السلام عليكم ورحمه الله وبركاته كيف حالكم جميع :) ياكثر ماشفنا نكت بالمنتديات او عالواتس او البي بي وغيرها عن الركب السود مثال \ واحد دخل بيتهم لقى آثار كفرات قال من اللي مفحط داخل البيت رد ولده لا هذي اختي كانت فرحانه بنجاحها وتزحلقت على ركبها سعودي ركب بطياره وجنبه بنت شقراء وعيونها زرقاء سألها : الاخت سعوديه ؟ قالت : كيف عرفت ؟ قالها : ركبك سود كل شاب يخطب فتاة فانه يحصل على بئر نفط له الاحقيه في بيع هذا النفط على من يشاء مع العلم انه كلما زادت الفتاة بالعمر كلما زادت كمية النفط في الركب وغيرها من النكت كثير :) وطبعا السالفه ماخذينها بموضوع المزح والاستهبال مع اني مدري من ارنب عليهم وقال ركبنا سود قسم تلق بياض وحلاوه ونعومه اذا حنا ركبنا سود اجل هذول ايش 
قسم يعقدون بلد المهم مو هذا الموضوع الموضوع دايم نمزح بسالفه الركب وابو سروال وفانيله لكن الي انصدمت منه انه ركبه البنت من اساسيه الزواج يعني رح اعطيكم مثال وحده من صحباتي خطبو لاخوها ووقت النظره الشرعيه قال لاخته ابي اشوف ركبها ,, البنت انصدمت من طلب اخوها تقوله تبي تفشلنا مع الناس نقول ورونا ركب بنتكم؟ لا اقولها تفصخ مو ازين ! وهو يتكلم من جد قالها ابي اشوف ركبها اذا سودا والله مااخذها .. سؤال! لون الركب صار من اساسيات الزواج؟ يعني لو تخطب بنت بتخلي دينها واخلاقها وحتى جمالها وتفحص ركبتها جعلك الركبه الي تصك جبهتك اجل انا برفض الي يخطبني بقوله تلبس سروال وفانيله! خلك بالكرفته دايم وبهالزمن صار نادرا تلقى ركبه سودا :) هذاك اول ايام جداتنا الحين كريمات ترطيب وليزر وتبييض وبعضهم خلقه ركبها بيضا ماتحتاج شي .. تخيلو بنات يخطبك واحد ويقول ابشوف ركبتك ؟ لو انا قسم اخليه يندم عناد به اروح اجيب كحل وارسم بركبتي < طيري
التعديل الأخير تم بواسطة خادم القرآن ; 29 - 11 - 2012 الساعة 08:36 AM 
ام الركب السود
