يثير الصبر أعصابي واقوم اصرخ بوجه الخوف
متى هالوقت يتعجّل وينهي خوفها القاسي؟
أثاري الحب متمكن وانا لوصالها ملهوف
أحاول أخفي اشواقي واداري طفل هوجاسي
أمانة يا خفوقي روووح عجِّلها .. وبالمعروف
أبيك تقِلها خوفِك على عيني وعلى راسي
صحيح ان البشر فيهم خسيس وجاهل وملقوف
ولكن فيهم اللي بالهوى متعقّل وراسي
وانا واحد من اللي طيبهم لاهل الهوى موصوف
شروق الحب فعيوني وذكر الله بأنفاسي
أنا يالغالية جيتك أكفِّن جرحك المكشوف
أبحفر له قبر مخفي وابي أدفن معه فاسي
وابي أمسح بلمساتي بقايا دمعك المذروف
واخلّي حزنِك الحاضر غصب يرحل وهوْ خاسي
أنا يالغالية جيتك على درب الهوى مشغوف
معي جيش الغلا لمعانقك متماسك وجاسي
أنا لجل المحبة جيت/وربي ما بقلبي سيوف
أبي أدفا على نورك وأشرب حبك بكاسي
محال اني أخلّي شمس حبك يعتريها كسوف
محال اني بعد حبك أكون لعِشرتك ناسي
محال اني أغيب وبدر حبي يختفي بخسوف
محال اني بعد حبي أخون وأفقد احساسي
أخاف الله ولا يُمكن أعيش وخافقي مكفوف
أخاف انك تخليني/واضيع بليل وسواسي
ترى يا منيتي عمر البشر في وقتنا مخطوف
وانا خايف أموت ولا حظيت بحبك الماسي
التعديل الأخير تم بواسطة خادم القرآن ; 31 - 07 - 2012 الساعة 08:58 AM 
شروق الحب فعيوني وذكر الله بأنفاسي
