رد: طلب عمل اكسبيرت بارك الله فيكم
تحياتى استاذ سمير واسف على التاخير فى الرد
انا هشرح الاستراتيجيه لحضرتك تانى .. ومع كل الاحترام والتقدير لباقى الاعضاء المشاركين فى الموضوع .. ارجو من حضرتك النظر لشرحى فقط وان يكون الاكسبريت بناء على الاستراتيجيه دى وليس اى استراتيجيه مشابهه
موفنج افردج 25 اكسبونانشال كلوز .. ننتظر اغلاق الساعه 8 صباحا بتوقيت مصر
لو الشمعه اغلقت فوق الموفنج افردج يبقى شراء . ولو الشمعه اغلقت تحت الموبفنج افردج يبقى بيع
مثال : بفرض اننا هنشتغل على اليورو ين مثلا .. وكانت شمعه الساعه 8 صباحا اغلقت فوق الموفنج افردج . سيقى الصفقه هتكون شراء مع افتتاح الشمعه الجديده مباشرة . وليكون السعر الدخول 130.00 هندخل شراء وليكون بلوت 1$
يبقى الهدف هيكون 130.25 والاستوب هيكون 129.50
حيث ان الهدف 25 نقطه والاستوب 50 نقطه
فى نفس الوقت هنحط امر معلق اخر معاكس بس بلوت مضاعف 2$
الامر المعلق يبعد عن الامر الاول مسافة 25 نقطه ياعنى فى المثال هيكون عند سعر 129.75
الهدف هيكون 25 والاستوب 50 برده
ياعنى الهدف هيكون 129.50 والاستوب هيكون 130.25 ياعنى استوب الصفقه الاولى هو هدف الصفقه الثانيه
طيب نفترض السعر عكس تانى .. وراح لنقطة دخول الصفقه الاولى ساعتها هندخل عقد شراء اخر برده بنفس الاستوب والهدف بس قيمة العقد مساويه للعقد الثانى 2$ .. بكرر تانى علشان بعض الاخوه للاسف شرحوا غلط اعتماد على استراتيجيه اخرى ..
وساعتها هنحط عقد معلق برده بيع من نفس دخول الصفقه الثانيه برده بنفس الاستوب والهدف وبرده قيمة العقد 2 $
ياعنى قيمة العقود لا تتضاعف الا مره واحده بس بعد كده العقود ليها نفس القيمه
نفترض ان الصفقه الرابعه هى الى جابت الهدف ساعتها هيكون الربح كالاتى = -1 + 2 - 2 + 2 = 1 $ وهو ده مكسبنا فى النهايه
طب نفترض ان الصفقه الخامسه هى الى جابت الهدف هيكون الربح كالاتى = 1 - 2 + 2 -2 +2 = 1 $
ومتى يتم تحقيق الهدف سيتم تلقائى اغلاق كافة العقود المفعله .. لان هدف الصفقه استوب للاخرى .. يبقى فقط غلق الصفقه المعلقه الغير مفعله
اتمنى اكون شرحت بشكل واضح استاذ سمير .. واتمنى من الاخوه الى ليهم تصور اخر للاستراتيجيه بفتح موضوع اخر مختلف عن الشرح السابق ذكره
منتظر ردك الكريم استاذ سمير واسف على تاخرى فى الرد