الحب وجمرة عذابه رواية واقعيه

الحب وجمره عذابه
روايتي هي عبارة عن قصه واقعيه حقيقيه مازال ابطالها يعانون من تبعاته الى هذا اليوم (لاتظنوا اني سأعيش معكم في بحر الخيال او سأسرد عليكم قصه ليس لها في الواقع مثال) هي حكايه عشت احداثها وتنفست الحب الذي تخلل ايامها والالم الذي مازال يعتصر ابطالها
قصتي لن تحكي عن الحزن فقط انما سنعيش معها في بحور شتى من الحب والكره والظلم والخداع
لن اقول لكم من اكون وماموقعي بالضبط في هذه القصه لعلكم ستكتشفون من خلالها او لعلي ساكشف الستار في نهايه القصه
فلنعد بذكرياتنا الى 4 سنوات قبل لان لنبدا الاحداث
نبدا يالتعريف بابطال القصه
طبعا لن اضع الاسماء الحقيقية للاشخاص على ارض الواقع وانما سألجا الى بعض الاسماء المستعارة حفاظا على خصوصيه الاشخاص


عاىلة ابو عمر
ريناس:18 سنة
عمر:17 سنة
خالد:13سنة
اسيل: 12 سنة
عبدالعزيز :7سنوات
علي : 5 سنوات
تركي : 3 سنوات

عاىلة ابو يوسف
يوسف:19سنة
عبدالرحمن:14سنة
عبدالسلام:14سنة
*ملاحظة:عبدالرحمن+عبدالسلام تؤم
عيسى:12سنة
احمد:8سنوات
فهد:سنتان
عاىلة ابو نواف
سوف نذكر الشخصيات المهمة فقط من عاىلة ابو نواف
نواف:20سنة
سلطان:18سنة

عاىلة ابو جاسم
جاسم:18 سنة
سارة:13 سنة
نوف:10 سنوات
ابراهيم:5 سنوات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
هذي هي العاىلات والبقيه سيظهرون من خلال الاحداث ويتم التعريف بالاشخاص من خلال القصه
.......................

عمر فتح باب البيت راجع من المستشفى الساعه 9 الليل لانه كان عند ابوه المرقد في المستشفى من 3 اسابيع لانهم اكتشفو انه مصاب بالبنكرياس بس كان ملتهب عليه وايد لانه اكتشفه متأخر
اول مادخل عمر البيت لقى في وجهه خواته
ريناس: ها عمر طمني كيف بابا اليوم
عمر : الحمدالله اليوم حالته مستقره نوعا ما(ماقدر يقول لخواته ان ابوكم بالعنايه بين الحياة والموت)
اسيل:الدكتور شنو قال؟
عمر:قال ادعوله مابيدنا غير الدعاء
ريناس:روح نام باجر مدارس والعصر بنلبس قول حق عمي يودينا معاكم عند ابوي
عمر : اوك
اسيل: متى طيارته علشان يروح يتعالج ؟
عمر: باجر الساعه 9 الليل
بعدها كل واحد راح نام


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
الساعه 6 ونص الصبح ام عمر صحت وصحت عيالها حق المدارس
ريناس + اسيل لابسين وجاهزين بس حاسين اليوم مو طبيعي عليهم وقعدو تريقو مع اخوانهم
والكل راح لمدرسته

بمدرسه اسيل:
اسيل في االمدرسة تفكر شلون بتشوف ابوها اللي ماشافته من اول ما دخل المستشفى
ورد صديقة اسيل: اسيل ها اعترفي بشنو تفكرين
اسيل : لاولاشي

بمدرسه ريناس:
ريناس تسولف مع صديقاتها اللي يحاولون يطلعونها من الجو اللي اهي فيه
ريناس: تتوقعون بابا مشتاقلي؟
ريتان:انتي اشفيج ؟ ترا اليوم انتي مو طبيعيه ..ياحبيبتي لاتفكرين وايد ..اليوم ان شاء الله روحي شوفيه وطمنينا عنه بالنهايه هذا ابوج واكيد مشتاقلج ومشتاق حق كل اخوانج
دلال: اي ترا ريتان معاها حق بكل اللي قالته
ريناس ابتسمت لهم
لمى :تو الناس فكرتي تبتسمين صارلج 6حصص تبخلين علينا بابتسامه
الكل ضحك على تعليق لمى وانتهى اليوم الدراسي

ــــــــــــــــــــــــــــــــــــــــــــــــــ ـــــــــــــــ
خل اعرفكم صديقات ريناس :
سحر: عمرها 16 سنة وصديقة ريناس من اهي وصغيره وطبعا اهم معرفه عن طريق الاهل
وسحر تقرب لبيت ابو يوسف واهي تقول لام يوسف ياعمتي لان ام يوسف اخت ابوها
واهي اكبر اخوانها وعندها اخو اسمع عوض عمره :14 سنة
واختها سمر :11سنة ومنى :7سنوات واخوها الصغير سامي وعمره سنة
////
ريتان:صديقتها بالمدرسه وعمرها 16 سنة وماعندها خوات وعندها 4 اخوان واهم صالح :26سنة ومتزوج وعنده بنت
جسار :25سنة ومتزوج وعنده ولد
بدر:19 سنة
سعود:16 سنة
////
دلال: عمرها 16 سنة وماعندها غير اخو واحد واسمها فارس وعمره سنة
////
لمى:عمرها 16 سنة وامها توفت وعمرها 9 سنوات وابوها متزوج من مرا ثانيه واخوانها اللي من امها وابوها
عنود :22سنة ومتزوجة وهاني 25 سنة ومتزوج وعنده بنت اسمها ليال واخوانها االلي من ابوها هيثم 13 سنة وفواز 8 سنوات
/////
جود : عمرها 16 سنة وحيده امها وابوها امها امركيه وامها وابوها منفصلين وتصير بنت عم ريتان ولمى
////
حنين :17 سنة وعندها اخت اسمها حلا عمرها 13 سنة واخو اسمه بسام وعمره
15سنة

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
ريناس راجعه البيت مع صديقتها المقربه سحر لان بيتهم يم بيت سحر
في السيارة:

سحر :اقول ريناس تعالي اليوم عندنا نقعد نسولف او نطلع اي مكان انا وياج
ريناس: لا سحورة ما اقدر بروح ازور ابوي من 3 ايام ماشفته علشان كنت مريضة وانتي تدرين وماخلوني ازوره علشان ما ينعدي بعد الغدى بروح البس واشوفه

سحر: اوكي على راحتج واول ماترجعين طمنيني عنه
ريناس : ان شاء الله
ــــــــــــــــــــــــــــــــــــــــــــــــــ ـــــــــــــــــــــــــــــــــــ

الكل وصل بيته وريناس متجهه للدري بتصعد بيتهم ولا تمسكها ام سحر حيل وتحضنها وتقولها امشي معاي بيتنا اول مارفعت ريناس راسها شافت ام سحر وعيونها غرقانه دموع هني ريناس انقبض قلبها في مكانه قطت جنطتها وقعدت تصرخ
وخري عني اقولج ابي ابوي بروح اشوفه وينه وتبجي وتصرخ ومو مصدقه اللي يصير وياها لان صدمتها كانت كبيره عليها وماتحملت لانها كانت اقرب وحده لابوها وكانت بنسباله اكثر من بنته
وراحت بيت ام سحر ولمن شافت سحر قعدت تحضن سحر وتبجي وسحر مو فاهمة بس مع البجي والصراخ والكلام اللي طلع من ريناس فهمت الموضوع وقعدت تبجي
ــــــــــــــــــــــــــــــــــــــــــــــــــ ـــــــــــــــــــــــــــ
كانت هذي اللحظات اصعب لحظة مرت على ابطالنا قصتنا كانت مؤلمة لحد الجنون
كيف لي ان احكي عن احساسي في هذي اللحظة راح اوصف لكم عيال ابو عمر عند سماع الخبر
///////////////////////
طبعا ذكرنا اللي حصل مع ريناس :اهي اول ماسمعت الخبر انهارت انهيار مو طبيعي
وصارت تبكي بطريقه جنونية لولا انها استرجعت قوتها وقامت تصلي وحست بطمأنينة وسألت ربها الصبر

جدتهم ام ابوهم كانت مسافره وطيارتها اليوم وماتدري عن شي فقررو اول ماتوصل يقولون لها الخبر اول ماوصلت وعرفت وشافت الناس والعزاء والانوار انهارت على ولدها اللي رحل وماشافته وكانت حابه تشوفه

اسيل:كانت روحها مع اختها ريناس وكانت حاسه فيها لانها اقرب وحده لابوها وتدري ان الصمت وراه براكين من الالم وكانت طول وقتها ملازمة اختها

خالد وما ادراك ما خالد فقد حيويته بهذي الحادثه وشوي مصدق على مو مصدق الخبر

عمر هو طبعه ما يحب احد يشوف دموعه(ماتاثرمثلهم)

عبدالعزيز:طبعا بكى براءة الاطفال لكن مافهم الوضع وايد وبعدها راح يلعب مع الاطفال ومو فاهم السالفه اهو واخوه علي
اما تركي كان عمره شهر


انتهت ايام العزا باحزانها والامها وابطال قصتنا كلن يصارح بداخله بركان لابد ان يتفجر يوما ما




ملاحظة: اذا تبوني احط البارت ال2 لازم اشوف ردوود