• 7:50 صباحاً
logo




رواية لا طابت النفس يا صاحبي يصعب رضاها

إضافة رد
عضو متقدم
تاريخ التسجيل: Dec 2011
المشاركات: 5,797
معدل تقييم المستوى: 14
smay@yah is on a distinguished road
02 - 12 - 2013, 02:20 AM
  #1
smay@yah غير متواجد حالياً  
افتراضي رواية لا طابت النفس يا صاحبي يصعب رضاها
* * * * * * * * * * * * * * * * * * * * * * *السلآم عليكم ورحمة الله وبركآته*
* * * * * * * * * * * * * * * * * * * * *سبحآن الله وبحمده سبحآن ربي العظيم*
* * * * * * * * * * * * * * * * *هاذي اول روايه لي اقروها راح تعجبكم ان شاء الله*
* * * * * * * * * * * * * * * * * * * *ادعموني وانا ان شاء الله ماراح اقصر*


نبدا بالشخصيات*

مرزوق الجد*
عياله ...
عبدالله -هيفاء -سلمان-الجوهره*

سلمآن ولده الوحيد (فيصل)*
الجوهره دكتوره وماتزوجت ~*
هيفاء [ماجد 19-رشا22-خالد23]
عبدالله مرته مشاعل وعيالهم *
* * * *تركي 34- سطام 25-فهد22 -مهره18 -سعود 9-سديم 3
تركي متزوج ووعنده ولد*
* * *مرت عبدالله الثانيه مستوره متوفيه*
* * * * عيالها غاده 22-وسعد 20 مقتول *
*
(منصور ) منصور هاذا تابعوها لنهايه قصته قصه*
منصور يصير جد غاده -سعد*

البدايه ........
البارت الأول ~*
تركي:ي فهد تراه بزر خف يدك عليه لا يطيح ترآه بزررر !!!*
فهد كان يرمي سموي فوق ويمسكه:وش دخلك انا وولد اخوي نتفاهم*
تركي:جيب ولدي بس لا يطيح وينفقع راسه انت مرجوج*
فهد: ي ليل ي خي تراني العب معاهه بس (عصب وعطاه ولده) هاه خذه*
تركي:احسن هاته * *
*
* * * [ويدخل عبدآلله ابوهم وهم كانو يتبعون خطواته جا *وجلس من دون حتى يسلم * * * * * * * * * * *
*وهذي غريبه عليه *وهو ساكت وكانه يفكر *وبشي*
* * * *له فتره وهو على ذا الحاله يفكر كثير واذا سألوه يقول بعدين تعرفون كأنهم قررو *يسالونه ]
فهد : يبه عسى ماشر علامك*
عبدالله :......................(ساكت )
فهد يطالع في تركي مستغرب :يبببه
عبدآلله لف عليه: هلآ*
تركي:فيكك شي يبه*
عبدآلله فك ازارير ثوبه وابتسم لهم يبي يطمنهم: روح ناد مهره وسطآم وامك*
فهد مستغرب ورافع حاجبه )*
تركي:ابشششششر !*
................................
* * * * راح ناداهم وجلسو وفيه الف علامات تعجب عليهم ينتظرونه يبونه يبدا يتكلم*
مشاعل (قطعت الصمت ):امر يابو تركي*
عبدالله بطيف ابتسامه :اسمعو كلكم لين اخلص كلامي وبعدها تكلمو*
[سكت شوي ونزل راسه للأرض وهو مشبك اصابعه وهم ينتضرون وش يبي يقول بدا وقال *:منصور رجال كبير وماعاد فيه شده واختكم كبرت [هينا عرفوا وكلهم ناظروا بعض وكأن للموضوع ماعجبهم >كمل ]وتبي من يرعاها ومنصور ماقصر ربها احسن*
تربيه وانا ابي اخليها تجي تعيش بينا بين اخوانها انتم الحين سندها وعزوتها ومثلها مثل مهره*
يقاطعه سطام :بس جدها يبيها خلها عنده احسن*
عبدالله :هو ماقصر رباها من توفت امها من 9سنوات وربا اخوها بعد والحين هو كبير ويالله يشيل نفسه ماهو يشيل مسوليتها خاصه انها بنت*
سطام :لا توفى ذيك الساعه اخذها*
عصب عبدالله وبصوت معصب :سطام*
تركي :يبه هو صادق عيشتها عند جدها احسن لها*
بعدين من بعد ذا السنيين بتجي تجلس عندنا لا يبه فكنا تكفى احنا مانرفض لك طلب الا هذا الطلب*
عبدالله:من قال اني باخذ رايك ولا هو يهمني نعنبو دارك تراها ااختك من لحمك ودمك كيف تقول كذا ي تركي كيف وانا اقول العاقل تركي*
فهد:ي يبه يرحم والديك خلها عند جدهااا
يبه يمكن اسلوبها مايناسبنا ولا ينااسب اءء مهره ؟*
عبدالله بعصبيه:وش تقول ي فهد اشرف منك واحسن منك بنتي غاده متربيه ويكفي انها على يد منصور*
تركي:ي يبه والله احسن لها تقعد هناك ماراح تتأقلم (مشاعل كانت تتبسم كأنهم قالو اللي بتقول اما مهره كانت ودها تصيح )*
عبدالله بعصبيه اكثر :وانت ليش ماتجلس عند جدك من وانت صغير وانت معي وهي انحرمت مني وبعدين من امها بجيبها وغصبً عليكم وخليني اشوف احد مضايقها هاذي بنتي مثلكم*
* * * * وطلع وهو معصب ...*
....................... {سلمان_فيصل}

سلمآن:فيصل ترآنا بنروح لعمك عبدالله بنتعشا عنده تجهز*
فيصل: ي يبه انا مواعد غآزي بنروح للأستراحه انا مواعده اعشيه عندي*
سلمآن: أجلها وانا ابوك انا قلت لرجآل عاد ولزم علي انك تجي معي*
فيصل:يعني انا اللي ماوعدته بس ماهي مشكله بروح ان شاء الله*
سلمآن: هاه مو تروح منا منا تراي خابرك اذا ماروقت سحبت*
فيصل: لآ لآ الله لا يعوقنا بشرر*
سلمآن: طيب*
فيصل: الا يبه اليوم شفت عمتي الجوهره تراها قالت انها تسلم عليكك وتبارك لك في سيارتك الجديده*
سلمآن: الله يسلمها بس ترا من زمان عنهااااا ماعاد نزور بعض *ي عوذ بالله*
فيصل: ي يبه ماصار لك شايفها قبل اسبوع وش لون من زمان عنها اي ذابحكم الحب الاسبوع تملونه*
سلمان:اي والله (يرددها)اي والله املها*
فيصل: يلا اجل تامرني بشي ؟*
سلمان:لا يا ابوي سلامتكككك*



.......……………………{بيت_عبدالله}
[كانوا جالسين في غرفة امهم وجالسين على سريرها ]

تركي:مدري من وين طلع لنآ ابوي بسالفة غاده ذي ؟؟*
سطام: اسكت بس ابوي اخذ قراره وخلاص وانت تعرف ابوي يوه منه ومن حركاته الله يهديه بس وان شاء الله يعيي منصور عليهاااا*
تركي:منصور شيب خلاااص ماعاد يقدر لهاا ولو جلست عنده ضاعت البنت وبتروح على كيفها ولا تنسى انها حاملتن اسمنااااا*
مشاعل:انا لازم اقنعه مايجيبها*
تركي:يايمه تعرفين ابوي انتي خلاص والله تتعبين نفسك وبسسسس*
مشاعل:ابي اسوي اللي علي وبسسس وكيفه بعدهااا بس البنت مابيها تجي *عندي ! وبس*
* * * * * * * * [ دخلت عليهم مهره وكأنها سمعت كل اللي قالوه وكانت منزله راسهااااا ]
مهره مرتبكه: يمه ااااانـ ـ ـ (نزلت راسهااا)*
مشاعل:يمه وش وش فيك*
مهره:آنا ابيهااا تجي ابي لي اخت يمه خلوها تجي تكفون*
تركي يطالع فيها وهو مطير عيونه: اقول برا برا لآ يكثرر*
مشاعل: مهره اطلعي برا بس*
* * * * * * * * * * *طلعت مهره وكأن العبره خانقتها ودها تبكي بس ماهتموا ؟*
مشآعل:ي ربي تصبرني عليها وعلى ابوها انا ماشلتها مو بشيل اختها غاده !*
تركي: ان شاء الله يعيي منصور ي رب*
فهد:خلاص اسكتوا وخلو كل شي يصير لان مانقدر نرد ابوي صدقوني بتتعبون ان ماجت السالفه من منصور وعيا فاماراح يرد ابوي شي*
مشاعل:ي ربي وش ذا البلوه ي رب صبرني وان شاء الله يعيي منصور ولا هي تعيي ي رب*

* * * * * * * * * * * *[دخلت مهره غرفتها وهي تبكي عرفت ان أهلها مستحيل يتقبلون غآده ]*
......................................{وليد}

وليد بنظرآت حآده وبعصبيه :آنا ماقلت لك لا تبين لآحد انت ماتفهم غبي !!*
الموظف:اسف جداً بس ماتوقعت بتوصل السالفه لهينا صدقني والله ماتوقعت انا جداً اسف(نزل راسه)
وليد وهو مسكر على سنونه ويقرب اصبعه بعصبيه منه:وش يفيد اسفك هاه وش يفيد بيرجع لي اموالي انت غبي ماتفهم انا قلت لك مابي احد يدري ولا ابي اخسر ابد وانت تعرف اعدائي كثر غبائك والمشكله اني معطيك الثقه تفووووو عليك*
*وليد:اسمعني زين*
الموظف وهو منزل راسه:امر طال عمرك*
وليد:اياني وياكك تقول لحد اللي صاااار تفهممم*
الموظف:ماراح اتكلم ابد !*
وليد تنهد : 55 الف راحت عشان غبائك وانا قايل لك ركز*
الموظف: ماعاد اعيدها طال عمرك*
وليد وهو يصرخ: لا طال عمرككك انت بتموتني من غبائككك غبي انت غبي*
الموظف: وليـ ـ ـ (ارتبك)*
وليد: وش عندكككككك (مطير عيونه فيه )*
الموظف وهو منزل راسه : طال عمرك ابي انسحب !*
وليد وقف يجمع غضبه وفرغه في كف لفه من حرارته ومن قوته (طاح الموظف على الارض وهو ماسك خده ويمسح ويناظر في وليد ....ماتكلم وليد ومطير عيونه فيه*
وليد :قم قـــممممممممم*
الموظف قام وهو مرتبك*
وليد: عيد*اللي قلت ؟؟؟؟؟؟؟؟؟*
الموظف ساكت .......................*
وليد : هه شي حلو والله تخسرني وتقول بنسحب ع كيفك هوووو*
الموظف: انا عندي اولاد طال عمرك الله يخليك افهمني مابي منك فلوس ولا شي ! بس اتركني*
وليد : اطلع برا احسن لك اططططططططططططلع براااااااا*
* * * * * * * * * *[طلع الموظف برا وهو فيه غضب بس مايقدر يسوي شي ] *
.................... {بيت_عبدالله}

سطآم كان جالس في غرفته ويناظر التلفزيون وساعه يفكر وساعه يكتب وساعه يناظر وساعه يرسم بس مايخلي له وقت فاضي [وككان في راسه فكرت الزواج بس كان متردد يفتح الموضوع واهله مو فاضين الحين] دق جواله وكانت الجوهره عمته سطآم رد: هلا وغلا*
الجوهره:هلآ بالغالي هلا بسطام شلونك عساك بخيررر ي قلبي*
سطام:والله من سمعت صوتك صرت بخير*
الجوهره:ههههههههه عساه دوم ي ربي*
سطام:وش اخبار الشغل والممرضا معك ان شاء الله كل شي تمام*
الجوهره:والله كل شي تمام بسـ ـ ـ(سكتت)*
سطام: بس وش ي عمه*
الجوهره:اول شي لا تقول لي عمه لا تكبرني .....*
سطام: هههههههههههههههه ابشري ي الجوهره ايوه كملي بس وش ؟*
الجوهره: اشتقت لك*
سطام:والله وانا بعد ...*
الجوهره:وش رايك تجيني اليوم المستشفى وتاخذني ابيك في موضوع*
سطام:وانا بعد ابيك في موضوع ابي اخذ رايك فيه
الجوهره:ان شاء الله اجل لا تطوول ،*
سطام: يلا اجل تامرين شي انا اذا خلصتي بدق عليك تطلعين*
الجوهره:خلاص اجل اشوفك يلا مع السلامه*




.................................



فاتن :انا بفهم ليشً رافضين انها تجي انا شفتها مرتين ماشفت منها شي*
بالعكس تهبل
مهره :مدري عننهم انا اشوفها بالمدرسه كنا اغراب واحنا خوات ودي اكلمهاا بس ماعندي الجرائه*
فاتن: ليش رافضينها اخوانك وامك !*
مهره: انا سمعتهم يتكلمون عنها يقولون ماتحملنا مسؤلية مهره موب اختها ..*
فاتن: (تنهدت) والله مدري وش آقول لكك*
مهره:تصدقين البنات يقولون معقوله ذي اختك ودهم يعرفون ليش ماكلمها ولا اجلس معاها يقولون ليه هي لبسها موب حلو وانتي حلو انا عند صديقاتي انا وغاده لغز عجزوا يحلونه*
فاتن:ي ربي ي ربي والله مالومك وبذات انها بنفس مدرستك ؟*
مهره:تخيلي ي فاتن اني كنت بالحمام وهم عند المغاسل كانت تقول ساره صديقتي للبنات انا لازم اعرف قصة غاده ومهره اللي عجزت اكربها على بعض .*
فاتن:ان شاء الله تزين الامور ي رب*

* * * * * * * * * * * * * * * * * * * * * * * * * * * *[دخل تركي عليهم ]*
تركي:سلآم*
فاتن:عليكم السلاممم*
تركي:فاتن حبيبتي سوي انتي ومهره القهوه بيجون عيال عماني عندنآ*
(مهره منزله راسها ومعصبه منه لانه طردها اولا في غرفة امهاااا)*
تركي:مابي الخدامه اللي تسوي القهوه ماحب طعمها (ناظر في مهره كانت تحرك اصابعها وكأنها مو طايقه تشوفه )*
فاتن:ان شاء الله*
تركي : زين ي مهره ساعديها*
* * * * * * * * * * * * * * * * * * * * * * * * * * *[ولا كلفت نفسها تناظره]*
تركي:مهره .............،*
مهره وهي ماتناظره: طيب سمعت {طلع }*
فاتن ناظرت فيها وصقعتها ع كتفها :وش فيك عليه*
مهره: اااه وش فيك علي هو سامج طاردني من غرفة امي يوم يتكلمون*
فاتن:اي بس مو عاد تعاملينه كذا*
مهره:اي عشانك زوجته ماتبيني استفزه .*
فاتن : شي اكيد ومثل ما انا زوجته انتي اخته بعد*
مهره:اقول قومي بس قومي لا يجي بعد*
فاتن:انا بسوي قهوه انتي روحي لسموي اقعدي عنده*
مهره:مسويه خير والله .........*


............................................{سطام_ الجوهره}

[نسى سطآم الجوهره انه مواعدها يمرها فز بسرعه وركب سيارته على طول توجه للمستشفى وقف سيارته دق عليها بس ماكانت ترد عليه وكأنها حاطته صآمت لبق سيارته عند حديقة المستشفى كانت وحده من الممرضات جالسه على جوالها نزل *شباك السياره وهو يناظرها ناداهااااا :لو سمحتي *
(ناظرت فيه) : هلآ*
سطام:ممكن تنادين لي الجوهره اذا ماعليك امررر*
الممرضه: طيب ابشر*
سطام:تبشرين بالجنه .*
* * * * * * * * * * [بعد خمس دقايق بالكثير طلعت الممرضه ومعاها الجوهره سلمو على بعض وركبت السياره]*
الجوهره:هااااي (سكرت الباب)
سطام: هايات*
الجوهره:ما تأخرت صح ؟*
سطام: لا بس ليش ماتردين*
الجوهره:والله نسيت من سوالف البنات والازعاج اسفه*
سطام:مو مشكله بس من ذي المزه (يقصد الممرضه)*
الجوهره بعصبيه : ايششششششش*
سطام: اقصد اللي نادتك*
الجوهره تتكلم بسرعه: ياع قصدك مها يوه تجيب المرض الكل يكرها مو حلوه ياع خايسه دايم تتهاوش وياع من اسلوبها وكلهم يقولون اني انا احبى وانـ ـ ـ (قاطعها سطام)*
سطام: طيب طيب بسم الله اكلتيني خلاص الله يستر عليهاااا*
الجوهره معصبه: طيب ليه تسأل عليهااااااا هاه ليه ليه*
سطام: لا والله بس كذا قلت محترمه وبس*
الجوهره: لا يكون حبيتهااااااا*
سطام تأفف: لا حول ولا قوة الا بالله*
الجوهره: بعدين تراها خايسه*
سطام:ي عمه وش فيك الله يستر عليها زينها فيها وشينها فيها هدي انتي بس*
الجوهره: بعدين انا كم مرا قايله لك لا تقول لي عمه هاه كم مرا*
سطام بنفاذ صبر:خلاص خلاص ي الجوهره مشينا [حرك وهو مستغرب وش فيها معصبه]*
الجوهره:وش السالفه اللي تبيني فيها*
سطام:خلاص مانيب قايل شي !*
الجوهره: يوه عااااد سطآم .......*
سطام:اقول اسمعي عماني بيجون عندنا بعد شوي خليني اوديك بيتنااا*
الجوهره: صدق*
سطام:ايه اوديك عندنااا*
الجوهره: ايه بس اكيد موب ذي السالفه ،،،*
سطام : (وقف سيارته على جنب الرصيف): بصراحه ودي استشيرك بشي !*
الجوهره: ايوا*
سطام:ماقدرت افتح الموضضوع لاهلي لانهم موب فاضين تعرفين ان غاده اختي بتجي تسكن عندنا وكذا فاباخذ رايك بالأول*
الجوهره:اي سمعت انها بتجي المهم يلا بقول لك رايي كم عندي سطام انا*
سطام: بصراحه(ابتسم) انا ابي اتزوججج*
الجوهره وكأنها ماسمعت: كيف*
سطام يضحك: والله*
الجوهره : وش لون يعني بتتزوج مافهمت*
سطام:اما وش لون بتزوج يعني بتزوج قررت اتزوج .*
الجوهره: لا تكفى لا تتزوج الله يخليك تكفى*
سطام يطالعها : ليه*
الجوهره : لا بس مابي الحرمه تشغلك عني*
سطام: محد بيشغلني عنك بس هاه وش رايككك من تستاهلني واستاهلها*
الجوهره: سطام انت الحين توك ع الزواج بعدين لاحق خل الزواج لا تتزوج ولا. تفتح فمك لأهلك سامع*
سطام: اي بس انا ودي اتزوج تعبت وانا عزابي*
الجوهره: انتبه تقول لامك انت تعرف ذوق الحريم لا تتزوج بعدين تتزوج*
سطام: لا ي بنت انا ماناقص شي خلي اهلي يهدون وقول لهم*
الجوهره صرخت في وجهه: لا تتتتتتزوججججججج*
سطام لف عليها وهو *مستغرب: ايش*
الجوهره نزلت راسها وحست بصرختها:اقصد اهلك موب ناقصينك بعدين تقول لهم*
سطام حرك سيارته من دون مايتكلم وكأنه معصب ليه صرخت عليه وهو حس انها بس تهاوشه وقف عند بيتها وهي كانت تناظره طول الطريق*
الجوهره: سطآم اااـ ـ انا قلت لك بيت اخوي عبدالله*
سطام من دون مايلف عليها ويناظرها ولا يتكلم مشاااا وراح لبيتهم وقف وكانت تبيه يتكلم بس ماقال شي .. نزلوا للبيت وكانت سياراتهم فيه وكأن الجميع فيه دخل سطام وسلموو على الموجودين وجلس والجوهره جلست بعد*
خالد:يلا اجل تامرون شي !*
سطام:اوف اوف وين وين*
ماجد يتمغط : بنسري*
سطططام:حلوه ذي توكم جايين والعشاء*
فيصل:ي بن الحلال بنخليكم مع اختكم بنخليها تشوف عمانها بعد*
سطام : اها (نزل راسه)*
وليد:يلا تبون شششي !*
تركي: سلامتككك*
* * * * * * * * * * *[طلع ماجد وخالد ووليد وفيصل الا دخل عبدالله وهو ماسك غاده]*
عبدآلله: سلام (كان ماسك يدها....وهم منزلين روسهم:عليكم السلام)*
غاده قامت تضغط على يد ابوهااااا وترتجف حس عبدالله فيها وحس بخوفهاا همس في اذنها :هدي مافي شي يخوف
كانت تأشر عليه وهي تصيح: هـ ـ ـذ ا. *؟؟؟؟؟؟؟*
عبدالله يحاول يفهم شي : كيف*
صرخت بأعلى صوتها : هذا هو هذااااااا هو *!!!!!!!!!*
عبدالله كأنه مو فاهم شي : غاده غاده*
قام تركي وسطام وفهد وقفوا وكأنهم ودهم يطقونهاااا (وش فيها انجنت )*
غاده: قتل اخوي قتله (كانت تضرب نفسها وتصرخ)*
عبدالله مسكها مع كتفها يهزها : غاده*
غاده: يبه هذا اللي قتل اخوي سعد هذا هو والله هذاا هو (وتأشر عليه )*

........................*

* * * * * * * * * * * * * * * * * * * * * * *&&&&&&&&&&&&&&&&&&&&*
* * * * * * * * * * * * * *هاذي نهاية البارت الاول واتمنى تكتبون ردودكم وتوقعاتكم


من تقصد غاده في كلامها وهل هو فعلاً قتل اخوها نفس ماتقول
* * * * * * * * * * * * * وليه الجوهره عصبت ماتبي سطام يتزوج تتوقعون ليه وش السبب ؟؟؟؟
رد مع اقتباس



إضافة رد

أدوات الموضوع


جديد مواضيع استراحة بورصات


07:50 AM