
رد: توصيات القناص لتدبيل الحسابات
اقتباس:
المشاركة الأصلية كتبت بواسطة ziyadiah
من فترة بسيطة فتح موضوع شبيه واول كم صفقة مشيو حلاوة والناس بدات تدخل بلوت عالي وفجأة اجت الريح بما لا تشتهي السفن وشوف كيف انقلب الموضوع وتمرجنو الناس وصارو يغنوا عتابا
على كل الله يجيب الي فيه الخير
معاك حق فى كلامك
لكن زى ما انت قلت مش نجاح صفقه ولا 100 هو مقياس النجاح ولا خسارة صفقه ولا 100 مقياس للخساره يعنى انت قلت اول كام صفقه مشييوا تمام والناس وثقت فى صاحب التوصيات لمجرد نجاح كام صفقه وبدا الخطا بدا كل واحد يقولك التوصيات دى شكلها تمام وربحها عالى طيب ما ادخل بلوت عالى علشان ادبل حسابى وبينسى بقه بناء على الثقه فى صاحب الموضوع بينسى ادارة راس المال وبينسى كل اسس التجاره ويخاطر رغبة فى تحقيق مكسب سريع فى وقت قصير
يبقى الخطا مش من صاحب التوصيه الخطا من اللى بيدخل وبس من غير حتى ما يفكر ولا يشوف اذا كانت التوصيه بتوافق تحليله او لا المهم انه عاوز يحقق مكسب عالى وخلاص وبينسى فى الوقت ده ان السوق له قواعد لازم يحترمها ونحترمها كلنا علشان كمان السوق يحترمنا
واضح خوفك وقلقك على الاعضاء الجدد لكن كل واحد عنده عقل ربنا انعم عليه بيه يقدر قبل ما يدخل يفكر شويه ولو هيدخل يتحمل مسؤلية دخوله
بشكرك على حرصك على اخوانك مره تانيه
وعاوز اقول لكل حد حابب يدخل التوصيات دى فكر قبل ما تدخل واوعى تغتر بنجاح كام توصيه وتتهور لازم تحكم عقلك اولا
الدخول مسؤليه شخصيه
تحياتى للجميع