شبكت العشر في غيابك ...
على راس ٍ كساه الشيب ..
و من وداك ... ما جابك ..
و لا ادري وش يخبي الغيب !!
و جرح ٍ عذ ّب احبابك ....
يبه ..عيّا يخف و يطيب !!
يبه.. كل جرح في الدنيا ..
مصيره بالدوا يلتم ...
و لكن البلا من جرح ..
نزف فرقاك ... بليّا دم !!
و هذا الفرق في جرحي ...
عجز يلقا الدوا دكتور ..
انا جرحي غريب الطور !!
ينزف ... بس بليّا دم ..
و زاد الهم فوق الهم ...
و دام انك يبه غايب ...
جروح الغيبه ما تـلتم ..
بس عندي امل للحين !!
و لا كنّي اعرفك وين !!
يبه .. ذكراك تفرحني ....
في نفس الوقت تجرحني !!
لا من جبت في طاريك ...
دموعي غصب تفضحني ....
يبه .. تذكر ليالي الصيف ؟؟
عرس الحي .. و رقص السيف ؟؟
و كرم قلبك معَ هـالناس ..
كل ٍ كان في بيتك ضيف ..
الا يا حيف .... الا يا حيف ..
زمن قاسي ..
زمن قاسي ...
اخذ مني بلا رحمه
اخذ مني اعز ناسي !!
و خلاّ لي سهر هالليل ..
في عيني ضيف ..
الا يا حيف !!
توبيكات حزينه عن الاب المتوفي
يبه وينك ؟؟
تعال و شوف ...
كبرنا مثل ما تمنيت .
درسنا كل ما حبيت ..
نصلي مثل ما وصيت ..
و ندعيلك في كل ظروف ..
يبه وينك ؟؟
تعال و شوف ..
صحيح الدنيا ما ترحم ..
تجرعنا التعب انواع ...
و لكن ***** ما ضاع ..
و انا عندي امل للحين !!
و لا كني اعرفك وين !!
يبه تذكر شطانـتـنا ؟؟
انا و اخواني و اخواتي ...
معانا عيال حارتنا ..
نلعب في زوايا البيت ..
يبه ... والله انا حنيت ..
لذاك الوقت في وجودك ...
الا يا ريت ... الا يا ريت ...
ترجع .. يا يبه حنيت ..
حسافه الدنيا ما ترحم ...
خذت منا سعادتنا ...
خذتك بعيد .. و خلتنا !!!
يبه امي تذّكرنا ...
بأيامك قبل ما تروح ...
تناديها.. يا روح الروح ..
تغازلها و تنظر لك ..
مثل طفله ...
ملامحها عشق مفضوح ...
في ذاك الوقت .. كنا صغار ...
معَ هذا ... كنا نغار ..
عليها .. او بعد منها ... كنا نغار
نحبك يا يبه ... ارجع
مثل شمس الفجر .. اطلع
حزينه الشمس في غيابك ..
و نفس الحزن في احبابك ..
واخاف الشمس من حزني ..
تغيب و ما بعد تطلع !!
يبه ارجع !!
توبيكات حزينه عن الاب المتوفي
توبيكات حزينه عن الاب المتوفي
المواضيع المتشابهه 
