استراتيجية التنين نين نين نين نين

المشاركة الأصلية كتبت بواسطة dragon age

عزيزى عاش الصمت شكرا لمجاملتك و شكرا اكتر لسؤالك اللى هيفيد ناس تانية برضه اكيد
الموضوع كالآتى:

1- شمعة تكسر المؤشر مش لازم يكون جسم الشمعة كله فوق المؤشر او تحته , الكسر لفوق يبقى نفكر فى الشراء و الكسر لتحت يبقى نفكر فى البيع.
2- شمعة تاكيد فوق او تحت و لازم يكون جسمها كله معدى الخطين و ممكن يكون لامس فيهم.
3- اشترى فى الشمعة الثالثة بسعر السوق عند افتتاحها و انا بقول كدة علشان السعر ميجريش من اللى عاوز يطبق الاستراتيجية بس احنا المصريين لازم نبقى ناصحين بقة تقول ايه بس نحط هدف لنفسنا اننا نشترى باقل سعر فى الشمعة الثالثة و ده شئ بييجى بالخبرة


المؤشر الاخير انا هشرحه دلوقتى هو و قف الخسارة بعد ما اخلص الردود ان شاء الله

المشاركة الأصلية كتبت بواسطة dragon age

السلام عليكم يا اصحاب

نبدأ باذن الله

مؤشر الحجم Better Volume

مؤشر بيدينا تحكم عالى و تطمين عالى جدا لصحة قراراتنا للشراء او البيع من اول فريم الساعة الى فريم اليومى

المؤشر يستخدم توليفة من حسابات حجم البيع و الشراء فى نفس الشمعة للوصول فى النهاية الى تعريف ذروة الحجم او الحجم العالى او الحجم الضئيل اللى انت هتلاقيها مكتوبة بالانجليزى كالاتى

1- climax high
2- neutral
3- low
4- high
5- climax low
6- climax churn

المؤشر بيقسم الشموع و يديك وصف ليها باستخدام الحجم و كل حجم ليه لون

اللى يهمنا هنا علشان نستخدمه مع مؤشراتنا هما اللون الاحمر و اللون الازرق


اللون الاحمر يدل على شمعة climax high فوليوم
اللون الازرق يدل على شمعة climax low فوليوم


يعنى ايه climax high ؟
يعنى المؤشر حسب كمية الشراء فى العشرين شمعة اللى فاتوا حسب الفريم الزمنى اللى انت واقف عليه و لقى ان الشمعة دى الحجم الشراء بتاعها كبير جدا بالمقارنة بالمتوسط فى ال 20 شمعة و كمان اعلى من اعلى حجم شراء فى كل شمعة من العشرين شمعة


يعنى ايه climax low
يعنى المؤشر حسب كمية البيع فى العشرين شمعة اللى فاتوا حسب الفريم الزمنى اللى انت واقف عليه و لقى ان الشمعة دى الحجم البيع بتاعها كبير جدا بالمقارنة بالمتوسط فى ال 20 شمعة و كمان اعلى من اعلى حجم بيع فى كل شمعة من العشرين شمعة




طب ده معناه ايه؟

كل واحدة من دول (climax high&climax low) ممكن تكون مؤشر لاحتمالات حسب مكان نفس الشمعة الاخيرة نسأل نفسنا سؤال الشمعة اللى احنا شايفينها دلوقتى بتترسم و اللى ادتنا اللون فى المؤشر هى فين فى فى الترند؟ يعنى الشمعة آخر شمعة قدامنا دلوقتى هل هى فى ترند صاعد و لا هى شمعة فى ترند نازل؟



بعد كده ييجى احنا هنستخدمه ازاى , احنا هنطبق الآتى ان شاء الله:

- اولا هنشتغل بالمؤشر ده على فريم الساعة او فريم الاربع ساعات زى ما احنا من الاول

- لما نشوف اللون الاحمر climax high فى الشمعة الحالية و تكون الشمعة فى ترند صاعد نعرف ان الترند الصاعد بيجيب آخره يعنى دى ممكن تكون آخر شمعة او فاضله شمعة و السعر يرتد للهبوط.(حتى لو تصحيح فقط)
- لما تشوف نفس اللون الاحمر climax high فى الشمعة الحالية فى ترند هابط تعرف ان الترند بيجيب آخره يعنى دى ممكن تكون آخر شمعة فى الترند الهابط او فاضله شمعة و السعر يرتد للصعود(حتى لو تصحيح فقط)

- لما تشوف اللون الازرق climax low فى الشمعة الحالية فى ترند صاعد نعرف ان الترند لسة مكمل صعود.
- لما تشوف نفس اللون الازرق climax low فى الشمعة الحالية فى ترند هابط تعرف ان الترند بيجيب آخره يعنى دى ممكن تكون آخر شمعة فى الترند او فاضله شمعة و السعر يرتد للصعود(حتى لو تصحيح فقط)

- لو جاءت الشمعة الزرقاء بعد شمعة حمراء مباشرة فى آخر ترند صاعد نعرف ان السعر هينزل جامد من هنا.

طبعا كده المؤشر بيفيدنا فى معرفة اوقات الارتدادات الى اعلى او اسفل فتكون الفرص اكثر تأكيدا و اطول فى المستهدفات و لكن منستخدمهوش فى تحديد اوقات الدخول اوقات الدخول بتحددها المؤشرات التانية 3M.


دى صورة بتوضح الاحتمالات لما نشوف الالوان و الاحتمالات هنا تقدر تفرق بينها بمكان الشمعة فى الشارت زى ما قولنا قبل كدة مكان الشمعة هل هى فى ترند طالع و لا ترند نازل










يتبع

المشاركة الأصلية كتبت بواسطة أبو عمران

السلام عليكم و رحمة الله و بركاته

مثال لليوم: تكون عملية البيع و حققت هدفها الاول 20ن على شارت الرينكو

الشارت



أريد تعليق من أخونا دارجون

و الله الموفق

المشاركة الأصلية كتبت بواسطة kimo0

ممكن صور مع الشرح عشان الواحد يفهم كويس من امثله حيه بالتوفيق ان شاء الله

المشاركة الأصلية كتبت بواسطة عاش الصمت

شكرا للتوضيح ....الاستراتيجية كدا وضحت تقريبا بنسبة 90%وان شاء الله تحقق لنا نجاح جميعا ...تحياتى لك

المشاركة الأصلية كتبت بواسطة kimo0

ممكن اعرف ايه الفرق بين النقطتين دول
- لما تشوف نفس اللون الازرق climax low فى الشمعة الحالية فى ترند هابط تعرف ان الترند بيجيب آخره يعنى دى ممكن تكون آخر شمعة فى الترند او فاضله شمعة و السعر يرتد للصعود(حتى لو تصحيح فقط)
- لما تشوف نفس اللون الاحمر climax high فى الشمعة الحالية فى ترند هابط تعرف ان الترند بيجيب آخره يعنى دى ممكن تكون آخر شمعة فى الترند الهابط او فاضله شمعة و السعر يرتد للصعود(حتى لو تصحيح فقط)