2014 : 13x20 ماتركس

المشاركة الأصلية كتبت بواسطة ريان.

حسب الشارت المفروض اليوم يوم 14 والرصيد 164 دولار
ايه الاخبار يا معلم دراجى

المشاركة الأصلية كتبت بواسطة safar alghamdi

ياريت اخي دراغي توضح لي الفكره وما اهدافها اذا امكن ولو بإختصار
تحياتي لك

المشاركة الأصلية كتبت بواسطة دراغي

الفكرة: انني انا ممنوع من التداول
الردود هنا تغني عن الشرح
---------
ولكن باختصار هناك هدف كبير على فترة محددة على اكثر من محفظة - بحيث ان شاء الله تنجح واحدة على الاقل فيكون ريعها للجميع حسب نسب معينة
والهدف النهائي-هدف السنين القادمة- على الصعيد الشخصي - صناعة اناس تفهم السوق بفهمي اانا - فهمي المقدس - على الأقل 8 (نحن قفلنا 8 وان شاء الله فيهم الخير)
حاليا أفكر في العدد 16 (بحيث يتخصص في كل عملة شخصين)
إذا سارت الامور كويس قد نفتح المجال لـ 24 وهكذا

لديهم مسارات متعددة يجب عليهم احترافها اهمها,
المسار الرياضيا
مسار التداول
مسار الاساسي
مسار الفني
مسار البرمجة

حاليا انا منحت نفسي لقب: المتداول الأفضل على مستوى العالم, اريد ان يكون افضل 8 متداولين على مستوى العالم هؤلاء الثمانية.
حيث اريدهم الافضل رياضيا برمجيا فنيا اساسيا الخ وهذ ياأتي بالجهد الشاق بالممارسة بالخبرة - بالتجريب على حساب حقيقي.

امامهم جهد شاق - لازم يذاكرون كل يوم 6 ساعات

قد يكون لديهم افكار شخصية - ولكن من الأفضل ان تبقى لديهم حبيسة الادراج - لاننا هنا نتعلم الاهم وهو ابجديات السوق فاركانه.

فنحن هنا مسيرون غير مخيرون.

المشاركة الأصلية كتبت بواسطة ريان.

ربنا يكرمك اخى محمد
الواحد طبعا مبيكرهش الخير لنفسه وللناس اكدب عليك لو اقولك انى فاهم اللى انت بتعمله فى حاجات مش واضحه
1- اثتأثارك لنفسك بالصفقات -- ليه متدعيش كل الاعضاء للمشاركه وتقول ان 100 دولار شيء بسيط جدا اكيد هتلاقى مئات من الاعضاء هتشارك معاك وده مش هيمنع طبعا ان فريق العمل عندك يشتغل بانتظام
ليه الصفقات مبيستفدش منها الا انت ؟
مثلا انا كنت فتحت موضوع لرحله باستراتيجيه خاصه طبعا انا ملقتش فريق عمل للمساعده بس مع احتفاظى بسر الاستراتيجيه كنت بضع الصفقات للاعضاء للاستفاده
-----
بالنسبه ليا واحنا فى اجازه احب اقولك انى دخلت الفوركس من 2009 الى 2010 كنت طبعا مع الفريق المبتدأ وخسرت كتيير جدا تقريبا 16 الف دولار
من 2010الى 2012 ومع حرصى على تعليم التحليل الفنى بشكل رسمى وفى اماكن معتمده عملت مشروع عند ابى اعطانى مبلغ تقريبا 20 الف دولار وفى خلال عام ونصف تم تحويلهم الى 120 الف ده كان اكبر انجاز ليا ومن ساعاتها وانا مقاطه الرحلات وباكتفى بنسبه ثابته شهريا من 10الى 20% والسبب عائلى جدا لان حصل شيء غريب
بعد ما ابى اخد اللى هوا عايزه من الحساب سابلى تقريبا 30 الف بس هههه زى الفل الحمد لله
وبعد تحويلى لهم فى وقت قصير جدا الى 90 الف كنت محتاج ساعتها شقه فى مدينه ونترك انا وزوجتى وبنتى القريه بسبب عدم توافر اى مدارس لغات فى القريه واول مدرسه تبعد عن قريتنا تقريبا ساعتين رايح وساعتين جاى نصحتنى زوجتى بسحب المبلغ بحيث نجيب شقه علشان نكون جنب مدرسه البنت وده هيوفر علينا تعب بنتى 4 سنوات طبعا وهيوفر علينا مصاريف كتيير جدا
ومع مكابرتى انى هكمل ب ال 90 الف الى مبلغ خرافى ومع اقتراب ميعاد المدرسه تواجد ضغط كبير عليا وخسرت نص المبلغ وكان ساعتها خيبه امل كبيره جدا جدا ولوم وعتاب لعدم استماعى للنصيحه -- بعد شهر تم سحب من المبلغ 90% منه واشتريت الشقه والحمد لله نقلت وكلفتنى مجهود ومصاريف كبيره جدا كان ده مايو 2013
والان انا تقريبا فى بدايه الطريق مره اخرى مقسم حسابى الى 3 اجزاء الجزء الاكبر منه باكتفى ب 10الى 20% شهريا كدخل ثابت
والحساب الثانى عامل بيه رحله الى عالم الاحلام هههههه تقريبا 200% سنويا على خمس سنوات للوصول لمبلغ مليون على حسب الحسبه وانا فى العام الاول لسه
والحساب رقم 3 لمغامره وده بسحب منه مبالغ حلوه فى بعض الاوقات وفى بعض الاوقات استغرق شهر او اثنين لتعويض الخساره - الحساب ده بتاع كله ههههه---
----
ده بجانب طبعا عملى محلل فنى فى شركه كبيره ومعروفه والحمد لله