طريق الوصول لثادق من الرياض
أولاً للخروج من الرياض : امسك طال عمرك طريق الملك خالد (صلبوخ) اللي يوازي طريق القصيم من غرب , أو إن شئت امسك طريق القصيم إلين مخرج بنبان , لف معاه يسار وخل مدينة سلطان للخدمات الإنسانية يمينك , واستمر تقريباً 6 أو 7 كيلو بعدين ينتهي في طريق صلبوخ آنف الذكر .
كم تبعد ثادق عن الرياض
ثانياً الطريق : إذا مسكت طريق صلبوخ استمر معاه متجه شمال , وتتعدى قرية سلطانة على يمينك , بعدين يجيك تفتيش طريق صلبوخ (طبعاً تفتيش أقدم من اللي على الخط السريع الرياض - القصيم) , واستمر أيضاً وراح تتعدى قرية (القرينة) , وانتبه ! عندهم تقاطع خطير , واستمر أيضاً إلى أن توصل محافظة حريملاء , عندهم تفتيش أيضاً , تعداه تجيك إشارة في حريملاء , تعدها واطلع منها واستمر أيضاً على نفس الخط (وطبعاً كله سيدين) , بعد حريملاء بعشرة كيلو تقريباً يبدأ الطريق ينعطف يمين وشمال , والأرض جبلية تقريباً ولازم تاخذ بالك لأن اللفات كثيرة مرة - بس اللي عارف الخط مثلي يستانس مع اللفات فيها أكشن كأنك في سباق - , المهم بعد ما يستوي الخط وتتعدا الجبال هذي , أول ما يستقيم الطريق لاحظ على يمينك لفة (ومو أكيد) أنهم ركبوا عليها لوحة , المهم لف لثادق يمين واستمر وهذا يسمى طريق (عبيثران) نسبةً للشعيب اللي تمشي بجنبه , وطبعاً بما أنه يباري الشعيب ففيه لفات انتبه لها بس مو خطرة , استمر يا حبيبي إلين يجيك دوار تيامن معه , وهذه ثادق أمامك .
الطريق واضح جداً , يعني من تمسك طريق صلبوخ ما تلفلف إلا لما توصل عبيثران يمين واستمر إلين تدخل ثادق .
الطريق هذا هو الطريق القديم , وكان خطير لأنه كان سيد واحد , لكن الحين كله مسارين , وزال الخطر الحمد لله .
الطريق هذا يختصر عليك تقريباً خمسين كيلو لو بتروح مع خط الرياض - القصيم وتاخذ يسار مع مخرج ثادق .
تقريباً طول الطريق هذا 120 كيلو .
كم تبعد ثادق عن الرياض
كم تبعد ثادق عن الرياض
المواضيع المتشابهه 
