في عالم مجهول سأكتفي بك جريئه

في عالم مجهوول{سأكتفي بك}

تعجز أيدي عن الكتابه ويعجز عقلي عن التفكير اعيش في عالم مجهول لاأعلم اين نقطة البدايه وأين هي النهايه ويبقى الصمت شي يراقبني ويلاحقني لاأكن تستمر الحياه يستمر الواقع مهما كان مرا ابحث في ذكريات عقلي وقلبي لربما أجد من يفهمني من يخبرني سبب مايحدث لي هل هو الحظ او القدر رغم أنني لااؤمن بوجود الحظ ولاكن اؤمن بالقدر فقد تحصل لك اشياء لم تكن تتوقع حصولها اشياء ممكن تغير حياتك لاأحسن وممكن لاأسوى تبقى الحياه كالبحر الذي لانعلم متى سينتهي
اعيش في عالم مجهول نعم مجهول رغم تشابهنا احنا البشر الا اننا لانفهم بعض
ساأبدا بكتابة هاذه الروايه التي ستجعلكم تذرفون دموعكم ستجعلكم تدركون معنى الحياه


فتاه تبلغ من العمر5 سنوات تم اختطافها من مول
نبدا نعرف بشخصيات الروايه
مريم {الام}
احمد{الاب}
ريم{الفتاه المخطوفه}

ريم فتاة محبوبه جميله عيونها واسعه جذابه شعرها اسود مايل للبني جسمها جميل بيضاء بياض على سمار خفيف تترك بصمة بحياة كل شخص تدخل حياته رغم ماحصل لها الا انها لم تيأس يوما كان لديها أمل باأنها ستلتقي بأاهلها يوم ما ستأخذ أمها بالاحظان كانت تتمنى ان تعرفها لانها لااتتذكر ملامح امها او ابوها تعرفها بالوحمه التي بيدها علي شكل كرزه غريبه
نرجع للماضي شوي
مريم امها {ريم حبيبتي راح اشتريلك هاذا الفستان ريم وينك وينك وفجاءه اختفت تدور والدموع في عينها وينك يابنتي وينك
تسأل الهندي شفت بنت عمرها 5سنوات تقريبا لابسه بلوزه حمراء وشورت ابيض
الهندي "لا ماشفت احد
مريم تبكي "بنتي وين راحت لفيت السوق لف مالقيتها خليني اتصل على احمد{ابوها}
احمد"الوو
مريم "تبكي
احمد"اشفيك
مريم "بنتي ضاعت مالقيتها ومحد شافها تعال بسرعه
احمد"صوته تغير طيب يالله انا جاي الحين والخوف تملك قلبه
مريم شفت بنت صغيره طالعه من المول
شاب واقف عند الباب "ايه شفتها بنت لابسه بلوزه حمراء
مريم"ايوه قولي وينها
الشاب "شفت وحده جارتها بالغصب برا السوق
مريم"اغمى عليها
احمد"مريم مريم اصحي
مريم"لقيتو بنتي
احمد"بلغنا الشرطه
مريم "تبكي بنتي جيبوها انا السبب انا مانتبهت عليها يارب
احمد "خلاص حبيبتي انشاءلله راح نلاقيها
جاء اخو احمد محمد
محمد "انتي السبب ليش مانتبهتي عليها يامريم وصرخ بوجهها كان يحب ريم بزياده
احمد"خلاص يامحمد
مريم ّ"تبكي وتضرب بوجهها انا السبب

مرت ايأم وللحين مالقيو البنت نتسأئل اكيد من اخذ الفتاه من
امراة تقوم بخطف الفتيات الجميلات ذوات اعمار 5 6 4 سنوات وتقوم بتربيتهم الي ان يصلو الي عمر 19 20 وتقوم ببيعهم بمبلغ كبير في الخارج حتى لايتعرف عليهم أحد لاكن حظ هاذهي الفتاه وقدرها سمح لها بتجريب تجربه مخيفه ومفعمه بالكثير من الاحداث
ريم كانت تتلقى الدراسه في البيت من قبل مدرسين خاصين المرأه التي خطفتها كانت غنيه وكان مع ريم فتاه اسمها مرام اختطفت من سوبر ماركت
كان مفهمينهم ان اهلهم جابوهم هنا وان اهلهم ساكنين بالخارج واذا خلصو الثانويه تقريبا يروحو يدرسو هناك ويقابلو اهلهم
ريم كانت ذكيه دايما تقول ليش اهلنا يسوا فينا كذا كان كل البنات الي معاها يحبوها
كان عندها صديقه مقربه اسمها مرام
مرام "ريم وينك من اليوم ادورك
ريم "يعني وين بكون في هالفله محبوسه اربع وعشرين ساعه ابي اطلع اشوف الحياه تتوقعين يامرام الحياه برا كيف حلوه نفسي اسوي زي البنات الباقين ليش احنا غير اهلنا ليش يسو كذا
مرام"ياقلبي انتي وانا نفس الشي بس انتي خيالك واسع مرا 18 سنه واحنا هنا كلها سنه ونرجع لااهالينا هونيها وبعدين نحاسبهم
ريم "انا جالسه احسب الايام متى تخلص واروح لااهلي مليت وربي مليت
مرام"ربك كريم

ريم تحلم تشوف اهلها
اخر حصه دخلت المرذاة الي خطفتهم
حجزت تذاكر لكل وحده منكم راح تروحو تشوفو اهلكم كل وحده بمدينه غير اهلها راح يستقبلكم رجال يوصلكم لاأهلكم لازم تكونو اخر شياكه علشان تقابلو اهلكم ويفرحو زياده اذا شافوكم
البنات من الفرحه قامو ينططون
وريم حضنت مرام اخيرا ويصرخون مو مصدقين احنا نحلم
لا وصرااااااااااخ
ريم توضب شنطتها "مرام راح توحشيني مراااا لندن قريبه من باريس راح ازورك وانتي لاتنسيني
مريم"كيف انسى رفيقة عمري لاتخليني تكفين مثل ماخلوني اهلي {مرام حساسه زياده}
ريم حضنتها اوعدك ماأخليكي
قبل مايطلعو السياره علشان يروحو المطار
ريم نسيت مذكراتها
مرام"وين رايحه
ريم "بجيب مذكراتي وارجع
مرام"مو لازم بس يالله استعجلي البنات كلهم جاهزات
ريم وهي رايحه غرفتها تجيب المذكرات سمعت سماح الي خطفتهم تتكلم بالجوال شدها فضولها يمكن اهلنا وراحت عند الباب تسمعها
سماح "البضاعه جايه بالطريق خمس بنتين جميلات عذراوات فهمتهم انهم رايحين لااهلهم انتبه حولي 30 مليون وحطهم بحسابي
الرجال "طيب بس اذا جو واستقبلوهم رجالي يصير خير 30 مليون اذا استقبلتهم و40 اذا تأكدت من عذريتهم
سماح"طيب سلام


ريم تفكر بضاعه و30 مليون ايش قصدها هاذي واهلنا دايخه مو قادره افهم شي كذبت علينا طول هالسنوات الحيوانه هاذي
طلعت السياره بهدوء
مرام "اشبك صاير شي
ريم"ايه مشكله كبيره يامرام وتبكي
مرام "ياقلبي اشبك قوليلي
ريم"هاذي الحقيره كذبت علينا احنا محنا رايحين عند اهلنا بتودين عند رجال وحكتلها الي سمعته
مرام"تبكي ايش بنسوي اخاف يذبحونا
ريم"خليني افكر اسمعي بيني انك مو عارفه شي خلينا بس نوصل نسوي نفسنا بنروح مع الرجال وندفه ونروح نهرب ريم سيدت المواقف
مرام "بس انتي سمعتيها تقول انتي بمدينه وانا بمدينه طيب انا هدفه واهرب بس اشلون راح نشوف بعض مامعانا جوالات
ريم "اسمعي راح نتقابل عند برج ايفل الكل يعرفه انا راح ادور حل وراح اجي قبل يوم الاربعاء يارب يكون معاي {يارب ساعدنا احنا محتاجينك وماعندنا احد غيرك يارب كون معانا ولاتكون ضدنا }
مرام "طيب يارب يصير الي في بالنا بس كيف راح تلقي احد يوديكي باريس واحنا ماننعرف احد حتى لغتنا مو مرا
ريم "ربك كريم
وصلنا المطار
مرت ساعات وصلت ريم اول
جاء الرجال يبي يوصلها لسياره الي استقبلها ريم معاها وصلت لسياره دفته وهربت
الرجال شباب يالله الحقوها {بالانقلش هاذي ترجمه عربيه }
ريم"انا اوريك وتهرب وهم يلحقونها لندن شوارعها مرا واسعه وزحمه ضيعتهم
ه ه ه ه تأخذ نفس ضيعتهم ومرا مبسوطه تناضر حولها يالله مرا حلوه هالمدينه
تمشي وتمشى
ريم "وين بنام الحين بيجي الليل وكلهم سكرانين ايش راح اسوي يارب مرام ايش سوت يارب تكون بخير
لانعلم مالذي يحدث لنا فجاءه
احداث غير متوقعه
مرام
لم نعرف بها سابقا فتاه جميله قمحي فاتح لونها شعرها اسود وطويل جسمعا رائع رشيقه عيوانها واسعه طيبه بس بزياده
وصلت استقبلها رجل كان ماسكها ماكان تقدر تهرب كان مبين عليه قوي
مرام"ياربي ايش اسوي
وصلت لباب السياره
ودفته بايدها وعضته وتهرب وهو وراءها لقيت باص مبتعثين كان فاضي دخلت اندست جواته وضيعته

فارس "والله ياشباب ماتهنيت بشوفة اهلي مسرع ماخلصت الاجازه والحين مودينا رحله قال
عمر "ايوالله الشكوى لله
الشباب يضحكون

فارس كان مغرور شايف نفسه جميل جسمه يهبل عيونه عسليه مايعطي البنات وجه
عمره 26 يدرس هندسه وكان يبي بنت مميزه لاكن قلبه طيب مرا وشخصيته

عمر كان حبوب طيوب نفس عمر فارس يدرس طب جدي دايما في حاله ضحكته تهبل جسمه حلو وسيم شخصيتها راقيه ومنرفزه ش
وكان نفسه يتزوج عن حب

كانو اصدقاء لان غرور فارس ومزاجه مايتحمله الا عمر من الطفوله وهم اصدقاء

فارس "اقول عمر احنا في اي باص شكلي ضيعته
عمر "اتوقع ذا امشي خلينا نشوفه

طلعو الباص
مرام كانت بالباص بس سمعت صوت راحت اندست في اخر مقعد جاء في بالها انهم ماراح يرجعون وراء
وصحيح ماجو اخر مقعد كانت متخبيه تحت بطانيه
فارس "على وين ياعمر
عمر"ابي اراجع شوي ماقدرت اركز من ازعاجكم
فارس"اقول ترا احنا باجازه السبت والاحد تكفى ارحمنا يادافور
مرام ّ"خايفه الحين راح يشوفني يارب ايش راح اسوي سعودين باينتهم اصحاب تريقه الحين بيتريقون علي
عمر رجع وراء جلس كان في بطانيه منفوخه حاول يشيلها بس في شي ماسكها شوي وشايف يد
عمر نط بس هو كان دكتور متعود يعني
شال البطانيه بهدوء شاف بنت في قمة الجمال دموعها في عينها وتحاول تغطي نفسها
عمر ماقدر يبعد عينه عن مرام
جلس جنبها علشان الشباب مايشكون وعارف اصدقائه ما بيتركوها بحالها



ريم
كانت تتمشي في لندن مو عارفه ايش هتسوي فجاءه جلست في المحطه جو شباب يعاكسوها كل هالجمال
ريم "شكلهم سكرانين وتهرب صدمت في واحد طالع من السوبر ماركت تناضر فيه انت سعودي
الرجال "ايه
ريم "تكفى ساعدني يلحقوني من اليوم وانا مو عارفه ايش اسوي
الرجال "جمالها شده وخلاه يشيلها معاه بالسياره
ريم"انا خايفه ماراح اطلع معاه في نفسها
الرجال"بتطلعين ولا بمشي مني فاضيلك
ريم طيب
ريم "شكرا انا ريم حاولت تدخل فيه علشان يوصلها لصديقتها وباينته من نظراته مو قليل ادب
الرجال "ساكت ويسوق وناضرها نضره غريبه يعني اسكتي مايهمني
ريم"هي انت حاسب على نظراتك
الرجال "استغفرالله وقف انتي ماتعرفين تسكتين من وين جت هالمصيبه وصارخ بوجهها بتسكتين ولا برجعك المحطه
ريم "سكتت وعيونها دمعت ماعمر أحد كلمها كذا صحيح انها عانت بس ماقدرت
الرجال "انا اسف خلاص اسكتي
ريم "لاتتكلم معاي وسوت حركه بوجهها
الرجال "ههههههههه اول مرا يضحك من مده
ريم"طلعت تعرف تضحك
الرجال "ايه يالقرده
ريم"انا قرده يالسحليه
الرجال "هههههههههه سحليه مرا وحده اقول يكون احسن لو تسكتين
ريم"حست بااحساس حلو طيب اوف
الرجال"ترى بنزلك في نص الطريق لو ماسكتي
ريم "انت جرب
الرجال "ايش قلتي يمكن ماسمع كويس
ريم"قلت جرب تنزلني بنص الطريق وشوف ايش بيصير لك
الرجال "وقف علشان لسانك ماني متحرك يبيله قص يالله انزلي
ريم"ماتوقعته ينزلني خلاص امزح
الجال "ايش
ريم"تصرخ بوجه امزح ماسمعت
الرجال "طيب

كان اسمه ماجد جذاب اسمر على الفاتح شعره طويل شوي نظراته رهيبه كان طيوب بس كان علاقته بااهله سيئه علشان كذا سافر برا كان يكره البنات بشكل مو طبيعي

مرام
عمر كتبلها انتي ايش جايبك هنا بورقه علشان مايحسون الشباب
مرام"ردت كتبتله سالفه طويله



تعبت اكمل بالبارت الجاي انتظر ردودكم اتمنى تعجبكم القصه
ماأحلل احد ينسبها لنفسه

جزاكم الله خيرا

ودى واحترامى



سبحان الله وبحمده سبحان الله العظيم
بعدد خلقه وزنة عرشه ورضا نفسه ومداد كلماته