صبغات طبيعية بدون حنا
صبغة طبيعية بدون حنة ولمعان وفرد مجربة حصري
هاي بنات كيفكو اليوم جبتلكو وصفة من اختراعي عن جد جربوها وان شاء الله تعجبكو هي مو بس للصبغ لا وكمان لنعومة ولمعان بمرة واحدة الكل ح يسالك شو نوع صبغتك هي صعبة شوي مكوناتها كتيرة بس نتيجتها روعة وبتستاهل وبكرر نتايجها بتبين من اول مرة بس اذا بدكو كرروها >> يلا عاد طولتيها وزودتيها هاتي هالتحفة عاد<< المكونات 2 ملعقة عسل+علبة زيت دابر املا الصغيرة+علبة مايونيز +كاسة زيت زيتون+كاسة زيت ذرة تبع القلي +علبة كريم للشعر اي نوع بتستخدمي انت عادة بس يفضل يكون بالعسل +نصف كاسة حليب + تفاحة تسلق بكمية ماء قليلة وتوضع في الخلاط مع ماءها + كمشة بقدونس كمان بنسلقها بكمية ماء قليلة ونضعها بماءها مع التفاحة في الخلاط ونخلطها حتى تصبح ناعمة جدا + قشرة موزة >اي نعم قشرة الموزة كلو الموزة وخلو قشرتها وحطوها بالخلاط مع المقادير السابقةحتى تصبح ناعمة هلا بنيجي للتلوين > لكان هادا شو < هادا يا حبيباتي النعومة واللمعان يعني اللي ما بدها تغير لون شعرها تكتفي بالوصفة لحد هون اما اللي بدها تلون تتابع معي :
بالنسبة للون الاشقر نضع ملعقتين كركم وملعقة نسكافيه ونص كاسة الشاي خل ونص كاسة الشاي ليمون بدون اللب يعني عصير صافي قشور بطاطا وقشور بصلة مسلوقين بقليل ماء
بالنسبة للون البني نضع ملعقتين كركم وملعقتين قهوة وملعقة كاكاو بودرة ونص كاسة الشاي خل ونص كاسة الشاي ليمون وملعقتين قرفة
بالنسبة للون الاحمر برغندي ملعقتين كركديه منقوعة بقليل ماء مع قشور باذنجان مسلوقة بنفس ماء الكركديه وملعقتين فلفل احمر حلو بابريكا > ديري بالك حلو مو تحطي شطة ع راسك وتولعي كخخ< وتلات ملاعق عصير توت طبيعي اذا ما في ممكن اي نوع عندك تانج او فيمتو اللي متوفر بالبيت
حطي المكونات كلها مع بعض بخلاط العصير واخلطي حتى يتمازجو تمام > يا عيني ع الفصاحة < بعدين حطي طول الليل والبسي عليها كيس نايلون وطاقية مشان الحرارة واذا ما بدك طول الليل اقل شي 4 ساعات وبعدين اغسلي عادي بالشامبو تبعك بس رح تتعبي شوي لحتى تنظف بس معليش كلو بيهون مقابل الجمال كخخخ وبعدين نشفي منيح بالسيشوار وادعيلي بالهداية صدقوني جربتها وطلعت روعة حتى جوزي حبها ورفيقتي اليوم بتجربها من كتر ما لاقتها حلوة فكرتني رحت عند كوافيرة وما صدقت اني
انا عملتها بالبيت
ملحوظة صغيرة : انا شعري بني غامق وبس حطيت الصبغة اللون البني صارت افتح بدرجة وتاني يوم حطيت الصبغة باللون الاشقر فصارت افتح وبتجنن من كتر اللمعة والنعومة وكانك حاطة زيت كخخ
ملحوظة تانية صغيرة : انا ما جربت اللون الأحمر بس اللون البني والأشقر بس كلو طبيعي وبيصير حلو ان شاء الله بس أنا جوزي ما بيحب اللون الاحمر مشان هيك ما عملتو يلا اللي تجرب تعطيني رأيها
يارب ارحم تهاني واغفر لها ذنوبها كلها وارحمها من النار ومن عذاب القبر يا كريم
صبغات طبيعية بدون حنا
صبغات طبيعية بدون حنا
المواضيع المتشابهه 
