رد: امجدونا للتوصيات السوبر ملكية
اقتباس:
المشاركة الأصلية كتبت بواسطة amjadona1
الله يبارك فيك ياحبيبي والف مليون مبروك عليك الأرباح تستاهل كل خير والله انك فرحتني بكلامك الله يفرح قلبك دنيا واخرة انت انسان اصيل وغير ناكر لمجهودي وتعبي معاكم وهذا احلى مافيك تصدق المشاهدات عدت ال 4000 مشاهدة ثانيا الله يجعلك دايما في سعادة وفرح وسرور وانبساط ويجعلك نبراس شامخ لكل الناس والله يعطيك على قد نيتك وصدقني يامؤيد انا ماني مستني اي شكر من احد تكفيني الدعوة الصادقة بس يااخي من جد من جد شي يحز في النفس انا اعتبر نفسي شمعة قاعد احرق نفسي عشان اضيء لكم الطريق واطلعكم من التخبطات والخساير ولكن يااخي ماني عارف وماني فاهم كيف اقدر افهم واستوعب طريقة التفكير العربي يااخي والله من جد شي عجيب شي ماقد حصل ويمكن مستحيل يحصل في اي مكان الا عندنا في الشعوب العربية فقط انا ماني عارف ليش لمن التوصيات تحقق ارباح الكل ينام ولكن لمن تعكس الكل يصحى ويتكلم يااخي انا مااحب التناقض والإزدواجية يااخي اقسم بالله العظيم علاقات كثير انهيتها من حياتي بسبب التناقض والإزدواجية اللي قاعد اشوفها في الناس هيا وحدة من اثنين يااما ننام في الحالتين سواء في حالة الربح او الخسارة او نصحى في الحالتين لكن اننا ننام في حالة الربح ونصحى عشان نزعق ونصيح في حالة الخسارة او الإنعكاس يااخي هذا شي بصراحة مايعجبني احب ان الناس تعاملني بوجه واحد بشخصية وحدة مهو وقت الأرباح تنساني ووقت الإنعكاس تبدأ تفتكرني وصدقني انا بعد موتي مااحب حتى اني اتعب احد فيكم واخليه يكتب على قبري رحم الله امجدونا او منتهي الصلاحية ولكن يااخي على الأقل ابغى احس انه في ناس صاحية في ناس عندها روح وحياة وقلب ودم ابغى اطمن اني انا ماشي صح والناس بتستفيد وتكسب وبتربح يااخي التوليفة لها سنة في المنتدى موجودة مافي احد احياها غيرك وكأني انا اللي محتاجها وكأني انا اللي ابغى توصيات يااخي من جد معد انا سرت فاهم اتعامل مع التفكير العربي يجوز العيب فيا والله ماني عارف بس فعلا انا حاسس انه في خلل في الموضوع يااخي انا شعاري في الحياة مع الناس راح تتعلمو يعني راح تتعلمو بالقوة بالمروة راح تتعلمو يااخي اكثر شي يقهرني ويقتلني لمن اشوف العرب يخسرو خلاص خلاص خلاص كفاية والله كفاية خسارة احنا في سفينا كبيرة خلونا نبحر فيها سوى مافي داعي يكون في ناس ناجين وناس غرقانين كم هو جميل انه يكون الكل رابح وسعيد وفرحان ومبسوط لكن واحد رابح ومية خسرانين والف واحد منت داري هل هما ربحانين او خسرانين على العموم سامحوني سامحوني لو كان زعلت احد فيكم القاكم على خير ان شاء الله مع السلامة وبالتوفيق للجميع
هلا بالحبيب امجدونا ... والله ياامجدونا انا مااعرف شيء لكن بفضل الله اللي خلاني اتعرف على الموقع هذا واتعرف عليكم واقرى توصياتكم انت وكم واحد من الاخوان اهنيه ويشهد الله اني قلت بين اصدقائي الله يجزاه خير امجدونا اللي علمنا على الحركه وخلانا نعتمد على نفسنا ..
صج تعلمت حركه الشارتات اللي كتبتها لنا بس هم مانستغنى عنك وعن توصياتك ...
مشكور ياامجدونا ومنتظرين توصياتك ...
وافضل دعاء هو الدعاء بظهر الغيب وتأكد انه الاخوان اهنيه يدعون لك بظهر الغيب بالتوفيق والرزق ..
دمت بخير