منتدى الاقلاع المنتدى الفني

Alein

عضو فـعّـال

تاريخ التسجيل: Sep 2012

المشاركات: 1,736

معدل تقييم المستوى: 16

26 - 09 - 2012, 02:48 AM

منتدى الاقلاع المنتدى الفني

دستور المنتدى الفني

لكل منتدى دستور خاص فيه حتى يكون ماشي بتنظيم معين ودستورنا ماهو معقد وش حليله لكن يبي له قرايه عشان ينفهم << هذا اللي مهوب معقد

- المواضيع الممنوعه -

1- مواضيع الترحيب
يعني لاتجي مطفي النور وتقول انا توي مسجل معكم وابيكم ترحبون فيني وهذي هديه مني لكم وتحط اغنيه او صوره فنان وتتوكل على الله .

2- الأخبار المنقوله
مثال على هالشي .. يجي عضو ناسخ له خبر من جريده او من منتدى وجاي يكتبه عندنا .. حنا بهالطريقه وش بنسوي لـ هالعضو
بننتف موضوع والا بنقفله .. عشان تتفادى نتف الموضوع اكتب الخبر بااسلوبك ولو حصل تعليق منك على الخبر يكون احسن بعد .

3- لقاءات المجلات المنقولة
يعني لاتجي وتجيب لي صور اللقاء من المجله او جريده وتقول هذا موضوع .. بهالطريقه انت كنك تقول يامشرف تعال شف شغلك مع موضوعي

تبي تكتب اللقاء بااسلوبك وترفق معه بعض الصور حياك الله
اما شغل اللصمقه مايمشي

4- المواضيع اللي ماوراها إلا ردود الشتشته .. وهي تجي بهالشكل
فلان اعرس - فلانه تطلقت - فلانه تسوي عملية تجميل - فلانه ولدت ..
يعني انا وش بستفيد من هالخبر يومك جاي تكتبه .. وانت ياكاتب الموضوع وش متوقع نوعية الردود اللي بتجي على موضوعك
اكيد كل ابوها ذب وشتشته ومهيب جايبتن لنا الا وجع الراس .

5- مواضيع الصور
مثل على هالشي : يجيك عضو او عضوه يكتب هذي اخر صور للفنانه الفلانيه في الحفل الفلاني .. او صوره عائليه لفلان
هذي على طول بتنرعص رصعه تحذفه ورى منتدى الحراج.

6- مواضيع الإشاعات
عاد ذي ياكثرها وياكثر مانقراها .. فلان سوا حادث ومات .. فلان انذبح في مواقف سيارات .. فلان مدري وش بلاه
مثل هالمواضيع لازم يكون فيها مصدر .

7- مواضيع الطلبات
سواء كانت اغاني او صور او غيرها .. هذي ماقصرنا فيها وفتحنا موضوع وش زينه اطلب فيه بيديك ورجليك والاعضاء ان شاء الله بيلبونه وبنفس طيبه بعد .

منتدى الاقلاع المنتدى الفني

- مواضيع التصويت
ممنوع يفتح اي موضوع تصويت الا بعد مايرجع العضو للمشرفين .

9- مواضيع الأغاني المختارة
يجيك عضو يحط له خمسطعش رابط اغنيه ويقول هذي على ذوقي .. طيب وبعدين وش نسوي بذوقك ؟ وش استفدنا من موضوعك ؟ كل واحد يقدر يجيب روابط ويكتب مثل هالمواضيع

طبعا يستثنى من الشرط انها تكون اغنيه جديده او حصريه لكن لابد من انه يذكر اسم الشاعر والملحن وتكون كلمات الاغنيه موجوده واذا ماتوفرت فيها هالاشياء راح يتقفل الموضوع .

10- مواضيع مقارنات الفنانيين أو التقليل من فنان
عاد ذا المواضيع نبي نطبق معها خطة الكونتر اتاكت

واللي مايعرف وش هالخطه يجرب يكتب موضوع من هالنوعيه

اذا عندك انتقاد لفنان معين .. اكتبه بااسلوب فني .. اما تجي تكتب ذا مخيس وذا مايعرف يغني وذا يعتزل احسن
تاكد ان لكل فنان هنا فيه جمهور وبنفس الاسلوب اللي تبي تكتب فيه موضوعك بتجيك ردود اقوى من اللي انت كاتبه
عشان كذا قبل مانفكر نكتب هالمواضيع لازم نحترم الفنان ونحترم جمهوره المتواجد بيننا .
صاحب الموضوع اذا ماعرف يدير الحوار داخل موضوعه و قام يتفلت على الاعضاء فعقابه ان موضوعه يتقفل

11- مواضيع المكسات
المكسات مكانها في منتدى صوتيات الجوال ..
إلا في حاله ان الموضوع يضم أكثر من 7 مكسات طول المكس الواحد اكثر من 3 دقايق يعني يكون كأنه أغنيه في البوم ( وتكون المكسات اغاني وقصائد ) ..
مع كتابه مايحتويه كل مكس .

12- مواضيع أهديكم الأغنيه بصوتي
حنا شاكرين لك انك سمحت لنا نشاركك سماع صوتك وعزفك .. بس هالمواضيع مالها مكان عندنا

13 - مواضيع متابعة البوم الفنان
ممنوع ينزل اي موضوع متابعة اخبار الالبوم قبل موعد صدوره بشهر .. اي موضوع ينفتح بيكون مصيره الحذف .

- الردود الممنوعة -

*شكرا والله يعطيك العافيه .. << طيب وبعدين ..

*ردود " جااري الاستمااع للاغنيه" .. طيب ؟ عساك سمعتها بس؟! .. حنا اللي يهمنا بعد السماع .. ولا وقتها صدقني الرد مايفيد بشي ..
* ردود الانبراش وتخريب المواضيع .. تدخل موضوع عن فنان وتقول مايعجبني وتسفل فيه واخر شي تقول هذا رأيي ..
هالنظام مهوب عندنا لا تقول مادريت .. رأيك نحترمه بس احتفظ فيه مشكوراً

* ردود الاستهزاء بالفنان .. يعني تجي ترد عشان تقول فلان بايخ ومن هالكلام .. ردك تأكده انه بينتف وزياده عليها كرت تنبيه للعضو
اكتب بـ ادب والا عط عمرك العافيه ولاترد .. وياليت ماناخذ كل شي انه حنا في منتدى اقلاع وكل شي مسموح فيه .
* ردود و حركات " طرد الاعضاء من المواضيع " و الردود من شاكلة " اذا مهوب عاجبك الفنان وراك تدخل الموضوع "
و " انت اكبـر حاسد وحاقد لأعظم فنان في المجره " و حركات " موتو بغيضكم يااهل الفنان الفلاني "
* الردود من طقه " القافله تسير و ... تنبح " << بزعمه الحين محترم العضو يوم حط فراغات
* ردود الفزعات وصح لسانك ياصديقي يوم فشلت هالعضو ووقفت معاي ..
* الردود اللي من انت عشان تنقد فناني ووش خلفيتك الموسيقيه يوم تنقد ؟
* الردود الشاطحه عن الموضوع .. يعني موضوع عن الجنادريه يجي واحد يقول متى حفلات جده !!!
* ردود التدخل في شؤون المشرف . يعني تجي تطلب من المشرف انه يثبت او يقفل موضوع هالاشياء راجعه لتقدير المشرف .

طبعا كل رد مخالف نرسله نحذفه وان تكرر هالشي نبي نكرم العضو بـ ايقاف

- أشياء لازم تكون عندك خلفيه عنها -

1- ردود الشات
سواء كان الموضوع ماصل او عليه القيمه ردود الشات ممنوعه .. لان هالشي ساري على كل الاقسام في الاقلاع

2- رفع المواضيع القديمة
تبي تقراه تستفيد منه خذ راحتك اما تجي ترد وترفعه هالشي مخالف وراح يحذف ردك .. واذا تكرر هالشي من العضو يعطى مخالفه .

3- المواضيع المكررة
يعني واحد جا ونزل خبر وبعد يومين يجي عضو ثاني ينزل نفس الخبر .. هنا راح نحذف الموضوع الجديد ونترك الاول .. او ندمجه اذا كان فيه اضافه للموضوع اللي انكتب في الاول.

4- مواضيع تغطية الألبومات
مثل هالمواضيع تكون خاصه في اخبار الالبوم بس .. مهوب ندخل الموضوع نلقاه عزبة افغانيه اخبار وصور وسوالف شات مالها علاقه بالموضوع الاساسي.

http://www.vb.eqla3.com/forumdisplay.php?f=26

منتدى الاقلاع المنتدى الفني

التوقيع

ت و ق ي ع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
منتدى الاقلاع الفني	Alein	استراحة بورصات	0	26 - 09 - 2012 02:47 AM
منتدى الاقلاع المطبخ	Alein	استراحة بورصات	0	26 - 09 - 2012 02:43 AM

منتدى الاقلاع المنتدى الفني

التوقيع

روابط سريعة