نظرا لكثرة الاستفسارات عن مواقع مراكز ومعاهد حرس الحدود أحببت أن أطرح لكم هذا الموضوع مع شرح بسيط عن مواقعها على حسب معرفتي لعل الله يريح بعض الاعضاء من عناء البحث والسؤال ولمن لديه اضافات يطرحها هنا :
1- معهد حرس الحدود بمدينة الرياض .
موقعه : يقع بالنسيم .. ( حي السلام ) ..وبالتحديد ورى مركز الجميح للسيارات ... اذا انت جاي من طريق خريص باتجاه الشرق كانك رايح للدمام تمشي الين تجيك لوحة قبل مخرج مكتوب عليها معهد حرس الحدود ادخل معها الين تجيك اشاره رح معها يمين وامشي على طول بتلاقيك اكثر من اشاره امشي معاها على طول الين يجيك على يدك اليسار المعهد .. ولو ضيعت فما فيه مشكله لو سألت أي احد راح يدلك عليها .
2- معهد حرس الحدود بجده .
موقعه : على الكورنيش .. وانت ماشي على شارع فلسطين باتجاه البحر وبالتحديد باتجاه النافوره الكبيره بتلاقي قدامك اشاره روح معاها يسار بيجيك البحر على يدك اليمين امشي على طول الين تلاقيها على يدك اليمين .
3- مركز تدريب حرس الحدود بمنطقة جازان .
موقعه : على الكورنيش في مدينة جازان نفسها وبالتحديد على امتداد شارع الكورنيش بيكون قريب من فندق الحياه او منتزه اوقات سعيده .
4- مركز تدريب حرس الحدود بمنطقة الحدود الشمالية .
موقعه: بمدينة عرعر .. وبالتحديد على امتداد الطريق الرئيسي اللي يجي بمنتصف مدينة عرعر وماراح تتوه لانه المدينه صغيره .
موقع معهد تدريب حرس الحدود البحري
5- مركز تدريب حرس الحدود بمنطقة تبوك .
موقعه : بمحافظة الوجه وماراح تضيع لانه الوجه منطقه صغيره .
6- مركز تدريب حرس الحدود بمحافظة القريات .
موقعه : يبعد عن المطار تقريبا 8 كيلو يعني لو وصلت المطار اقرب تكسي يوديك لانه معروف مكانه داخل قيادة حرس الحدود بالقريات ويكون على يدك اليمين اول ماتدخل المحافظة وانت جاي من المطار .
7- مركز تدريب حرس الحدود بمنطقة نجران .
موقعه : مدينة نجران .. حي الأملاح وماراح تتوه اي واحد بتسأله يدلك .
8- مركز تدريب حرس الحدود بالمنطقة الشرقيه .
موقعه : بمدينة الدمام .. بحي الفيصلية مقابل 91 .
9- قيادة حرس الحدود بمنطقة المدينة المنوره - ادارة التدريب .
موقعه : بمحافظة ينبع .. وماراح تضيع لانه المحافظة صغيره .
10- قيادة حرس الحدود بمنطقة عسير - ادارة التدريب .
موقعه : محافظة أبها - أمام مركز عسير مول .. وانت جاي من المطار خذ طريق ابها وامشي الين تجيك اشاره ويكون على يدك اليسار عسير مول روح مع الاشاره يمين وامشي على طول الين تجيك القيادة .
هذا كل اللي أقدر أخدمكم فيه وبالنهاية اتمنى الجميع اذا ضيع يسأل مافيها شي .. والله يوفقكم
موقع معهد تدريب حرس الحدود البحري
موقع معهد تدريب حرس الحدود البحري
المواضيع المتشابهه 
