كيف تعرف اتجاه العمله وكسب النقاط والاستوب

المشاركة الأصلية كتبت بواسطة حمادين

الله يجزاك خير

قريت لك انه تستخدم الطريقه اللي عملها امجدونا ماادري شنو الفريمات بس اعتقد من ضمنها فريم الربع ساعه اذا صحيح فأنظر لفريم ال5 دقايق ولاحظ بوقت اختراق الربع ساعه وين مكان الخطوط بالفريم ال5 دقايق .. راح تلاحظ انه توجد صوره سابقه للاختراق في فريم ال5 دقايق وبعدها يصير الربع الساعه ..

بعض المرات يصير اختراق بالربع ساعه لكن ماتحصل نقاط كثيره لانه يكون في نزول وانت تنتظر الاختراق لكن لمن تنظر لفريم ال5 دقايق وتشوف اتجاه الموفينج وهل اخترق واتجاه ثابت مع الربع ساعه للاختراق راح تسبق الاختراق اللي بيصير بربع ساعه وتدخل الصفقه وتحصد نقاط اكثر ..

طبعا انت تشوف اتجاه الموفينج بال5 دقايق اذا متوافق مع اتجاه الموفينج بالربع ساعه وانت تنتظر الاختراق يحصل فتطمن دام توافقوا الخطوط فراح يحصل اختراق بالربع ساعه ..

جميع الفريمات هي صور مكمله لبعض لمن تنظر لفريم الدقيقه وتتجه العمله في تصاعد راح تشاهد فريم ال5 دقايق راح ياخذ نفس الاتجاه والمسار واذا استمر ال5 دقايق راح تشوف الربع ساعه كذلك وهكذا لكل الفريمات ..

يعني هي صوره تظهر في الصغير اولا وبعدها الاكبر والاكبر ..

ركز فيهم وراح تعرف فكرتي والمعلومه اللي بوصلها لك ..

ان شاءالله بنزل موضوع موثق بالصور عشان الكل يستفيد من الفريمات الصغيره