متخبط له طلب ........ ارجو الرد

ارجو من الساده الافاضل ذوى الخبرة بالمنتدى
طرح طريقة واضحه لكيفية تعلم الفوركس
حيث انى قد بدات فى القراءة ولكن البعض اكد لى انه ينبغى البدء بحساب تجريبى ثم القراءة وبعضهم اكد لى ان خير وسيلة هى البدء بحساب حقيقى فورا

اتمنى ان تكون الطريق
واحد اتنين تلاته حتى يتسنى لنا اتباعها بطريقة صحيحه

اولا قراءة كتاب الفوركس للمبتدأين
ثانيا ومتزامنا مع الاول فتح حساب تجريبي لمدة لا تقل عن شهر او اتنين
ثاليا الاطلاع علي طريقة عمل معينة ترتاح ليها .
رابعا الشمعو لا تهملها وذاكرها جيدا .
بعد ما تقتنع بنفسك ساعتها تبدأ تفكر انك تفتح حساب حقيقي ودا مش قبل شهرين ربما اكتر بكتير

التوقيع

التوقيع

بس يا سيدى أنا لسا مبتدىء برده زيك بس هأولك أنا عملت أيه عشان أفهم كويس رغم انى لسه بدرى عليا

1-أقرا أى كتاب كويس للفوركس للمبتدئين زى الى الك عليه أخونا درش (ده هيساعدك مبدئييا فى فهم معنى الفوركس و فهم المصطلحات الخاصة بيه)

2- خش على الفوركس من الألف للياء ( موضوع الدكتور أسامة) زى مألك معاذ هيفهمك أزاى تتعامل مع السوق ده كويس و ترتب أفكارك ازاى
3- أفتح حساب تجريبى

4-أعد قلب فى المنتدى و أقرا مواضيع كتير و استرتيجيات لكن بحرص و بفهم عشان متتكعبلش و دماغك تتوه و تزهأ بسرعة و الفكرة اللى تحس انها دخلت و أستربعت جوه دماغك أبدأ بيها و أدرب عليها كويس

و أنصحك بقراءة ورشة الأبيض المتوسط و النظرية النسبية

5-خد وقتك فى التطبيق على الكلام ده وأتعامل على الديمو زى الحقيقى مش تأقول هو أنا خسران ايه

6- لما تكسب على الديمو و تحس أنك و اثق فى نفسك فوركسيا أفتح حساب حقيقى بمبلغ صغير و عقود صغيرة و هتفهم كلامى لما تبدا تقرا


الموضوع ممكن تحس بملل فى الأول بس أول ما تبدأ تفهم مش هتعرف تمسك نفسك و هتبأى عايز تفهم كل حاجة بأسرع وقت


أنا لسا شغال فى المراحل دى


و ربنا يوفقق و يوفق الجميع

مرحب بيك اخونا أحمد عبد الوهاب وان شاء الله بداية موفقة باذن الله
كل الكلام الذكروه الأخوة الكرام باعلاه صحيح
بس اقولك عن تجربتى انا .. انا سمعت مثل الكلام اعلاه من كل الناس الليهم خبرة في الفوركس ولكني خالفت كل الذكروه .ليش ؟؟ لاني عارف نفسي لو بديت بحساب ديمو حيصيبني الملل منه بسرعة ومش حاستمر في الموضوع كتير وكنت عايز اجبر نفسي اني استمر باي طريقة .. وبدات مباشرة بحساب حقيقي وبمبلغ لا باس به ايضا ووقتها ما كنت اعرف حتى ابسط الاشياء عن الفوركس حتى معنى بيع الزوج او شراءه كتبتها في ورقة صغيرة امامي كالتالي
اذا توقعت ارتفاع سعر الزوج اشتري واذا توقعت هبوط الزوج بيع
.. يوم يومين .. اسبوع .. 15 يوم وعينك ما تشوف الا النور في يوم جمعة دامي (( دامي بالنسبة لي طبعا )) وفي خلال اربع ساعات فقط طارو 90 بالمية من المبلغ .. لعنت ابو الفوركس وخاش خاش الفوركس واللي خلفوه وواحد خواجه اسمو تريشيه لدرجة كل ما ادخل البيت كنت اتف على شاشة الكمبيوتر ...
لكن ورغم كل هذا وبمبلغ ال10 بالمية المتبقية ظللت متابعا طريقي حتى الآن .. صحيح لم احقق ارباح تذكر حتى الآن ولكنني صرت شغوفا بالفوركس محبا للتعلم ولاكتساب الخبرة والمعرفة في هذا المجال ربما لم اك متابعا بهذا الشغف اذا لم انضرب هذه الضربة الجامدة .
فاذا كنت تعرف في نفسك انك من النوع اللي ما يجي الا بال..... يمكنك ان تجرب طريقتي وذنبك على جنبك واللهم هل بلغت فاشهد .

التوقيع

أن تفوتك فرصة للربح أفضل من أن تخسر من رأس مالك

امامك طريق طويل ملئ بالاشواك كى تصل الى نهايته..
قد يتكلف منك الامر اياما و ليالى طويلة..
يجب ان تكون انسانا صبورا متفهما لما انت داخل عليه..
افتح حساب ديمو و لا تفكر فى الحقيقى ابدا هذه الفترة و حتى 5 او 6 شهور قادمة..
انصحك بالمواضيع فى توقيعى و اهمها الفوركس من الالف الى الياء سيعلمك الكثير..
ولكن لا تنسانى من الدعاء..
الله كريم.,

التوقيع

..:: مواضيــــــعى ::..

[ =Nesr;120879]

امامك طريق طويل ملئ بالاشواك كى تصل الى نهايته..
قد يتكلف منك الامر اياما و ليالى طويلة..
يجب ان تكون انسانا صبورا متفهما لما انت داخل عليه..
افتح حساب ديمو و لا تفكر فى الحقيقى ابدا هذه الفترة و حتى 5 او 6 شهور قادمة..
انصحك بالمواضيع فى توقيعى و اهمها الفوركس من الالف الى الياء سيعلمك الكثير..
ولكن لا تنسانى من الدعاء..
الله كريم.,

اخوي أحمد عبد الوهاب

الدكتور النسر استاذ الأستاذين في مجال الفوركس (( تعبير الاستاذين للاخ الكريم ELMAALY )) نصيحته اقيم وافيد مليون مرة من نصيحتي .

أما انا فردي السابق هو من واحد مخبوط خبطة جامدة على نافوخو في الفوركس على متخبط كما وصفت نفسك حضرتك .

التوقيع

أن تفوتك فرصة للربح أفضل من أن تخسر من رأس مالك

انا اشكر جميع الاخوة اللى ردهم جه سريع بدرجه لم اكن متوقعها ... انا توقعت الردود بعد كام يوم
با رك الله لكم وجعله فى ميزان حسناتكم
وانتظر من اخوتى الافاضل ردودا بطريقه محصورة ( واحد اتنين تلاته )
شكرا جزيلا شكر من القلب بصراحه وربنا يجعلكم دائما فى خير وبركه

إقرأ وطبق علطول وشوف نفسك ازاى هتعرف ترسم الترند أو تعرف شكل الشموع ..

عليك بالترندات والشموع اليابانية

اخى الفاضل الاخوة ماشاء الله ماقصروا وساسرد عليك بعض النقاط زى مانت عايز وعليك متابعتها

1- عليك التوجه الى المنتدى التعليمى اولا
2 - قم بتحميل برنامج التحليل وانا شخصيا احبذ ( التريد 4 )
3 - عليك بالبحث هناك على الاتى
4 - موضوع تتعلم منه كيفية التعامل مع برنامج التحليل السابق ذكره
5 - عليك بتحميل كل ماتجده من كتب التحليل الفنى وقوم بقرائتها وتطبيقها فى الوقت ذاته وانت تتعلم العمل على البرنامج ... وحاول ان تكون موضوعاتك التى تقرأها على قدر الامكان بالتسسل التالى

اولا : الدعوم والمقاومات وكل ما يتعلق بها ( استخراجها , رسمها , اهميتها ...........)
ثانيا : تحديد الاتجاه
ثالثا : تعلم ماهى الترندات ( وكيفية رسمها وكيفية الاعتماد عليها ....)
رابعا : تعلم كيف ترسم وتستخدم اداة الفابيوناتشى ( هامة جدا )
خامسا : اقرأ عن الشموع ( اشكالها ومعناها واهميتها ....)
سادسا : اقرأ عن النماذج الفنية ( اشكالها ومعناها وكيفية رسمها والاخطاء التى قد يقع فيها البعض ....)

الاهم بقى ان وانت بتقرأ وبتتعلم ستجد اشياء قد تستشكل عليك فهمها او طريقة تطبيقها هنا لا يجب ان تتردد فى السؤال كما فعلت الان ولا تدع نفسك للتخبط وان شاء الله ستجد الخير والتعاون من الجميع

طبعا هناك الكثير مما يجب عليك الالتزام به اهم شىء فيه ماتفكرش نهائيا فى حساب حقيقى دلوقتى خالص مش قبل 6 شهور على الاقل كما ذكر الاخوة ,, او بعد ثلاث او اربع حسابات تجريبية رابحة متتالية مدة كلا منهم شهر بشرط ان يكون الربح على اسس واضحة وماتستعجلش والا صدقنى هاتبقى انت المضار الوحيد

اتمنى اكون عرفت اوصلك اللى بتدور عليه شىء من التلخيص كما تريد
وانت اول ما تبدأ باذن الله ومع الوقت هاتقدر تحدد ماهى احتياجاتك لكل مرحلة