بعض الأسلئه الهامة فى الميتاتريدر رجاء التوضيح

انا مبتدىء فى هذا المجال وحبيت اطرح بعض الاسئله اللى ممكن تكون ساذجه ليكم ولكنى فعلا حبيت الموضوع ده وعلشان كدع عاوز افهم
بسم الله نبدأ بأول سؤال

سؤال (1) كما هو موضح بالصورة فى الأسفل إنى أشتريت عند السعر 1.3077 وبعدين اغلقت الصفقة عند السعر 1.3608 فخسرت كتير، والسؤال هنا انا خسرت ليه بالرغم من ان السعر اللى اشتريت بيه اقل من اللى بعت بيه مش المفروض فرق السعر ده اكسبه انا ؟؟؟




سؤال (2) ماذا تعنى الأشياء الموضحة بالصورة فى الأسفل ، وهى الرصيد (هل هذا معناه الفلوس اللى انا شحنتها ولا ايه )! ربح ! حقوق ملكية ! الهامش ! الهامش الحر ! مستوى الهامش !





سؤال (3) ماذا تعنى وبشكل واضح الاشياء الموجود فى قائمة صفقة جديدة ؟ وهى
- eurusd فى هذه الحالة امر البيع والشراء يكون لليورو يعنى انا بشترى يويور ولا بشترى دولار وببيع مين فيهم فمثلا انا شحنت بالدولار ازاى اشترى دولار تانى مقابل اليورو وهو مش عندى فى الحساب اصلا ؟؟؟
-ماذا يعنى الحجم يعنى 1.00 يبقى انا كده بشترى بكام من 100 دولار مثلا (الموضوع ده انا مش فاهمه خالص ) ؟
-الرقم اللى على اليمين بتاع الشراء واللى على الشمال بتاع البيع ؟؟؟




وشكرا جدا على صبركم عليا
والسلام عليكم

مساعدة لو سمحتوا

اول سؤال انت كنت بايع مش شاري ياريس

التوقيع

[CENTER]اهم المواضيع ذات الاهتمام من العبد الفقير الى الله
موضوع اكسبريت مومودس اسكلبنج و النسخة الاخيرة
النسخة الاخيرة من ماكد مومودس و مشاركة مهمة جدا للتوقيت و الاعدادات

السؤال الثاني :ده محتاج تقرء في موضوع الهامش لانه فيه كلام كتير
بس مبدئيا ده رصيدك ولما تكون فاح صفقة مثلا بيتم حجز حاجة اسمها هامش وده بتختلف من رافعة مالية لاخرى وده برده محتاج تقراء عنه والهامش الحر ما تبقى او ما يمكن العمل عليه
من الاخر مش هتفهم الموضوع ده لو قعدت اكتبلك لبكرة لان الاساسيات لازم تقراء عنها
فيه مواضيع تعليمية في المنتدى ممتازة للهامش والحاجات اللي انت بتسئل فيها

التوقيع

[CENTER]اهم المواضيع ذات الاهتمام من العبد الفقير الى الله
موضوع اكسبريت مومودس اسكلبنج و النسخة الاخيرة
النسخة الاخيرة من ماكد مومودس و مشاركة مهمة جدا للتوقيت و الاعدادات

الئوال الثالث : eurusd لمت بعمل امر بيع مثلا يبقى انا ببيع اليورو واشتري الدولار
يعني بنفذ الامر على اللي مكتوب اولا والعكس للي موجود ثانيا
وبرده محتاج تقراء في هذا الموضوع صدقني مش هخدعك الموضوع محتاج تقرء فيه شوية لانك لو استفسرت عن كل حاجة مش هتسفاد اقرء الاول والل متفهموش اسئل فيه
دي نصيحة من اخوك

التوقيع

[CENTER]اهم المواضيع ذات الاهتمام من العبد الفقير الى الله
موضوع اكسبريت مومودس اسكلبنج و النسخة الاخيرة
النسخة الاخيرة من ماكد مومودس و مشاركة مهمة جدا للتوقيت و الاعدادات

أولا أنا متشكر جدا لحضرتك ولرحب صدرك فى الرد عليا

لكنى والله قرأت كتير جدا فى المواضيع ديه كلها لكن اغلب الكلام بيكون على التحليل والمؤشرات ومافيش حاجه واضحة بتقول الخطوات ببساطة للمبتدئين بجد فأنا حبيت اعرض تجربتى وحد يردلى عليا ببساطة بردوا وكل لما تقف حاجه قدامى ابقى اسأل
فلو هتعبك معايا وتوضحلى بسهولة الخطوات عامة يكون ممتاز
فمثلا حضرتك قولتى انا لو بعمل امر بيع يبقى انا ببيع يورو واشترى دولار طيب ازاى وانا اصلا لسه شاحن الحساب جديد واول مره استخدمه ومعنديش فى الحساب يورو يبقى هبيعه ازاى ؟؟؟