رد: امجدونا للتوصيات السوبر ملكية
الجزء الثاني من استراتيجية الهدج
وصلنا ياشباب عند بيع اليورو من 3500 بدولارين ونفتح عقد شراء بدولار واحد في حالة هبوط السعر مية نقطة نقفل الصفقتين على ربح وفي حالة ارتداد السعر مية نقطة قلنا ماندخل هدج كامل حتى مايظهر عندي الفري ريكومنديشن من تحت الشمعة طيب نجي الان للحالة اللي تحصل فيها خيانة ويظهر الفري ريكومنديشن من تحت ويصعد السعر هنا زي مااتفقنا نفتح هدج كامل يعني ندخل عقد شراء من جديد بدولار واحد ونترك السعر يصعد زي مايبغى ومانقفل صفقة الشراء الا لمن يكسر اليورو ترند ثانوي ويظهر الفري ريكومنديشن من فوق الشمعة زائد طبعا نقاط الباربوليك هنا وقتها نقفل الشراء تماما يعني نقفل كل العقدين وبعدها يكون عندنا حل من اثنين اما ندخل بيع بدولار او دولارين من باب اننا نقفل على مكسب سواء بعد 50 او 100 نقطة او نترك الصفقة مفتوحة زي ماهيا ونستفيد من هبوط السعر طيب نجي الان للحالة اللي ممكن تسير وهيا لو هبط السعر 10 او 20 نقطة ورجع مرة ثانية كسر ترند حقيقي على فوق وظهر الفري ريكومنديشن من تحت على طول نرجع ندخل هدج كامل وننتظر صعود السعر ومانقفل الا بعد كسر الترند الثانوي على تحت زائد ظهور الفري ريكومنديشن من فوق ونستمر على هذي الحالة الى ان نخرج من الصفقة على نقطة الدخول او على مكسب وهذي الحركة تسمى بحلب العملة يعني كل مايطلع اكسب وكل ماينوي الهبوط اقفل على ربح وادخل بيع او ممكن ماادخل بيع وانتظر الهبوط وبكذا كل نقطة يهبط فيها اليورو اكون انا كسبان من صفقة الشراء زائد الخسارة من صفقة البيع قاعدة تقل طيب اذن الان عندنا قاعدة مهمة وهيا ممنوع يمنع منعا باتا نقفل اي صفقة على خسارة طيب نجي الان للحالة اللي ممكن تسير معانا وهيا لو دخلنا هدج كامل وبدل مايصعد السعر قام هبط على طول اضحك وابتسم ولا تزعل ولا تضايق حتى لو هبط السعر 200 او 300 نقطة لأننا في هذي الحالة راح نتعامل مع العقدين حقت البيع بنفس الطريقة اللي اتعاملنا فيها مع عقدين الشراء بمعنى لو هبط السعر 300 نقطة وكنا كسبانين من صفقة البيع وطبعا خسرانين من صفقات الشراء اول مايظهر الفري ريكومنديشن من تحت وينوي السعر على الصعود بعد كسر الترند الثانوي نقفل البيع وندخل شراء من باب تقريب نقطة الدخول او من باب زيادة الأرباح او نترك الصفقة ترتد ويصعد السعر بدون ماندخل اي صفقة شراء ونستمر على هذا الحالة نكسب من الشراء في حالة الصعود ونكسب من البيع في حالة الهبوط اهم شي اهم شي ممنوع نقفل اي صفقة على خسارة اوكي ممكن نتعلق اسبوع اسبوعين شهر عادي مافي مشكلة اهم شي نقفل في النهاية اما على نقطة الدخول او على مكسب ولا نخسر كل فلوسنا نقطة مهمة جدا لازم تخلوها في بالكم لازم الهامش المتاح يكون ممتاز عشان وقت مانفكر نقفل اي صفقة على ربح مانخاف من ارتداد 30 او 40 نقطة يعني لازم يكون عندنا هامش متاح يستحمل اي خيانة واردة في السوق واي سؤال واي استفسار انا تحت امركم باقي نشرح استراتيجية تفتيت الهدج ان شاء الله في الأيام القادمة