..العدو الحبيب..

الاستوب لوز = حزام الامان

التوقيع

كلام راقى من افضل محلل فوركسى

بس اسمح لى بس اقول رايىء بسيط حيث اننا نعيش فى عصر الديمقراطية
صحيح الاستوب لوز مهم جداا لكن خلينى اسئلك دكتور
كم مرة ندمت انك وضعت ستوب بعد ما انضرب بالمسطرة
ثم عاد السعر ورجع الى نقطة دخولك او يمكن الى هدفك؟

الى عاوز اقولة ان الاستوب مهم لكن احيانا ضار جداا خصوصا فى اوقات الاخبار المهمة وايضا ايام التذبذب
والبديل عنة ان يكون الدخول بكمية قليلة قليلة علشان يكون فى حلول اما بالتعزيز او بتجاهل العقد والعمل بغيرة ما دام بكمية قليلة من راس المال.

ومدمت رابحين دائما
ان شاء الله

التوقيع

خمس يطمسن خمس
الزور يطمس الحق
و المال يطمس العيوب
و التقوى تطمس هوى النفس
و المن يطمس الصدقة
و الحاجة تطمس المبادئ

معاك أنا كمان يا أسامة فى النقطة دى بس يمكن بتحفظ شوية نأخذها بالأرقام مثلا لو رصيدى 1000 دولار ممكن أدخل فى الصفقة ... بعد حسابات وترندات ومقاومات وقصص ... ممكن ادخل بالنقطة ب 10 سنت وبدون ستوب ولاغيره ... أيه يعنى لو السعر أتحرك 500 وللا 1000 نقطة عكس الصفقة وأنا قاعد مستنية يرجع يجيب البروفت ( طبعا صعبة شوية دى ) ....بس كلهم 50 أو 100 دولار يعنى 5-10% من الرصيد ... أحنا كده فى السليم .... ولكن نظرة للجانب الأخر الراجل اللى حط ستوب فى مكان صح وقفلت معاه الصفقة وحسبها تانى ودخل فى الطريق العكسى ...قفل الصفقة على خسارة صحيح لكن الصفقة التالية عوضتها ... الراجل ده مش زينا لأ ده حسابة 1000 دولار بس داخل النقطة بنصف دولار أو دولار على اليورو مثلا وحاطط ستوب 50 نقطة ضربت عنده ستوب -25 دولار وأخد البروفت بتاع ال 500 نقطة 250 دولار يعنى كسب مثلا 200 دولار وأحنا لسة مستنيين الشارت يرجع تانى للتعادل وبعدين ندور على البروفت 100 ..200... 500..1000 نقطة والنقطة بتاعتنا ب 10 سنت يعنى بندور على 100 دولار والراجل طالع أكل نازل أكل معانا ..... طيب يعنى أنا معترض على كلامك وللا معاك !!!!!
أقول لسعادتك ( أصل أنا مراقب د.أسامة من غير ما يأخد باله ) ....أقول لك أيه اللى جاب له فكره الموضوع ده .... الدكتور دخل صفقة يورو ين يوم الجمعة شراء بدعم من ترند وطبعا بعض الناس أفتكرت ان كسر دعم الترند . يبقى خلاص ... ستوب لوس تحت الترند مباشرة ... معظم الناس قفلت الصفقة بعد كسر الترند اللى داخلين عليه ... لكن هو كان شايف منطقة دعم أقوى ... أرتد من عندها السعر أكتر من 4 مرات حط تحتها الستوب بفرق صغير ( لكن الستوب كان فوق ال 90 بيب أو ماشابه ذلك والناس كانت حاطة الستوب تقريبا 65 نقطة ) .... وكانت المفاجأة السعر بعد ضرب ستوبنا ارتد تانى من الدعم القوى وحقق الهدف .... ( طيب لو كان بعد الشر ضرب له الستوب كان حيبقى خسران اكتر مننا شوية زيادة ... لكن الحقيقة هو حقق البروفت)

يعنى فيه ناس حطت الستوب بطريقة أصبح معها هو عدوها وزعلها منه لكن هو حط الستوب بطريقة يكون بها صديقة لو أنضرب الستوب أنا واثق أنه كان حيقلبها صفقة عكسية ويستفيد برضو ... الصراحة أختار للستوب مكان صح لو انضرب فعلا كان يبقى خلاص التحليل خطأ ونقلب الترابيزة ونفكر نعكس الصفقة

==========

يعنى أنا رأي أن الستوب صديق بس تحطه فى مكان صح حتى لو فرقت معاك 20 -30 نقطة مش مهم المهم المكان صح لكن لو مش حتعرف تحط الستوب فين ... حلل الشارت كويس على قدر ما تقدر وأدخل بلوت صغير جدا وحط ستوبك ( برضو لازم تحطه ) فى مكان بعيد شوية ...بحيث عنده يكون تحليلك خلاص طلع فشنك على الأخر.. بدل ماتقعد تطارد السراب وتحارب طواحين الهواء ( ومتنساش قوانين ال أن أف أيه الجديده حتخليك مربوط فى نفس أتجاه الصفقة للزوج مش حتقدر تستفيد من تحركاته لغاية ما تقفل الصفقة )

وللا أنت رأيك أيه ؟؟
وتقبل ودى وأحترامى .....
الله كريم ,,,,,,

التوقيع

صباح الخير يا نادر يا رغاى

شوف استاذى انا مش ضد الاستوب على طول الخط احيانا مفيد واحيانا ضار
ممكن تقيس عليها بانتة داخل مع الترند او عكسة؟ لو عكسة لازم ستوب لو معاة مش لازم الا لو اتاكد من كسرة.
وكسرة دى مشكلة تانية هى نفسها النقطة الى اتكلمت انتة فيها بانك هتحط استوب بعد مقاومة مهمة مثلا..والمشكلة هنا فى الكسر الوهمى يعنى ممكن بكل بساطة يعمل اختراق وهمى يضرب لك الاستوب ويرجع تانى ولا كانة اخترق ولا عمل شىء
وانتة لو داخل بكمية قليلة وعكس عليك مش هتستنى يرجع للبروفيت لا انتة هتعزز لة لكن المهم يكون التعزيز مش بالبركة وخلاص يعنى ناس تقول لك لو طلع 100 نقطة
عزز..لا طبعا لازم تعزز فقط لما تشوف انة ارتد من منطقة مهمة وهيرجع فعلا لك.
غير كدة يبقى سيبة وما دام هو بكمية قليلة يبقى تقدر تكمل شغلك على الحساب عادى.
انا شخصيا افضل حتى لو اعلق فى السوق يومين او ثلاثة احسن احسن ما ينضرب ستوب ورا ستوب بيجيب احباط.
ولو اتزنقت قوى يعنى وحسيت بالخطر عندى احتياطى استراتيجى
لان انا وسيلة السحب والايداع عندى الكاش يو فسايب احتياطى على الكارت اقوى بة الحساب لو حسيت بالخطر.
وبطل تزوغ من الشغل بقى

التوقيع

خمس يطمسن خمس
الزور يطمس الحق
و المال يطمس العيوب
و التقوى تطمس هوى النفس
و المن يطمس الصدقة
و الحاجة تطمس المبادئ

بارك الله فيك يا د. أسامه في الكلام الخلاصة اللي أنت قلته وفعلا الحرفنه كلها في كيفية وضع الستوب متى وأين. ومشكوووووور على النصيحة الغالية دي.

جزاك الله خيرا

التوقيع

أسمع وأدعيلي