يا هم

وش ذا الهموم اللي توالت عليه
و وش ذا الزمان اللي بلاني بذا الهم

يا هم تكفى خف عني شويه
وش فيك كانك واله(ن) بي ومغرم

و يا خوي يا راع الوفا والحميه
يا سيد العربان يا خير محزم

قلبي به من الهم مية سريه
توزعت يا خوك مع ضخت الدم

والحال من دنياي صارت شقيه
يا كم تجرعت المرارات يا كمّ

و ياكم صبرنا ع الرجال الدنية
اللي ما تسوى فالرجاجيل درهم

ويا كم صبرنا ع الخطا والخطيه
ويا كم تغاضينا وحنا نتألم

في ذا الزمن ما عاد به ناس حيه
تبري جروح الصدر وتداوي الغم

ما عاد به غير الهلامة وزيه
اللي يجاملني لا منه تكلّم

وفي هالزمن ما عاد به قابلية
للطيب الوافي و للونعم الشهم

أما المنافق عاش عيشة هنية
في ظاهره لك خير والخافي اعظم

يضحك بوجهك كل صبح وعشية
ويدس لك في لقمتك جرعة السم

لكن .. طلبتك يا إله البرية
وانت الذي بالعبد ادرى وارحمّ

يا من رسالاتك أتتنا جلية
و مفهومها للخلق واضح و مبهم

تعين عبدك ع البلا والبلية
و تجعله يا الله بالصبر مفعمّ

والخاتمة صلى الله على نبيه
محمد الصادق وهو خير ملهم