شرح خاصية عدم الإزعاج Do Not Disturb الجديدة في نظام iOS 6
السلام عليكم ورحمه الله وبركاته
.
.
شرح لوحدة من أهم ميزات نظام iOS 6 الجديد وهي ميزة [ عدم الإزعاج | Do not Disturb ]
الميزة بإختصار تخليك تتحكم في منع استقبال المكالمات والتنبيهات في الأوقات اللي إنت تحددها
يعني بتكون مفيدة جدا في أوقات النوم ..
وتقدر تفعلها على طريقتين :
- إما تفعلها في اللحظة اللي تحتاجها ..
- أو تحدد من الإعدادات توقيت معين تشتغل فيها الميزة بشكل تلقائي في الوقت اللي حددته :
نبدآ الشرح
لتفعليها أدخل على إعدادات الجهاز وفعل خيار [ عدم الإزعاج ]
وراح تظهر علامة الهلال فوق في شريط الحالة كدلالة إنها مفعلة
ولو بتتحكم بالاعدادات الخاصة بالميزة أدخل على :
[ الإعدادات > الإشعارات > عدم الإزعاج ]
بعد ماندخل على إعدادات "عدم الإزعاج" بتظهر لنا كالتالي :
1 - [ مجدول ] :
من هنا تقدر تحدد التوقيت ( من ~ إلى ) اللي تبي الميزة تشتغل فيه بشكل تلقائي
مثل من الساعة 12 الليل إلى 6 الصبح
2 - [ السماح بالمكالمات ] :
من هنا تحدد إذا ماتبي تستقبل المكالمات من أي أحد أو تستقبلها من الجميع أو من جهات الاتصال المفضلة فقط أو من أي فئة أخرى تحددها ..
3 - [ مكالمات متكررة ] :
هذي الخاصية لو كنت مفعلها بتستقبل المكالمات من أي شخص في حال أتصل عليك أكثر من مرة خلال ثلاث دقايق .. يعني ينفع تفعلها لو تحس في مكالمات ضرورية بتجيك وإنت نايم ..
.
.
بكذا إنتهينا من شرح الإعدادات ..
وفي ملاحظة مهمة وهي إن الميزة عدم الإزعاج ماتشتغل إلا والشاشة مقفلة هذا أول شي .. ثاني شي في حال اتصل عليك أحد من الأرقام الغير مسموح لها وإنت مفعل الميزة بيجي عنده إن الرقم مشغول وبيظهر عندك ( مكالمة فائتة )
شرح خاصية عدم الإزعاج Do Not Disturb الجديدة في نظام iOS 6
