السلام عليكم
اتمنى ان يكون الجميع بصحة جيدة
..............
يا يمّه .. منتهي جيتك وطالب منك الغفران
أقبّل قاعة أقدامك .. واغسّلها بدمعاتــــــي
يا يمّه .. كل ما فيني يناديلك أنا ندمـــــــــان
طلبتك قولي سامحتك وردي لوجهي بسماته
أن أدري قلبك الطيب كسرته بصدمة النكران
غلطت وغلطتي هذي .. تعيّر كل غلطاتـــــــي
تشوفي الشيب يا يمّه .. ترى ماجا وإنا فرحان
ورب اللي رفع ذاتك ونزّل للردى ذاتــــــــــــي
فقدت الراحة من بعدك فقدت الطيبة والتحنان
بدونك راحتي غاية .. يبدينك هذي راحــــــاتي
أنا .. أنا بعدك ولا حاجه أنا بعدك ترى عميان
أشوف ... ولا أشوف اللي يوريني مساراتـي
أنا وسِيد الشقا والهمّ من بعدك غدينا أخوان
يجيب هموم هالعالم ... ويرميها بمتاهاتــــي
صدقتي يوم قلتي لي .. تدين اليوم بس تندان
رميتك في بداياتي ... ورموني في نهاياتــي
أنا .. من شالك بيده ورماك بأسفل البركان
نخيتيني وطلبتيني ... ولا حصلّتي نخواتي
مثل ما هنتي بعيوني ... عليهم قلبي يمّه هان
رموني وضعفهم فزعه وانا الدمعات فزعاتي
يايمّه .. لا تظنيني أنا من فعلهم زعــــــــلان
سواتٍ فيك سويته .. وسووا فيني ســـــواتي
يايمّه .. يالله ضميني ودفيني بها الأحضان
أنا أدري فيك مشتاقه وهمّك بس ملاقاتي
يايمّه .. يايمّه حييييل ضميني أبي أرتاح أنا تعبان
تعبت أهرب من ذنوبي أبيك آخر مسافاتــــــــــي
أباسمع منك أي كلمة .. لصوتك مسمعي ولهان
أباسمع يمّه .. يمّه بصوتك أبذكر فيها نشواتي
أشوفك ساكته يمّه .. غفيتي والا أنا غلطان؟؟
غفيتي يابعد عمري .. تعبتي من مواساتي
يايمّه ... يايمّه ... طالبك قومي إذا لي بعيونك شان
أشوف الموت بعيونك عساها تخيب هقواتــــــــــــي
تعالوا يابشر شوفوا أنا محتار أنا تلفـــــــــــــان
أنا أمي مدري وش فيها ؟؟ أنا مدري أنا احاتي
أمي أنا ماتت أمي أنا ماتت ؟؟ .. لا .. لا ترى غلطان
أنا امي ماتخليني على حزني ووناتـــــــــــــــــــــــــي
أنا أمي قلبها طيب ولا يمكن تبّكي إنسان
أنا أمي ما تبّكيني ... ولا تتمنى آهاتــــــي
يايمّه صح ما متّي ؟؟؟ وصح الموت تو ماحان
إذا متّي أنا بعدك أبقضي وييييين ساعـــــــــاتي
يايمّه يايمّه قومي يايمّه .. وقولي الموت لا ماكان
أنا جيتك وانا ناوي أببدي فييييك جناتــــــــــــــــــــي
أنا الجاني وانا المجني وانا المخطي وانا الندمان
وانا بيدي رميتك إييييه ... وبعثرتي ملفاتـــــــــــي
وجيت من الهنا مفلس وقلبي من الضنى خسران
وتركتيني على ناري أعدد فيك زلاتــــــــــــــــــــي
ولاني مرضيٍ ربي ... ولاني تابع الشيطان
أنا بعدك ترى مابين نهاياتي وبداياتـــــــــــي
يايمّه منتهي جيتك .. وكلي مرتجي غفران
وشفت الناس تلعني .. وتحذرني من الآتي
للشاعر : نصار الظفيري
اللهم ارحم أمهاتاً ودعونا تحت التراب
وارزقنا يا الله بر امهاتنا قبل فوات الأوان
أتمنى أن أنال إستحسانكم فيما أطرح لكم
حلم السنين
يا يمه
