مطعم شايه الإيراني بجدة

مطعم شايه الإيراني بجدة


مطعم شايه الإيراني بجدة ... حسبي الله ونعم الوكيل*

بسم الله الرحمن الرحيم*
ماقد حصل بحياتي كتبت أي تقرير ضد أي مطعم او خدمة او منتج ماعجبني لكن هادي المرة والله انجبرت من قهري انقلكم نبذة عن اللي حصلي انا واهلي في دا المطعم واللي خلتنا بدل مانفرح بالطلعة نفسنا تنكسر ونرجع البيت زعلانين ..

اقترحت ع الأهل نزور مطعم ايراني بس الفكرة ماكنت محبذة من الكل خصوصاً انهم سمعوا انو المطاعم الإيرانية هنا غير نظيفة وسيئين وبيعجنوا الخبز برجولهم ووو كلام كتير بس بصراحة ما اقتنعت فيه *وقلتلهم خلينا نتوكل على الله مافي شي *وفعلاً رحنا ..

وصلنا المطعم وكان في ويتر سوري قلنا اجلسوا هنا وشرد جلسنا استنينا استنينا *قلنا دحين يجي اتلطعنا وكنت كل شويا ارسلو ولد بنت خالي يكلمو يجي وفييين وفين ع بال ماجا المهم المنيو كان اسعاره متوسطة مو بطالة وكنت شايل معايا ميزانية كبيرة ومتوقع انها حتزيد بالراااحة ولما جينا نطلب الويتر كان يتلقف فكللل شي حسيتو يبغى يبيع كل المطعم كل مانطلب شي يقول نزودلك عليه مابيكفي هاد يكفي نفر واحد بس ، السلطة اجبلك 3 صحون والرابع بعملو مشكل ، بنت خالي سألته بمنتهى الأدب والزوق يعني بنفس السعر 39؟ قلها بشراسة كيف يعني بنفس السعر اكيد لا وضحك وكنت اقله لا كفايه صحنين من دا ويطل بإحتقار انو كيف حيكفيكم كل ماقلو شي يقلي حزودك عليه وكل دقيقة تبغى مدري ايش؟تبغى وتبغى ؟؟؟؟ ماخلاني اطلب زي الناس بعد ماطلبنا حسيت نفسي ماني مرتاح قلتله بعد دقيقة وحدة ممكن اكنسل الطلب قلي لا لالا لا لا خلاااص الأكل ع النار مستحيل انا كنت محترم للغاية وقلت اهلي يستاهلوا كل خير وجا الأكل ..


والله كان كتيييير دبسنا فيه لدرجة انو اللي زاد ينفع لعشوة تانية وبعدين جا واحنا بوسط الأكل جاب تورتة كبيرة يقلي خدها معك بحطلك هيا سفاري قلتله شكرا والا يقنعني اخدها وانا باكل!! المهم جا الحساب وكان جددداً مبالغ فيه ابداً مو على قد المطعم ولاأكله ولاخدمته ولانظافته انا قد دخلت مطاعم فخمة كتير ماوصلت لدي الدرجة ابداً وخصوصاً انو احنا مو كتير ولما طلبت مناديل معطرة قلي طيب وخلاني انتظرررر ولما سألتو تاني قلي بتعرف اخر النهار وماعاد في بكل وقاحة *!!! طيب تعال وقلي !!!

انا كنت محترم لأنو معانا بنت خالي ماحبيت اتواقح معاه ..
اتناقشت معاه على جنب قلتله انت تقول الصحن يكفي لنفر واحد فقط بس كان حجمه كبير*
قلي في ناس بيطلب صحن وياخدوا معه اربعة اسياخ وكل شويا يقول خلص انا مادخلني بعد ما اخد حسابه حسبي الله ونعم الوكيل فيه وفي صاحب المطعم والله حسيته نصاب كبير ويبى يطلع من كل عيلة اكبر مبلغ ممكن طز في الفلوس بس اهم شي التعامل والاحترام يااخي ماقد شفت كدا *..

*ملاحظة :اخدنا الباقي تيك اواي وبنت خالي تحلف بالله انو الأكل كان اقل بكتير من اللي كان موجود ع السفرة ... الله لايباركلهم*