فائدة الحلبة مع القرفة

النهارده عملت زيت قرفه وحلبه وزعتر بنفسى
واللى مش هتعمل هى الخسرانه ههههههه


المهم انا بحثت عن طريقه
عمل الزيوت فى البيت لغايه مالقيتها وعملت منها
زيت القرفه والحلبه والزعتر
وطبعا دى بتكون أكثر فائده وبتعمليها
بنفسك وحاولى تعملى أول بأول عشان يبقى فريش
وبكده بتستعملى كل حاجه طبيعيه فريش
والطريقه دى من كتاب أعشاب





فائدة الحلبة مع القرفة


زيت الحلبه
الطريقه هى

كوب حلبه

كوب ماء

كوب زيت زيتون

-----------------------------------

الطريقه :


نغلي الحلبه مع كوب الماء حتى يتبخر نصف الكوب ويتبقى النصف الاخر من الماء

نسكب زيت الزيتون ونترك الخليط يغلي حتى يتبخر باقي الماء ويتبقى الزيت فقط..

ولتتاكدي ان الماء تبخر ..

تسكبي الزيت في كوب واذا كان ناتج الزيت اكثر من كوب .. فهذا دليل على ان الزيت مخلوط في ماء الحلبه ويجب اعادة الزيت للغلي حتى يتبخر باقي الماء ويتبقى كوب زيت فقط ..

طبعا أتبعى نفس الطريقه فى الزعتر وحبه البركه والقرفه وغيره
ومش شرط زيت الزيتون ممكن زيت لوز او اى حاجه تانيه وفى حاجه كمان
زيت عافيه بتاع الاكل استعمليه بردو لانه زيت ذره نقى ينفع للشعر



طريقه عمل زيت الزيتون
يأخذ نصف كيلوا زيتون أخضر وتشق كل حبه اربعه ثم توضع في برطمان وضع عليه زيت نباتي وليكن دره (زيت عافيه)
حتي يغطي الزيتون ويحكم جيدا ويترك لمدة عشرة أيام بعدا سيصبح لون الزيت أخضر

زيت الجرجير
تقطعي حزمة جرجير كامله وما ترميش ولا شي منها يعني حتى بالجذور تقطعينهم وبعد كده
تحطينهم بالخلاط مع شوية ماء وتخلطيهم كويس
بعدين تصبيها في حله وفوقها نصف أزازه زيت العافيه
بتاع الاكل
وتتركينها لغايه ماتفور وتغلى كويس والمايه تقل وهتلاقى
الزيت خد لون الجرجير
وتبرد تقريا 3 او 4 ساعات بالقلييل وتصفيها
وخلاص تحفظيها بالثلاجه

طبعا ماينفعش تحطى الجرجير فى الزيت من غير
ماء لانها كده هتتقل وتنحرق ومايكونش نزلت خلاصتها

وأتبعى نفس الطريقه لعمل زيت البقدونس


وعندى فكره كمان
لسه هعملها ممكن تضربى مع الجرجير بصله وتوم
وتعملى نفس الطريقه وبكده تحصلى على زيت بخلاصه الجرجير والبصل
والتوم واكيد الريحه هتكون أخف من امك تحطى البصل والتوم مباشره على
شعرك

وكمان فى فكره تانيه
ممكن تشترى الزيت بتاعك عادى وتخليه مركز أكتر
وأكثر فايده يعنى ممكن تجيبى زيت حبه البركه وتغليه مع حبه البركه والماء
وبكده يكون مركز او زيت الحلبه ومعاه حلبه أو زيت الجرجير ومعاه الجرجير


فكرو ومش هتغلبو
أيه رأيكم بقى فى أختراعاتى
أقولكم انا بقى عملت أيه النهارده
عملت زيت قرفه وحلبه وزعتر وطبعا فوايدهم غنيه عن التعريف
وبعد ماصفتيهم بيفضل عجينه مارمتهاش حطتيها على شعرى زى
الحنه كده

وأستنونى ان شاء الله فى موضوع لسه بجربه
لأزاله الشعر من الجسم نهائيا ولو وصلت لنتيجه هعملكم الموضوع ان شاء الله






فائدة الحلبة مع القرفة