▁▂▃▅▆▇★☀二【الكـــلامــونيـــك !!】二☀★▇▆▅▃▂▁

المشاركة الأصلية كتبت بواسطة أحـمـد عـزام

×××

اجازة سعيدة يا درش,,,
و كوكتيل هنيء

المشاركة الأصلية كتبت بواسطة The Winner

موضوع رائع بكل ما في الكملة من معنى
آسفة أخي مصطفى على تأخري في التعليق فقد كانت متابعتي خلال الأسبوع الماضي شبه منعدمة لظروف خاصة ورأيت هذا الموضوع المتألق الآن فحبيت أشكرك عليه وتم التقييم طبعا
متابعة معك باهتمام كبير
تحياتي وتقديري,,

المشاركة الأصلية كتبت بواسطة Mostafa Elyamny

فرصة بيع ( بمخاطرة عالية )

الدولار ين





سعر البيع : 93.15
الوقف : 93.45
الهدف 1 : 92.20
الهدف 2 : 91.30

سبب الدخول

وجود مقاومة قوية ( هاي الأمس )
بوادر ظهور نموذج هارمونيكي خماسي وصل لمرحلة النقطة C ( ربما قد تكون النقطة c تخطت النقطة a ببضع النقاط ولكن سنعتمد على النموذج حتى يثبت العكس وهو اختراق المقاومة القوية )

المشاركة الأصلية كتبت بواسطة Mostafa Elyamny

اليوم ان شاء الله هنبدأ بالتحدث عن الهارمونيك واللي للاسف ناس كتير مش بتشتغل بيه وناس أكتر مش عارفاه إن شاء الله كلامنا هيكون باللغة العامية المصرية واحيانا باللغة الصعيدية J وهنحاول على قد ما نقدر مندخلش في تفاصيل احنا ممكن نقدر نستغنى عنها اولا لازم نعرف ان معنى كلمة (Harmonic ) هو التوافق أو التناغم .
بس قبل ما نتكلم عن النماذج لازم نعرف الأول علاقة الهارمونيك بالفيبوناشي طبعا الهارمونيك الاساسات بتاعته هي نسب الفيبوناشي من غير فيبوناشي مفيش هارمونيك .
طيب اولا لازم نعرف ان نسب فيبوناشي دي نسب تصحيحية يعني من خلالها نقدر نتوقع المناطق المحتمل ان السعر يصحح منها أو ينعكس .
طيب احنا بنقول من الصبح نسب فيبوناشي يعني الاعداد بتاعتنا هتكون في صورة نسبة مئوية يعني في صورة علاقة نسبية بين سعرين .
علشان كده هنلاحظ لما نتعامل مع برنامج الميتاتريدر ونحاول ندخل نسبة جديدة لنسب الفيبوناشي هندخلها كنسبة للواحد الصحيح يعني مثلا على سبيل المثال النسبة المئوية 70% دي عبارة عن 70/100 يعني 0.70 والبرنامج بيتعامل مع الشكل الاخير ده مش بيتعامل مع النسبة المئوية علشان كده احنا بندخل النسبة المئوية كوصف علشان يوضح لنا النسبة دي مقصود بيها ايه .. وهنوضح ده من خلال الصورة القادمة .

الصورة دي من اعدادات الفيبوناشي في برنامج الميتاتريدر وبعد ما نخلص شرح وتوضيح الصورة هنقول نقدر نوصلها ازاي .
رقم 1 دي المستويات أو الشكل اللي بيتعامل بيه البرنامج زي ما قولنا .
رقم 2 دي النسب المئوية اللي قلنا عليها قبل كده وقولنا انها للتوضيح مش اكتر .
في ناس بقى تسأل تقول ازاي ممكن نقدر نوصل لاعدادات الفيبوناشي هنقولها ..
طبعا بعد ما بنرسم الفيبوناشي وتقريبا كل الناس عارفه ازاي لو في اي حد لسه ميعرفش يتفضل يسأل واحنا نوضح عادي جدا ... بعد رسم الفيبوناشي نضغط ضغطتين شمال على الخط اللي بيوصل بين القمة والقاع ( خط منقط ) وبعد كده نضغط كليك يمين عليه هيظهرلنا الصورة دي ..

بعد الضغط كما هو موضح بالصورة هتظهرلنا الصورة اللي فوق .




دلوقتي إن شاء الله هنوضح نسب الفيبوناشي اللي هنحتاجها طول طريقنا وشغلنا سواء في الهارمونيك أو الكلامونيك من خلال الصورة دي





إن شاء الله المشاركة القادمة شرح لأول جزء معانا في الهارمونيك ياريت المشاركات بعد الانتهاء من عملية وضع الشرح ..

المشاركة الأصلية كتبت بواسطة Mostafa Elyamny

- وصف النموذج .
- أنواع النموذج .
- قياسات النموذج .
- المتاجرة من خلال النموذج .
- علاقته بالكلاسيكي .
- أمثله من الشارت .

أولا وصف النموذج :-
وهو من أهم نماذج الهارمونيك واللي بيدخل في تكوين نماذج هارمونيكية اخرى واللي بإستمرار نجده يتكرر على الشارت وهو عبارة عن ثلاث خطوط متصلة بهذا الشكل :
من شروط النموذج ده :
ان الضلعين (AB ، CD ) يكونوا متساويين بالنسبة للزمن والسعر يعني الزمن اللي بياخده الضلع الاول في التكون يكون زي الزمن اللي بياخده الضلع التاني وكمان مدى السعر للضلع الاول يكون زي مدى السعر للضلع الثاني وفي الصورة الجاية هنوضح مدى السعر ومدى الزمن ..

المشاركة الأصلية كتبت بواسطة Mostafa Elyamny

ثانيا أنواع النموذج :-


للنموذج ده نوعين ولأي نموذج هنتكلم عليه بعد كده برضه نوعين هما الهابط والصاعد .


أولا النموذج الهابط :-





وده نموذج بعد تكونه يُتوقع هبوط السعر وللتوضيح مش معنى كلمة هابط يعني خط سير النموذج هو اللي بيكون هابط لأ النموذج بيكون ماشي بالسعر لفوق علشان يجيبه من شعره فوق وينزل بيه لتحت.




ثانيا : النموذج الصاعد :-









وده عكس الهابط تمامًا يعني بعد ما يكتمل بيدفع للسعر لأعلى .






يتبع ...

المشاركة الأصلية كتبت بواسطة Mostafa Elyamny

ثالثا قياسات النموذج :-


طبعا بعد ما وضحنا شروط النموذج دلوقتي هنوضح ازاي ممكن نقدر نتوقع اكتمال النموذج من خلال نسب الفيبوناتشي ..
يعني مثلا لو نسبة التصحيح للضلع الاول 38.2% طيب نسبة التصحيح للضلع التاني هتكون كام ..؟؟
أو بمعنى تاني انا هستنى السعر فين ؟؟


طبعا لازم نعرف ان أي نسبة تصحيح للضلع الاول تقابلها نسبة تصحيح للضلع التاني واللي بتضمن ان الضلعين يكونوا زي بعض بالنسبة للزمن والسعر في معظم الحالات .
يعني مثلا نشوف الصورة القادمة :






نلاحظ من الصورة أن نسبة تصحيح النقطة C من الضلع AB = 38.2 .. طيب عاوزين نعرف نسبة تصحيح النقطة D من الضلع BC ؟؟؟



هنعرفها من خلال النسبة المقابلة لـ 38.2 طيب ودي نحسبها ازاي أو نجيبها من فين ؟؟


من خلال الصورة القادمة هنوضح نسب تصحيح النقطة C وما يقابلها للنقطة D .

المشاركة الأصلية كتبت بواسطة Mostafa Elyamny

رابعا المتاجرة من خلال النموذج :-


في حالة النموذج الهابط يكون القرار بيع بعد اكتمال النموذج ( تحديد النقطة D ) .
وفي حالة النموذج الصاعد يتم الشراء بعد اكتمال النموذج .
الان عرفنا القرارت الخاصة بالبيع والشراء ولكن ماذا عن تحديد الهدف ووقف الخسارة ؟؟
الهدف (TP) عادة بيكون نسبة التصحيح 38.2 من الضلع (CD )، أما عن وقف الخسارة (SL) بيكون تحت النقطة D بقليل من النقاط ( 10- 25 نقطة ) حسب الفريم والفرصة .. والافضل وضع الوقف اسفل المستوى التالي لنقطة الدخول سواء كان دعم أو مقاومة ,, يعني على سبيل المثال تم دخول صفقة شراء نضع الوقف اسفل الدعم التالي لنقطة الدخول ... وهكذا .





خامسًا علاقته بالكلاسيكي :-


في الكلامونيك لن يتم دخول أي صفقة إلا إذا تم اتفاق التحليل الهارمونيكي مع التحليل الكلاسيكي لذلك ستتضح الرؤية أكثر فأكثر مع الوقت بالنسبة لعلاقة النماذج بالكلاسيك .

المشاركة الأصلية كتبت بواسطة Mostafa Elyamny

سادسًا أمثلة من الشارت :-




المثال 1 :-








المثال 2 :-

المشاركة الأصلية كتبت بواسطة Mostafa Elyamny

ده ملف PDF مجمع فيه الجزء الاول بالكامل منسق ومرتب

دعواتكم

المشاركة الأصلية كتبت بواسطة Mostafa Elyamny

فرصة بيع ( بمخاطرة عالية )

الدولار ين





سعر البيع : 93.15
الوقف : 93.45
الهدف 1 : 92.20
الهدف 2 : 91.30

سبب الدخول

وجود مقاومة قوية ( هاي الأمس )
بوادر ظهور نموذج هارمونيكي خماسي وصل لمرحلة النقطة C ( ربما قد تكون النقطة c تخطت النقطة a ببضع النقاط ولكن سنعتمد على النموذج حتى يثبت العكس وهو اختراق المقاومة القوية )