاكسبيرت
بس ارجو يكون توضيح اكثر من ذلك
اخوك لسه جديد فى موضوع البرمجة
بتوفيق اخى الكريم

الصور المرفقة

	1.png‏ (48.5 كيلوبايت, المشاهدات 1)
	2.png‏ (50.6 كيلوبايت, المشاهدات 2)
	3.png‏ (122.8 كيلوبايت, المشاهدات 1)