رد: •:*استراتيجيه للاسترليني من 30-50 نقطه كل يوم*:•
مساء الخير الى الاخت العزيزة و المضاربة الشرسة مارس و الى كل الاعزاءو المضاربين في منتدانا ووطنا الكبير بورصات وبعد
اولا قدر الله و ما شاء فعل فلا حيلة في الرزق و لا شفاعة في الموت
ثانيا لكل واحد فينا وجهة نظره فيما يضارب فيه بناء على ما يراه من تحليلات لاوضاع السوق و بناء على الاستراتيجية اللي هو بيتبعها و لكن لي تعقيب بسيط في حدود معلوماتي المتواضعة
ليه الاسبوع الاخير اتجهنا للتعامل بالاسترليني و تركنا الدولار ؟؟؟؟؟
فجميع المؤشرات اشارت الى ان الدولار قد وصل الى نهاية حدوده السفلي و الى مستويات دعم تاريخية يصعب جدا اختراقها لاسفل و ان كان حتما النزول بعدها فسيكون بنقاط قليلة جدا
اما الاسترلينيفمن وجهة نظري انه المجنون الحقيقي و مكانه الطبيعى ليس بالفوركس و انما بمستشفى المجانين طلعاته جنونية و كذلك نزلاته قد تهوي بالمضارب الى الافلاس او الى مثواه الاخير
الاسترليني بيلعب في نص الملعب بتاعه لا جاب دعم و لا جاب مقاومة لانه كان جايب من اسابيع قليلة اكتر من 1.71فلما يوصل 1.58 ثم الى 1.64 منهم و يطلع 400 نقطة في 48 ساعة اطمن له ازاي و ازاي احكم على الحركة القادمة ليه
امال ايه الحل
الحل اننا كنا نبعد عن الاسترليني بالذات و لو على الاقل الايام د ي و نمسك الدولار اللى معروف انه جاب اخره من تحت و عمال يتحرك في سبعين نقطة طالع نازل اشتغل معاه ادام اليورو و الفرنك
ع العموم الجايات اكتر من الرايحات و هوة ده سوق الفوركس
و على راي المثل الواحد يفضل يتعلم لحد ما يموت و يموت المعلم و لا يتعلم
معلش اسف ع الاطالة و ده كان مجرد راي متواضع من العبد لله يمكن حبيت اوصل معلومة يمكن تفيد حد خسر النهاردة ياخد باله منها المرة الجاية
اجازة سعيدة عليكم جميعا
ايهاب يحيى