السلام عليكم
انا حلمت اني راكبه عربيه مع خطيبي السابق وهو اللي كان سايق وكان قاعد جنبه تقريبا ابن عمي وانا وماما قاعدين ورايا وانا عماله اكلمه وهو مش راضي يرد عليا وازق فيه برضه مش راضي يرد ، وبعدين في مشهد تاني كان زي ما يكون في عيد عند المسحيين وهو راح الكنيسه علشان يحضر مراسم احتفالهم معاهم وانا برضه روحت وكنت شايفاه اعد قدام خالص وانا ورا خالص وبعدين روحت علشان اكلمه اداني ضهره ومش رد عليا المهم انا سيبته فكان فيه واحده صاحبتي اسمها هدي كانت رايحه تكلمه المهم انا قلتلها لا ما تروحيش ففبرضه راحت وبعدين لقيته هو جاي بيقولي انتي زعلانه ليه انا مش زعلان وبعدين جيت اخرج من المكان ده (الكنيسه)حسيت اني عايزه ارجع لقيته جه ورايا ومسك ايدي وقاللي ما تمشيش انا هوصلك فالمهم انا خرجت بره لقيتني في جنينه وفيها خضره وكانت الدنيا شكلها زي بعد المطر كده الشجر عليه مية لمطر والدنيا مغيمه بس المنظر كان حلو وبعدين انا روحت لوحدي وبعدين لقيته اتصل بيا علي التليفون وسلمت عليه وهو قعد يقولي وحشتيني ويسألني ليه مشيت لوحدي وكده وبعدين الخط فصل
وبعدين في مشهد تاني فتحت التلاجه لقيت علبه جاتوه ففتحتها كان جواه كذا قطعه وانا بطلعها من التلاجه الجاتوه اتحرك من مكانه ولقيت تحتيه قطع شيكولاته كبيره مغلفه بغلاف لونه دهبي وشكله فخم وانا كلت حته واديت لماما حته اكلتها بس كده
الحاله الدينيه الحمد لله بصلي وبقرأ قران وبحاول التزم ع اد ما اقدر
الحاله الاجتماعيه انسه كنت مخطوبه واتفسخت ومتقدم ليا شخص تاني بس الموضوع متأجل شويه
الاشخاص اللي معايا في الحلم خطيبي السابق واسمه احمد وصاحبتي اسمها هدي وكان فيه مدرسه معايا في الحلم اسمها هدي
لا ارقي وحلم عادي
ملحوظه انا وخطيبي السابق المواضيع بينا منتهيه بس انا قلقانه من موضوع الكنيسه ده
تفسير الاحلام الزواج في الكنيسة
بسم الله من المنام وضح ان العلاقة فعلا اتقطعت بسبب انك روحتى لوحدك والاتصال المقطوع ووجودك معاة فالكنيسة دا بيدل على تذكرك لبعض مواقف حصلت للرجوع ولكنها فشلت والكنيسة هنا حبس لامر الرجوع / والجاتوة والثلاجة بيدل على امر محفوظ ومؤجل القرار ولكن ابشرى بمجئ القرار السعيد قريبا / بالتوفيق
تفسير الاحلام الزواج في الكنيسة
تفسير الاحلام الزواج في الكنيسة
المواضيع المتشابهه 
