جامعة الملك سعود للبنات بشرق الرياض

’ جامعة الملك سعود - للبنات ‘

الواقعة في حي عليشة بالرياض ..



بسم الله وعلى بركة الله ننطلق :
هذي صور للجامعتي اللي قضيت فيها أحلى أوقاتي بصراحة حبيت أعيد ذكرياتي وحبيت تشاركوني فيها..



هالصورة مصوره بالدور الثالث من كلية اللغات والترجمه ..
وتقريباً هالصورة تمثل نصف الجامعة فقط ..

جامعة الملك سعود للبنات بشرق الرياض

واللحين نفتتح صور الكليات :



* كلية اللغات والترجمة *







* الله عاد المكان هذا يتضاربون البنات عليه لانها تحس نفسها مهمة في هالمكان<<هههههه







* كلية الآداب *
هذي كليتي اللي كل يوم رااااااااااااااايحة جااااااااااااااااااااااية منها







* كلية ادارة الأعمال *








* مبنى الدراسات العليا *


اللله يكتب لي نصيب فيها ياااااااااااااااااااااااا ارب







على اليمين مبنى الحضانة ، لأطفال الطالبات أو الدكتورات..
وعلى اليسار سوق الطالبات ..
السوق يحتوي على :
سوبر ماركت ..
مكتبة قرطاسية ..
مركز تصوير ..
مركز خدمات طالب ..
محل اتصالات stc ..
محل تسجيلات ..
محلين جوالات واكسسوارات الجوال واللاب توبات ..
ركن لمخابز وحلويات سنابل السلام ..
4 محلات مكياج واكسسوارات ..
اممممم وش بعد
محلين للتحف و تغليف هدايا وللورد ..
وكوفي شوب نسيت اسمه ..
محل شوز..
ومحل ملابس نسائية..
وملابس اطفال..
وجلابيات..

الله يذكره بالخير هاسوق كان فاك ازمة ,,يعني لوطلعت لي مناسبة فجأة وماعندي أحد يوديني السوق أجي أشتري منه اللي ناقصني






هذي صورة من برآ ومن جوّا للشيء اللي يسمونه ’ صالة رياضية‘
تحتوي على:
كرة سلة
فريرة
كرة تنس
بلياردو
ولعبة الهوكي
ياما كسرت راس بعض الناس هنا وياما كسروا راسي هههههههه


نجي للمقاهي :



* مقهى ريترو *





* مقهى د. كيف *







وهذي صالة اللاب توبات مكيفة تحتوي على كراسي وطاولات وأفياش كهرب ..










أحد الممرات والقاعات داخل كلية اللغات ..









آلة القهوة الموجودة في كل كلية وكل صالة انتظار ..









هذي كاشخين فيها توهم حاطينها داخل كل مبنى تقريباً ..


آلة شوكولاتات وشيبسات وكيكات وعصير وموية وكل شيء <- لحد يعلّق على هالآلة والله إنها فكت أزمة ..








هذا جوّا مبنى إدارة الأعمال الجديد اللي
حيث أن مبناهم يشبه المطار ، بشاشاته البلازما واحتواءه على كشك د.كيف وكشك ثاني توهم فاتحينه .. واللمبات الموجودة على الأرض




*نجي للكافيتيريات *
أكثر ما كثر الله بالجامعة الكافيتيريات ..>>






هالصغنونة أصغر كافيتيريا بالجامعة ..
تقع عند مبنى التربية ..







وهذي كافتيريا اللغات والترجمة <ماحبها>..< كل ماأتذكر الأشياء اللي تصير خلف هالكفتيريا يقشعر بدني وعرف ليش حنا دائمآ علينا عج ومايجينا مطر...








وهذا الدايت شوب عند الآداب ..









هذي أحد سيارات الدكتورات ..
أما الطالبات تتقطع رجليهن وهن يمشن من مبنى لمبنى ..


..

>أذكر موقف< مره صديقتي ماكان لها خلق تمشي خصوصآ أنه كان الساعة 4 العصر وطفشانين مررره ومحاضرتنا على بعد واحد كيلو تقريبآ المهم قالت بضحك عليهم عشان يشيلونا معهم بسيارة وسوت نفسها حامل وبيغمى عليها وأنا ساعدتها وضبطنا أدور ومشت على الخاله وشالتنا معها<< الله يسامحنا ويتوب علينا








مواقف سيارات الدكتورات <-




* صالة الانتظار *
بوابه 4 ..
هذا المكان نجلس نشوف اللي برا من خلال الزجاج و هم مايشوفونا هم حاطينه عشان اللي تشوف سيارتها تطلع بس بما أنا شعب متحضر ونستخدم الأشياء بمكانها السليم بعض البنات يقعدون هنا عشان يقزون في ذا الشباب اللي جاين لنفس الغرض!



وهالصور للجامعة أيام الأمطار الله ..





على اليسار تظهر مجموعة من جريدة ’ رسالة الجامعة ‘ التي تصدر كل سبت ..





* صورة داخل الجامعة أيام العج >>الله يرحمنا برحمته



صور متفرقة من الجامعة :






هالنخل نستفيد منه بوقت الأختبارات نتفرق كل وحدة تجلس عند نخلة عشان نذاكر وما نسولف>>شطورات بس وين اللي يقدر






هذي الكراسي كانت معقدتني ماحب أجلس عليها طريقتها غبية جدآ وغير مريحة






<< هذا الورد حاطينه عشان اذا كنت مزاعله أحد وبتراضينه ومالك خلق تروحين السوق >>




هذا الشارع يسمونه شارع الأميرات >>يعني رجاء لحد يمشي فيه الا أحنا واذا مشت فيه بنت عاديه يحرقونها بنظرات والتعليقات السخيفة مثل وجيهم ياااااكرهي لهم ياناس
















>> كيف الترتيب بس يانااااااااااس






* .. المصعد .. اللفت .. الأصنصير .. *





* الدرج






* المصلى *

في كل مكان وزاوية لي ذكريات حلوة حزينه غريبة<<عيوني بدت تدمع

جامعة الملك سعود للبنات بشرق الرياض