استراتيجية التنين نين نين نين نين

السلام عليكم و رحمة الله و بركاته نبدأ بها تحية الاسلام ما اجملها و اعلاها تحية من الله بها علينا

اخوانى لا يخفى عليكم الفضيحة اللى على اليمين دى ان انا عضو فى المنتدى جديد طبعا بس انا مش جديد فى الفوركس...... و الله و الله


حبيت افيد و استفيد فدخلت على مواضيع جامدة فى المنتدى و حاولت اشارك بمؤشر بتاجر بيه و بيدى نتايج هايلة فلقيت اخوانى بيقولولى افتح موضوع جديد فقلت و الله فكرة


و بما ان نجاح الموضوع ان شاء الله هيكون هو المحرك لى ان شاء الله لمواصلة العطاء فانا ناوى باذن الله انى اعطى هنا على قد ما اقدر اى معلومة تكونوا انتوا يا حبايب قلبى محتاجينها


طب ايه الموضوع؟ الموضوع هو انى عاوزكم ان شاء الله تدخلوا صفقات سريعة رابحة و حط خط تحت رابحة دى قوى ان شاء الله



فقلت اعمل استراتيجية سهلة و قوية بس مفيهاش حنية ولا سحلية و اهديهالكم هنا

خلى بالك الفكرة مش انى اقولك ارقام تشترى عليها و لا تبيع عليها كل يوم الفكرة هى انى عاوزك تحدد وقت دخولك و خروجك من الصفقات بطريقة سهلة بس تحددها بنفسك و بنفسك ثم بنفسك و تكسب باذن الله


و نبدأ الشرح على بركة الله :

اولا هتحتاج 3 مؤشرات مفيش غيرهم و واحد منهم مكرر كمان يعنى 2 بس
طبعا المؤشرات دى انا مورثتهاش عن ابويا انا جمعتها من الانترنت و لقيتها بعد تجارب كتير من انجح الاستراتيجيات فى الصفقات السريعة للفوركس بس خلى بالكم هى مصممة لمستهدفات صغيرة لا تتعدى 20 نقطة و ممكن تعدى كدة طبعا بس 20 نقطة علشان نكون متأكدين ان شاء الله

نبدأ بأسماء المؤشرات اللى هتلاقوها فى المرفقات و عليها هنبنى الاستراتيجية ان شاء الله

1-T3_Dragonage1
2- T3_DragonAge2
3- BetterVolume_DragonAge

ملحوظة : المؤشرات كلها open source يعنى تقدر تعدل فيها براحتك بس طبعا انا منصحكش تعدلها خلينا نستخدمها كدة علشان بعد تجارب كتيرة لقيت ان دى احسن اعدادات.

مش هوجع دماغكم فى شرح المؤشرات نفسها بس هقولكم كدة المختصر المفيد و اللى هيساعدنا نفهم نشتغل بيها ازاى و لو عندكم اى سؤال تانى ممكن اجاوب عليه فى الموضوع بعد كدة

1- T3_Dragonage1 ده مؤشر يعتمد على طريقة T3MA و هى طريقة معروفة للمضاربة السريعة و لكن المؤشرات المرفقة هنا باعدادات مبتكرة شوية

2- T3_Dragonage2 نفس المؤشر بس باعدادات تانية زيادة فى التأكيد

3- BetterVolume_DragonAge مؤشر الحجم الجميل جدا



طب نستخدم المؤشرات دى ازاى؟؟؟ هقولكم حالاً ان شاء الله

اولا: ازاى نحط المؤشرات على الميتاتريدر

اقفل الميتاتريدر بتاعك و بعدين انسخ الملفات ال3 كلهم فى ملف indicators اللى جوه experts اللى جوه metatrader اللى جوه program files على ال C


ثانيا: جينا للمهم ازاى نستخدم الاستراتيجية دى....


المؤشرات دى تعمل على كل الفريمات الزمنية و للدخول و الخروج السريع فهى بتشتغل حلو قوى و بقوة على الساعة و الاربع ساعات و قوتهم اكثر على الاربع ساعات

الاول لازم تستنى(او ممكن نقول افضل تستنى) لما تشوف ترند واضح سواء طالع او نازل يعنى ايه طالع يعنى قمة اعلى من قمة و قاع اعلى من فاع ,,,طب يعنى ايه ترند نازل يعنى قمة اقل من قمة و قاع اقل من قاع ( خلى بالك من قوة الطريقة دى ان مش مشكلة ان الترند يكون مكون من عدد شمعات قليل و موجود فى وسط ترند تانى اكبر منه و معاكس له فى الاتجاه)

طريقة الشراء هى :

- انتظر الشمعة حتى تتخطى الخط الاحمر لفوق و انتظر شمعة اخرى فوق الخط الاحمر او تلمس فى الخط الازرق للتأكيد و اشترى بسعر السوق فى الشمعة الثالثة بس خليك ناصح و حاول تشترى عند ملامسة الشمعة الثالثة المؤشر بس خلى بالك مش كتير بتحصل ان الشمعة الثالثة تنزل تانى.

مثال على فريم الاربع ساعات:



طريقة البيع هى :
- انتظر الشمعة حتى تتخطى الخط الاحمر لتحت و انتظر شمعة اخرى تحت الخط الاحمر او تلمس فى الخط الازرق للتأكيد و بيع بسعر السوق فى الشمعة الثالثة بس خليك ناصح و حاول تبيع عند ملامسة الشمعة الثالثة المؤشر بس خلى بالك مش كتير بتحصل ان الشمعة الثالثة تطلع تانى.

مثال على فريم الاربع ساعات بنفس الصورة السابفة بس بيع مش شراء:




خلى بالك قوى الترند الاساسى لفترة كبيرة هو الاساس هو الاساس و هو الاساس تانى فلو لقيت فى الترند الصاعد مثلا الشمعة تتخطى المؤشر فى الاتجاه الهابط مش معنى كده ان الاتجاه عكس ممكن يكون تصحيح, انتظر حتى يعود السعر فوق المؤشر و ادخل شراء تانى و العكس صحيح و لو عاوز تخاطر هنا و بالمناسبة المخاطرة مشروعة عادى يعنى بس اعمل هدف صغير جدا من 7 ل 10 نقط بس.

يعنى برضه لو لقيت فى الترند الهابط الشمعة تتخطى المؤشر فى الاتجاه الصاعد مش معنى كده ان الاتجاه عكس ممكن يكون تصحيح,انتظر حتى يعود السعر فوق المؤشر و ادخل بيع تانى

الهدف دايما بيكون 20 نقطة عشان تكون متأكد و انت و شطارتك


ملحوظة مهمة : تقاطع الخط الاحمر مع الخط الازرق بيكون دليل على انك دخلت صح الصح يا باشا ان شاء الله



اما بقى ايه قصة المؤشر الثالث اللى هو BetterVolume_DragonAge

ده بقى مؤشر الحجم و اللى بيديك اشارات قوية جدا ان مكانتش اكيدة و بالالوان ان ال20 نقطة دول هيبقوا ولا حاجة بالنسبة لهدفك المنتظر باذن الله يا جميل , يعنى بطريقة تانية فى الكلام الدخول اللى انت دخلته سواء بيع او شراء هيطول اكتر من 20 نقطة بكتير بس مش هنشرح المؤشر ده دلوقتى علشان انا تعبت و هيكون فى مشاركة تانية ان شاء الله ,


عاوز اشوف رأيكم و اشوف مشاركاتكم الجميلة و بعدين نكمل ان شاء الله


حبابيبى السلام عليكم دلوقتى و الى اللقاء قريبا ان شاء الله

الملفات المرفقة

	T3_DragonAge1.mq4‏ (5.8 كيلوبايت, المشاهدات 144)
	T3_Dragonage2.mq4‏ (3.1 كيلوبايت, المشاهدات 110)
	BetterVolume_DragonAge.mq4‏ (19.3 كيلوبايت, المشاهدات 113)

اتشرف مقاما اني اكون اول مشارك بموضوعك اخي الكريم واتمنى التوفيق والنجاح للجميع ولن اتاخر باي مساعده لك

الشرف ليه انا يا فندم و شكرا على التحية و من ناحية المساعدة متخافش يا باشا شكلك هتساعدنى كتير قوى

اشكرك جزيلا اخي العزيز

والقسم الاول واضح وسهل وبسيط وعمالي بفتش على صفقات حصلت لأختبر معلوماتي المبدئية عن الاستراتيجية

بارك الله فيك

استراتيجيه حلوه ورائعه ولكن اين الاستوب ؟ ام سنعتمد على الهدج او التبريد

تقبل ودي وتقديري

التوقيع

التوقيع

شكرا على التنبيه يا باشا فعلا انا مقلتش فين الاستوب , مبدئيا هو نفس قاع او اعلى الشمعة الكاسرة للمؤشر بس هشرحه تانى بالتفصيل لما اشرح المؤشر الاخير
بكره ان شاء الله.

كده صح يا باشا ؟؟؟

ان شاء الله تكون استراتيجية ناجحة وتجيب اهدافها باذن الله وان حملت المؤشرات بالفعل ومنتظر شرحك للمؤشر التانى....وكان عند استفسار حضرتك بتقول اشترى بسعر السمةالتالتة فهل تقصد مع بدايتها ام عند التاكد انهافوق المؤشر؟؟؟؟ ........تحياتى لك ودوام التوفيق

السلام عليكم و رحمة الله و بركاته

جزاك الله خيرا على هذه الاستراتيجية الرائعة

ما رأئيك أخي في تطبيقها على شارت الرينكو؟؟؟

مثال:



و الله الموفق

التوقيع