السلام عليكم ورحمة الله وبركاته
انا متزوجه وعندي بنت عمرها سنتين والحاله الدينيه الحمد لله يعني متوسطه سعيده في حياتي مع جوزي الحمد لله ومعندناش مشاكل الحمد لله ربنا يديمها نعمه علينا من كام شهر حصل مشكله لحد ودخلنا فيها غصب عننا ولسه ماتحلتش بس الحمد لله والحمد لله ربنا رزقني بحمل عمره شهر ونص بس كنت اخدت حبوب في اول شهر من الحمل ومكنتش اعرف انه فيه حمل وسمعت انها ممكن تاثر علي الجنين (ربنا يرزقني بطفل سليم معافي من الامراض ) الدكتوره قالتلي اطمني ان شاء الله خير وقلقي وصل انه ممكن كنا ننزل الجنين بس فوضنا امرنا لربنا والحمل استمر والحمد لله صحته كويسه ومن وقت متعرفت بموضوع الحبوب وانا نفسيتي تعبانه جداااااا بصلي وبدعي ربنا وفوضت امري ليه وداومت علي صلاه قيام الليل وركعتين قضاء الحاجه بنيه ولاده طفل سليم معافي من الامراض
امبارح صليت قيام الليل ودعيت ربنا انه يخليني اشوف رؤيه من عنده اطمن فيها ان الجنين كويس ومش فيه اي حاجه وحشه وكمان صليت ركعتين قضاء حاجه ودخلت انام استغفرت ربنا ونمت
وحلمت خير اللهم اجعله اني انا وبنت خالتي اسمها رانيا وواحده كمان بس انا مش فاكره هيا مين قاعدين في سكن طالبات وزي مااكون مش متجوزه وبسرح شعري لقيت في المشط قمل ابيض صغير جداوانا زعلانه وبقولها شفتي يارانيا جه في شعري برضه تاني وكان بيطلع في المشط وانا كنت بموته تقريبا اللي ماتو كانو تلاته والله مش فاكره قوي وخوفت اسرح تاني الا ينزل من شعري تاني (علما اني قبل مااتخطب باسبوع جالي القمل في شعري وكنت في السكن وكنا بنعمل حمام زيت وواحده استعملت فوطي وهيا كان فيها وانا ماعرفش وبعدين استعملت الفوطه جه في شعري بس راح علي طول بعد اسبوع ) ومش فاكره الحلم دا كان في اي وقت انا صحيت الساعه 10 الصبح لقيت نفسي فاكراه
ياترا الحلم دا رؤيه من عند ربنا بيقولي فيها حاجه ياريت تطمنوني ربنا يجزيكم خير لاني قلقانه والله
تفسير حلم القمل للحامل
القمل رزق ان شاء الله كنت سمعت الشيخ سيد حمدى الله يرحمه دايما يقول كده
تفسير حلم القمل للحامل
تفسير حلم القمل للحامل
المواضيع المتشابهه 
