هل يستطيع الأطفال رؤية الجن

hamdy2233

عضو مميـز

تاريخ التسجيل: Dec 2011

المشاركات: 6,489

معدل تقييم المستوى: 19

08 - 09 - 2012, 04:40 AM

هل يستطيع الأطفال رؤية الجن

السلام عليكم ورحمه الله وبركاته ..
كيفكم جميع ؟ :)
فكره الموضوع مثل ماهو واضح بالعنوان
الاطفال يقدرو يشوفو الجن ؟
دايم نسمع اهالينا يقولو الطفل يقدر يشوف الجن غير الكبار ماادري هو عيونه غير ولا كيف !
وزياده عليه الاطفال يسوو حركات احيانا يشكك انه يشوف شي ..

و مما قيل عن الجن انهم يتشكلون باشكال مختلفه

منها او اكثرها الحيوانات

وقد تتشكل انثى الجن على شكل فتاه فائقة الجمال

وقد يتشكلون على هييئة اشباح او بشر مختلفين الاعمار

ومثل ماهو معروف بالسعوديه اي قطو اسود يعني جني

بالنسبه لي ولا مره حصل شي يخليني اشك اني اشوف جني :) بس اخوالي صار معهم اشياء ماادري هو صدق ولا يخربطون علينا ..

مثلا \ بيت اخوالي القديم كان مسكون < بتقولو كيف عرفنا لاننا جبنا شيخ قرا به وقال مسكون :)
المهم مره من المرات كنا جالسين بالسطح كلنا سهرانين تقريبا الساعه 3 الفجر وولد خالتي عمره 6 سنين مو حولنا يطالع على الشباك الي يطل على سطح جيرانهم جت امي سالته وش فيك ؟ قالها شوفي هناك في شايب لونه ابيض ولحيته طويله يطالع بأمي .. امي راحت تشوف مافي شي :) وهو يحلف انه شايفه وكلنا قلنا بزر نصاب من الخوف يتهيأ له ..

بعدها بكم يوم غرفه اخوالي الشباب تعرفو حركات الشباب اول يحبو يعلقو لوحات عليها صور اسد او خيل وكذا ..
خالي يقول وانا نايم اسمع صوت مولود يبكي بالغرفه < ملاحظه ماكان عندنا اي طفل وقتها كلنا كبار ..
ومازلنا لانصدقه :) ونقول تحلم وتتوهم ..

بعدها بأسبوع بالليل كنا كلنا نايمين وخالاتي 2 صاحيات مع خالي وولد خالي وبالصاله ياكلو مكسرات وكذا خالتي راحت المطبخ تجيب لهم كاس عشان البيبسي خالتي الثانيه تقول وحنا قاعدين نسولف شفت اختي عند الباب يعني كانها تبي تطلع من البيت < ملاحظه اخرى بيت اخوالي شعبي صغير مستحييل شخص يمر من المطبخ الى باب الخروج من غير يمر بالصاله :)
تقول سالتها شفيك وين رايحه بالليل؟
ردت عليها ابد ارتب عند الباب حذيان البزران ..
شوي الا تجي خالتي من المطبخ :) كلهم عيونهم كذا
خالتي \ انتي مو توك كنتي عند الباب ترتبي ؟
خالتي 2 \ لا وش ابي ارتب رحت اجيب كاس وغسلت كم صحن على طريقي
ومع هذا ظنو ان الامر مشكوك بامره ولم يصدق احد :) ..

وبعد يومين وحده من خالاتي متعوده كل يوم بالليل تطلع السطح تعطي البسس حقهم مويه واكل ولاحظت انه برميل المويه يفضى ماندري وش السبب جت قفلته وحطت عليه برميل ثاني < تعرفون معاناه حواري جده القديمه مافي مويه متوفره لازم يحفظو ببراميل احتياطيه ..
ولما جت باليوم الثاني الليل تعطي البسس اكل ومويه وهي توها لافه تبي تنزل الدرج شافت البسه طاير وتصك بالجدار كانه احد شالها ورماها ووقفت البسه تطالع ورى خالتي ونافخه شعرها ومعصبه خالتي تقول حسيت بدوخه وخوف لاني سمعت صوت شخص يشرب بالمويه بعطش شديد و من الخوف نقزت الدرج نقزه وحده ولما وصلت الغرفه داخت من الخوف ..

من غير الاطفال ياكثر الي يقول شفت شايب والي شاف حرمه وواحد قال شفت رجال بلا راس وفي بعض الاحيان وكلنا جالسين سوا يجي واحد من الاطفال يصارخ يقول شوف البسه وهو بالاساس مافي بسه بالغرفه او يطالع بزاويه بالغرفه ويضحك وكانه يكلم احد :) مع اننا مانتكلم ابد قدامهم بالي شافوه اخوالي عشان لايخافو او يصدقو ..
ومن هالقصص كثير وكثير ..

من ناحيه الكبار الله اعلم اذا بالفعل شافو شي او يأرنبو علينا على كل حال خوالي نقلو من الحاره كلها :)
ومن ناحيه الاطفال هل بالفعل يقدرو يشوفو الجن ؟ تصرفاتهم تدل على انهم يشوفو اشياء مانشوفها بس كلنا نعرف انه مستحيل يشوفو الجن لانه الجن تعيش مع البشر ومانقدر نشوفها بس وش سبب بعض تصرفاتهم الغريبه ؟!!

اترك لكم المايك لارائكم والي عنده قصص يشاركنا بها
وشفط جماعي

التعديل الأخير تم بواسطة خادم القرآن ; 09 - 09 - 2012 الساعة 04:14 PM

محمد حمدى ناصف

عضو الماسي

تاريخ التسجيل: Jan 2010

المشاركات: 37,798

معدل تقييم المستوى: 52

رد: هل يستطيع الأطفال رؤية الجن

27 - 05 - 2017, 11:48 AM

جزاكم الله خيرا

ودى واحترامى

سبحان الله وبحمده سبحان الله العظيم
بعدد خلقه وزنة عرشه ورضا نفسه ومداد كلماته

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حيث ينام الأطفال رحلة مصورة حول العالم من غرف نوم الأطفال	linker	استراحة بورصات	0	20 - 06 - 2011 01:00 AM
هل يستطيع الين الصعود مرة اخرى قريبا ؟	mohamedamin	منتدى تداول العملات العام	12	16 - 09 - 2010 09:26 PM

هل يستطيع الأطفال رؤية الجن

روابط سريعة