السلام عليكم ورحمة الله وبركاته .....كل عام وانتم بخير وانا قاعد اقلب في النت وقعت عيني لا تخافون مو قصدي انها طاحت من راسي لا لا يروح فكركم بعيد اقصد اني شاهدت صورا قديمة حركت شجوني بس مو بالحيل قلت عاد لازم احرك شجونكم حتى انتوا بعد لازم تتذكرون الماضي علشان كذا قررت انزل هالموضوع المتجدد وفي كل وقت راح انزل صور من الماضي فيكم اللي يذكرها وفيكم اللي مايعرفها لانه توه نونو مثلي خخخخخخخخخخخخخ اترككم مع الصور وبعض تعليقاتي وارجو لا تواخذوني على التعليقات هههههههه
هذا من افلام الكرتون اللي اندثرت حاليا هذا واحد منسم دايم يجعر في كل موقف يذكرني بدردر هيييييه ياباااااااااااااااااااي
هذا سلمكم الله نعمان اللي في افتح ياسمسم ياسقى الله من يجيب لنا علم وين دياره اكيد انه الحين شايب واكيد تزوج وجاب نعمانات صغيرين خخخخخخخخ
هذي بعد شخصيات في برنامج افتح ياسمسم قرقور هذا واحد معصقل يشبهني ههههه وكعكي الحول ياحبه للكعك والبسكوت بس القهر يوم ياكل الكعك نصه برا خخخخخخخ وملسون الطير الافدغ ودي مره اشوفه يطير خخخخ
هذي دعاية لشامبو سيلفكرين الله يذكره بالخير مع اننا ماكنا نعرف الشامبو
عاد هذا الله يرحمه الشيخ علي الطنطاوي في برنامج على مائدة الافطار كان له جو خاص في رمضاااان .... ودي ابكي بس مستحي منكم عيب الرجل يبكي
اوما هذي الخبلة فلونة كلنا ايامها خاقين عندها مع ان مافيها ذرة حلا تحس ان فيها هبال ودفاشة يارترى من يعرف وين محلها الحين وش اخبارها وياترى تزوجت ولا لسه
هذا سلمكم الله شايب منسم وعمى اسمه مستر مقوو شايب مهووي اهب وقتها كان عليه نشاط ماهو على شيباننا في ذاك الوقت .. اكيد الحين انه مات وشبع مووت ههههه
اووما هذا كنت حاقد عليه ينصبون علينا ماغير مسوي نفسه مثقف وفاهم ودايم طبشورته معه ويقعد يرسم ويكتب ونسوي زيه ولا يطلع لنا شي من اللي يسويه يعني بالعربي كانوا يخفون فينا خخخخخخخخخخخ
عاد هذا لحاله كان له سحر غريب لكن بنفس الوقت كان يسبب لنا أزمة من يدرون انه معك كل واحد مسوي نفسه انه صديقك كله علشان هالحمر بس كان به بركه ههههههههههههههههههههه
التعديل الأخير تم بواسطة خادم القرآن ; 20 - 08 - 2012 الساعة 01:28 PM