عدنا ليكم من جديد وموضوع شيق ومهم جدا لكل مضارب يحلم بالطريق الاخضر
" وهو الطمع والمكابرة وعناد السوق "
طبعا اتكلمنا عن الطمع والمكابرة وعناد السوق قبل كده بشكل غير مباشر بس النهاردة إن شاء الله هنتكلم بشكل مباشر ...
بس خلينا الاول ناخد فاصل مع الفصحى ونعود للعامية مرة آخرى ..
الطمع وما ادراك ما الطمع ..!!
الطمع الذي قد يكون سببًا في ضياع مستقبلك !!
لا تستغرب يا اخي .. فالكثير من المضاربين اقترضوا وباعوا ما يملكون من اجل الربح من الفوركس أو دعني اقولها بصراحة من أجل الطمع !!
فقط يسمعون أن فلان يعمل في هذا السوق إذا فهو لديه Ford Fusion 2013 ولديه الكثير والكثير فيبدأ الطمع في النمو والنضوج بداخلهم .. ويبدأ وسواس " ولما لا "
وبعد الوسواس
" ولما لا أكون مثلهم " !!
" ولما لا أحقق مكاسبهم " !!
" ولما لا اشتري موديل العام " !!
الكثير يظن أن من يعملون في الفوركس هم خوارق أو يعيايرون المال بالكيلوجرامات ..!! وللاسف هذا خطأ وسنوضح ذلك ..
بعد هذا الفاصل بالفصحى نعود مرة آخرى للعامية المصرية ..
طبعا حضرتك لما تقعد مع اي حد في اي مكان ويعرف انك شغال في الفوركس ( بورصة العملات ) تبدأ بقى نظراته تجووووب ( حلوة تجوب دي ) جميع اجزاء جسمك وعلى طول يقولك العربية موديل كام .. وموبايلك ايه .. وتابك ايه .. وساكن فين .. ومتجوز مين .. وبتحقق كام في الشهر ؟!!
وشوية كلام كده انا بستغرب لما بسمعه .!!
مش معنى كده ان الواحد مش بيكسب من السوق لا الحمدلله بنكسب وزي الفل ..
بس تفتكر لما الفكرة ( الشعور اللي عند صاحبنا ده ) دي انتشرت ايه اللي حصل ؟!
اللي حصل ان 95% من السوق بيخسروا ؟!!
تعرف ليه ؟!! لأن بمجرد ما صاحبنا ده يقوم من جنبك طبعا قبل ما ترد عليه ولا توريله الموبايل النوكيا الـ 3310 هتلاقيه ع طول قالك نكمل كلامنا في وقت تاني .. والوقت التاني تلاقيه بيتصل يقولك ازاي احول فلوس واشترك مع الشركة اللي انت شغال معاه ..
ولما تقوله ياعم لازم تتعلم يقولك .. ما انا هحول دلوقتي وهشتغل ع الديمو ومش قرب ع الحقيقي غير لما اتعلم كويس جدا هو انا صغير ..!!
وبعد اسبوع لما تتصل تتطمن عليه تقوله ايه الاخبار يقولك انا خسران الاسبوع اللي فات كله ..
طبعا انت بنيه سليمة تقوله مش مهم اديك بتتعلم ( طبعا انت فاكر انه شغال ديمو ) ولكن للاسف تلاقيه بيقولك اصل بصراحة انا لقيت استراتيجية حلوة وجربتها يوم وطلعت نتايجها ممتازة واشتغلت ع الحقيقي وبعد ما حققت 50% من الحساب في يوم خسرت حسابي في ساعتين !!!
شايفين الطمع بيوصل لأيه !!
وده كله علشان احساس جالك بمجرد انك شوفت صاحبك اللي شغال في الفوركس ماسك موبايل جلاكسي في ايده !!!
تفتكروا ممكن نكسب في السوق ده بالاحساس ؟؟!!!
ده اللي هنجاوب عليه بكرة إن شاء الله
تحياتي وإلى اللقاء
( همسة : بعتذر لو الكلام في غلط كتابي فأنا لا اقرأ ما اكتب )