// الهارمونيك X كلاسيكى // @@ ورشة عمل , تدريب عملى , نقاش @@

اقتباس:

المشاركة الأصلية كتبت بواسطة Shady Abdo

المجنون فى هبوط رائع بعد الارتداد من الترند الداخلى اليومى و المقاومة التى كانت هدف لنا اليوم و أيضاً بعد كسر مستوى 70 من مؤشر الاستوكاستيك هبوطاً , بأذن الله أتوقع الاستمرار فى الهبوط

3 أهداف بالترتيب إن شاء الله تعالى

فى حالة الاغلاق على الساعة تحت 156.02 يتم تفعيل الاهدف

155.61

155.13

154.46

يرجى ترحيل الاستوب بعد الهدف الثانى احتساباً لاى أرتداد

بالتوفيق للجميع إن شاء الله تعالى


ودى

أرفاق التحليل لصفقات يوم الجمعة و الخميس

الاتجاه العام على الدايلى كان صاعد , خالفنا الترند العام لسبب بسيط جدا لاننا نتاجر باليوم يعنى متاجر قصير المدى و بنشتغل على الحركات التصحيحة فقط و الاقوى منها بيكون فى الاتجاه العام

هل معنى ان الاتجاه العام عكس الصفقات اننا مانستغلش اللى بيحصل و ندخل نأخد رزقنا من الحركات التصحيحة اللى بتحصل ؟؟

طبعاً لا و لكن بحذر

ازاى بحذر بقى



الترند العام للمجنون على الدايلى صاعد و أيضاً ترند أخر صغير هابط على اليومى أيضاً اللى نقدر نقول اننا بنتاجر عليه وقتى فعلاً + ترند صاعد صغير و ترند هابط اقوى على الاربع ساعات يعنى نقدر نقول الاتجاهين معانا على المدى القصير ياكلو عيش

طيب كان لازم تأكيدات لنقاط الدخول و أستنباط النقاط القوية عشان مانتلخبطش و نكون فى حذر لاننا عكس الاتجاه الاقوى .. عملنا ايه ؟؟

تم تحديد نقاط الدعم و المقاومة القوية المتوافقة مع القنوات السعرية و مستويات الفيبوناتشى الريتريسمينت و الاكسبنشن على الاربع ساعات و الساعة و نأخذ بها فى حالة تم كسرها او تحديدها كأهداف احتساباً لاى ارتداد يحدث منها و قد كان

كان لابد من تأكيد أخر على الكسر او الاختراق أو حتى الارتداد من هذه النقاط فى حالة وضعها كأهداف و طبعاً الشموع كانت خير مرشد للطريق + تشبعات الاستوكاستيك و مؤشر القوة النسبية و اشارات البيع و الشراء من الاستوكاستيك

و زى ما أحنا عارفين الموضوع مش جهجهون كدا

بمعنى ان وقت التشبع أو اشارة البيع او الشراء فى المؤشرات بتلاقى فعلا التشبع دا بيكون تحت خط مقاومة او فوق خط دعم قوى ,, (( طيب ماهو ممكن المؤشر يخترق مستوى التشبع بزيادة و يبقى انا اللى فى الضياع كدا )) فى الحالة دى أنتظر كسر المستوى لاسفل أو لاعلى على حسب التشبع سوا بيعى او شرائى + ظهور شمعة عاكسة للاتجاه تنور لى الطريق و بعديها أتوكل على الله بعد اما تتاكد من الاخبار و تحلل الازواج المقابلة و ادخل صفقتك على بركة الله

نشوف تطبيق عملى على صفقة يوم الخميس



كان قدامنا مشروع تكون نموذج الرأس و الكتفين + وجود تشبع شرائى فى الاستوكاستيك على الاربع ساعات

معنى كدا ايه ندخل عالطول بيع ؟؟؟؟؟؟؟؟؟؟

ماهى مش هيصة يا عم الحاج

أولا طبيعى انك تنتظر تكون نموذج الرأس و الكتفين الاول و انا كنت مع كدا انما كان قدامك ترند صغير على اليومى هو اللى رد السعر بالفعل لفوق و ضرب بالمؤشر عرض الحائط ,, طيب و هل الترند بس اللى رد السعر لا طبعاً الكلاسيكى اشتغل و بقوة بمعنى ان السعر أرتد لفوق بسبب تكون شمعة دوجى المحتارة اعلى دعم قوى و دا كان سبب + الترند الصغير + الاتجاها لعام فى رد السعر لفوق و كنا عاملين حسابنا و الحمد لله

لاقينا على الاربع ساعات مثلث متماثل ,, المقاومة للمثلث المتماثل متوافقة مع ترند هابط على الاربع ساعات اذن كان منطقى جدا ننتظر كسر أحد أضلاع المثلث المتماثل لانك مش معقولة هتدخل عشان شوفت شمعة دوجى على اليومى

بالشكل دا حددنا نقطة الدخول بعد كسر الترند الهابط المتوافق مع المقاومة المتحركة للمثلث المتماثل

طيب و الاهداف ؟؟؟؟؟؟؟؟؟

كان منطقى برضو نكون موضوعيين فى وضع الاهداف لسبب وحيد ان مؤشر الاستوكاستيك كان فى حالة تشبع شرائى و احنا مش معقولة هنغامر و بالمناسبة الوافى رحمه الله كان يقول فى جميع الحالات أتابع ( مؤشرى الاستوكاستيك ) على وجه الخصوص

اذن الموضوعية مطلوبة جدا بالنسبة لوضع الاهداف

حددنا ترند داخلى على اليومى + خط مقاومة قوى اذن الطريق قدام السعر مفيهوش اى مطبات و بالمناسبة كانت الحركة لسه فى أولها يعنى انك تجيب 100 نقطة صعود و الطريق مفيهوش مطبات و لسه الحركة فى أولها إن شاء الله تعالى بسيطة .. و فعلا تم وضع الهدف المتوافق مع الترند الداخلى + خط المقاومة و بالظبط أرتد منها السعر هبوط بعد تحقيق الهدف و هبط السعر بعد تكون شمعة الشهاب + اشارة تشبع شرائى من الاستوكاستيك و اشارة بيع أيضاً لانه كان بكل بساطة بداية يوم جديد يعنى الحركة لسه فى أولها + وجود أخبارسلبية على الجنيه الاسترلينى و اخبار ايجابية ضعيفة على الين بمعنى هبوط للبوند و صعود للين و قد كان و كانت دى صفقة يوم الجمعة و تم الدخول فيها بعد كسر قناة سعرية صاعدة على الساعة و تم تحديد نقطة الدخول بعد الاختراق عند سعر 156.02 و كان الهدف صغير لوجود ترند داخلى على الاربع ساعات و فعلا السعر وصل له بالضبط و حقق الهدف 40 نقطة و متحركش السعر بعدها بشكل ملحوظ لان اليوم كان جمعة و الحركة بطيئة جداً يوم الجمعة و الحمد لله خرجنا على خير محققين مكاسب جيدة معلومة المصدر و دا المهم

صفقة الجمعة على الساعة




و الله يديمك يا مطر

ودى

التوقيع

حلم المليون

اقتباس:

المشاركة الأصلية كتبت بواسطة SAdLove

الف الف مبروك حبيبي شادي وان شاء الرحمن من ارباح ل ارباح وربي يكرمك

الله يبارك فيك يا عمور ,, تسلم يا غالى

التوقيع

حلم المليون

فعلا يا شادي العلم نووووووووووور انار الله طريقك وطريقنا بالعلم والعمل والايمان

التوقيع

رائع يا بطل بجد انا باسميك ديب الفوركس ومش عايز احسدك واقول بسم الله ما شاء الله عليك

اقتباس:

المشاركة الأصلية كتبت بواسطة eeelnagm

فعلا يا شادي العلم نووووووووووور انار الله طريقك وطريقنا بالعلم والعمل والايمان

الله يكرمك يا محمد , أسعدنى مرورك و الله

اقتباس:

المشاركة الأصلية كتبت بواسطة الفوركسى الفقير

رائع يا بطل بجد انا باسميك ديب الفوركس ومش عايز احسدك واقول بسم الله ما شاء الله عليك

ربنا يكرمك يا غالى و الله الواحد بيجتهد مش أكتر و هدفه يفيد الناس دائما .. أسعدنى مرورك



ودى

التوقيع

حلم المليون

ان شاء الرحمن بدايه اسبوع موفق حبيبي شادي

التوقيع

اسبوع موفق وكله ارباح اخي شادي
ان شاء الله

التوقيع

اقتباس:

المشاركة الأصلية كتبت بواسطة eeelnagm

فعلا يا شادي العلم نووووووووووور انار الله طريقك وطريقنا بالعلم والعمل والايمان

اقتباس:

المشاركة الأصلية كتبت بواسطة الفوركسى الفقير

رائع يا بطل بجد انا باسميك ديب الفوركس ومش عايز احسدك واقول بسم الله ما شاء الله عليك

اقتباس:

المشاركة الأصلية كتبت بواسطة mohammed marzouk

السلام عليكم اخى شادى

ايه رائيك فى نموذجالهارمونيك على المجنون فريم 4 ساعات ارتداد من ترند هابط يدعم الهبوط

مرفق شارت للتوضيح

تمام أخى محمد النموذج ممتاز و لكن طبعا كان فى خبر اليوم الساعة 1 مساءاً و نتيجة له كان فى صعود للبوند لانه خبر ايجابى , اعتقد السعر دلوقتى طلع لنقطة C عموما كان الافضل لو دخولك هارمونيك الانتظار بعد كسر نقطة B و من ثم الدخول و لو أخدت بالك تكون مجموعة شموع صغيرة سودة تدل على عدم قوة الاتجاه الهابط و دا نتيجة للنفسيات قبل صدور الخبر لانه كان ايجابى و المفروض البيع يكون قليل و دا فعلا كان ممثل فى ال3 شموع الصغيرة الظاهر بدون وضع مسمى لها و بالنسبة للجانب الكلاسيكى النموذج شبيه بباترن الدوبل توب كان أيضاً يفضل الانتظار لحين كسر الدعم الموجود بين القمتين , و بالنسبة للترند كان قوى الدخول بعد المقاومة المتحركة اللى المفروض السعر كان أرتد منها انما ماكنش فى فعلاً شموع عاكسة قوية تكونت ادنى المقاومة حيث تكونت شمعة شبيها بالحرامى على الساعة و معنى كدا حيرة لان الحرامى فى الاساس فقط تنبهك لحدوث شئ اما اتجاه جانبى او خروج من صفقات شراء و لكن عن نفسى لا أخذ بها بقوة

همسة : الف مبروك على اللقب

الوضع الحالى يحدد بعد أغلاق الاربع ساعات و إن شاء الله لى عودة للتحليل


ودى

التوقيع

حلم المليون

مش هقولك ياستاذ شادى غير ربنا يباركلك ويكثر من امثالك الورشة دى مفيدة جدا للمبتدئين اللى زيى لانى الحمد لله كويس فى الفنى وعايز اتعلم الهارمونيك فاما كلمت اساتذة الهارمونيك نصحونى انى لازم مع الهارمونيك التحليل الفنى واربطهم ببعض والحمد لله وجدت الورشة التى ساستفيد منها فى هذا الشان وشكرا لك مره اخره استاذى شادى