يالليل وش باقي عروقي ضمايا
والشوق منك قطع القلب نصفين
اشرف صباحك وانت مالك نهايا
متوسلٍ جرح الخطر حد سكين
البعد طول والسهر والمنايا
تخطف اعيوني من الحين لحين
وانا على جال الصبر من وفايا
أجادل الأموات بحساب حيين
اصبر وصابر لو أحس بشضايا
تعجرف السجان وحنا مساجين
انشهد انه داء جرح ودوايا
وانشهد انه داء كل النشيطين
اجهدت عمري بالسهر والحكايا
وخترت من حكيي على بيت بيتين
معزوفةٍ تنقل ولا من روايا
غير السهر يشعل قلوب المحبين
من بعدها لا عاد تحجب سمايا
لاقمت اخربت وأضرب إثنين بثنين
اعلاج جرحي غير كل الدوايا
نشيل خبثه والقهر دمعة البين
مدام مله في شفاي وهوايا
هذا لحاله جرح غير السكاكين
ابعد مجالي عن مجال الغوايا
استشرف الحسنه ولبي لها يدين
ولا الردا ماله مع القوم رايا
اردا خليفتنا له الطيب رجمين
ما عاد بسمع ما سمعته كفايا
العمر يفنى مدته عدت اسنين
تعال يالعاذل معفي اللحايا
قلي ترى في مهجره بارقٍ زين
لو المزون تصب بكل النحايا
ما كمدت حرق له ايام وسنين
لو السما غير السما والبنايا
ما اضيعه من خافقٍ شوفه العين
لأن الدهر مكتوب قبل المنايا
وقدام لا نخلق ولا نكون حيين
ولأن الشقى طبي وأول هوايا
من يوم كانت فسحتي تقسم ثنين
من الكرم شيبت ملسن عدايا
ومن الوفاء امر على النفس بالدين
إلا حبيبي كثر ما خذ وفايا
يردها بجروح من خاطر شين
الحياة ابسط من اللي به بلايا
حبه ولا له غير محبته دين
الحياة أخذ وعطا ومنثم اكتفايا
وقبل تاخذ شف وش انت تعطين
كل الجروح اللي بصدري دمايا
عالج الأول قبل تشرع بثنين
ولا اقول جعل كلك فدايا
لا خير في معاتبك ولاني لك ادين
اصل الخطا من طيش واكبر خطايا
اني تومنتك على القب والعين
أخر كلام لازم نصفي النوايا
مثلت مثلك من على نوع تبيين
متفوق وناجح يجمع هدايا
قال الدهر ملكي وملكي ملايين
يشخص عيونه في محيط المرايا
متباهي بشكله وحسن العناوين
مايدري ان كبره طريق العمايا
اعمى خسر نفسه قبل يكسب الزين
من عثرت الأيام شاف الوزايا
جور الزمن درس هل الجيم والسين
جرح خفوق محتمي بالحنايا
كنت انتضر حبه على الوعد ياتين
عساي في وصله اعين منايا
اجني ثمار ما جنوها المحبين
حالي وحالك يا معني خفايا
بالشوق واللهفه وجرحٍ يعنين
سلم قبل تسلم على اغلا خفايا
قلبٍ نبض حبه اشهور وسنين
الشاعر : فارس عيد البقمي
يا ليل وش باقي
