ﺻﺒﺎﺡ ﺍﻟﺨﻴﺮ ... ﻣﺴﺎﺀ ﺍﻟﻨﻮر
ﻳﺎ ﺳﺖ ... ﺍلبيت
ﻭﺳﺖ ﺍﻟﻤﻜﺘﺐ ﺍﻟﻔﺎﺗﺢ ﻋﻠﻰ ﺍﻟﺠﻤﻬﻮر
ﺧﺘﻢ ﺍﻟﺪﻭﻟﺔ ﺟﻨﺒﻚ ... هيبة
ﻗﻂ ﻟﻢ ﺗﻘﺒﻠﻰ ﺍﻟﻤﺼﺮﻭر
ﺣﻼﻝ ﻭﺑﻼﻝ ﻋﻠﻴﻚ ﻳﺎ ﺃﻡ ﻣﺮﺗّﺐ ﺑﺎﻟﺘﻌﺐ ﻣﻤﻬﻮر
ﻭﺳﺎﻋﺔ ﺭﺿﺎﻋﺔ ﺃﺟﻤﻞ ﻣﻦ ﺳﻴﺎﺣﺔ ﺷﻬﻮر
ﺍﻟﻨﻮﻡ ﺍﻟﻨﻮﻡ ﺍﻟﻨﻮﻡ ﺗﻌﺎﻝ ﺳﻜﺖ ﺍﻟﺠُﻬﺎﻝ
آﺧﺮ ﻣﻦ ﺗﻨﻮمي
ﻭﺗﻘﻮﻣﻰ ﺩﻗﺶ ﺑﺪﺭي
ﻗﺒﻞ الشمس ﻣﺎ ﺗﺘﺮﻙ ﺳﺮﻳﺮ ﺍﻟﻨﻮم
ﻭﻳﻐﺎﺩﺭ عشتو اﻟﻌﺼﻔﻮﺭ
ﺗﺤﺮﺳﻴﻬﺎ ﺍﻟﻠﺒﻴﻨﺔ ﺗﻔﻮﺭ
ﺗﺴﻮﻯ ﺍﻟﺸﺎي
ﻳﺎ إﻻﻫﻰ ﻳﺎ إﻻهي
ﻛﻢ ﻣﻦ ﺳﻨﺪﻭﺗﺶ ﻓﻄﻮﺭ
للممتحنة ﻭﺍﻟﺒﻬﺎﺗﻰ ﺟﺎﺭﻯ ﻳﺤﺼﻞ ﺍﻟﻄﺎﺑﻮر
ﻭﺑﺮﺿﻮ ﻭﺭﺍﻙ ﻣﺴﺘﻨﻴﻚ ﻫﻢ ﺩﻓﺘﺮ ﻏﻴﺎﺏ ﻭﺣﻀﻮر
ﻟﻔﺤﻨﺎ ﺍﻟﻌﻤﺔ ﻭﺧﻠﻴﻨﺎﻙ ﺑﻴﻦ ﺍﻟﺤَﻠّﺔ ﻭﺍﻟﻤﺎﺳﻮﺭﺓ
رﺗﺒﺘﻰ ﺍﻟﻘﻤﻴﺺ ﻭﺍﻟﻄﺮحة
ﺣﻔﻈﺘﻰ ﺍﻟﻨﺸﻴﺪ ﻭﺍﻟﺴﻮﺭﺓ
ﻭﺍﻟﺘﻌﺐ ﺍﻟﺒﺨﻠﻰ ﺍﻟﺼﻮﺭﺓ ﻓﻰ ﻋﻴﻨﻚ ﺃﺟﻤﻞ ﺻﻮﺭة
ﺩﻳﻚ ﺍﻟﺤﺠﻠﺔ ﻭﺩﺍﻙ ﺍﻟﺒﻠﻰ
ﻳﺎﻣﺎ ﺗﺸﺮﻯ ﻳﺎﻣﺎ ﺗﺒﻠﻰ
ﻣﺎ ﺑﺘﻜﻠﻰ ﻣﺎ ﺑﺘﻤﻠﻰ
ﻣﺎ ﺑﻨﻘﺺ ﺣﻨﺎﻧﻚ ملي
ﻫﻞ ﻫﺬﺍ ﻋﻤﻞ ﻣﺄﺟﻮر
ﻣﻤﺮﺿﺔ ﺳﺴﺘﺮﺓ ﻭﺩﻛﺘﻮﺭﺓ
ﺗﻮﺏ ﺍﻟﺴﻬﺮﺓ ﺃﺑﻴﺾ ﻧﺎﺻﻊ ﺑﻴﻦ ﺍﻟﻌﻨﺎﺑﺮ ﻧﻮر
ﻣﺪﺭّﺳﺔ ﺣﻴﺚ ﻣﺪﺭﺳﺘﻚ
ﺣﻨﺎﻧﻚ ﺳﻮر
ﻛﺮﺍﺭﻳﺲ ﺍﻟﺼﺒﺎ ﺍﻟﺒﺎﻛﺮ ﺗﺬﺍﻛﺮ ﻧﺤﻮ ﺑﻜﺮﺓ ﻣﺮﻭر
ﺳﻼﻣﺎ ﻋﻤﺘﻰ ﺍﻟﻔﺮّﺍﺷﺔ
ﺍﻟﻤﻘﺸﺎﺷﺔ ﺟﻨﺒﻚ ﻛﻢ ﺑﺸﻮﻓﻪ ﺯﻫﻮر
ﺑﺖ ﺍﻟﺸﺪﺓ ﻭﺍﻟﻮﺭﺩﻳﺔ ﻭﺍﻟﻤﻜﻨﺔ
ﺍﻟﺘﻰ ﻟﻴﻼ ﻭﻧﻬﺎر ﺗﺪﻭر
ﺗﺤﺖ ﺍﻟﺸﻤﺲ ﻓﻰ ﺍﻟﺤﻮّﺍﺷﺔ
ﺑﻴﻦ ﺍﻟﺤﺒﺔ ﻭﺍﻟﺰﺭﺯﻭر
كليكك ...
كليكك ﺣﻠﻮﺓ ﺟﻢ ﺍﻟﻜﻤﺒﻴﻮﺗﺮ ﺗﻜﺔ
ﺻﺒﺢ ﺍﻟﺸﺎﺷﺔ ﻳﺎﺧﺪ ﻣﻦ ﻋﻴﻮﻧﻚ ﻧﻮر
ﺑﻴﻦ ﺍﻟﻜﺎﺩﺣﻴﻦ ﻭﺍﻟﻐﻼﺑﺔ ﻭﺍﻟﻌﺰﺍﺑﺔ
ﺳﺖ ... ﺍﻟﻜﺴﺮة
صباح الخير شعر سوداني
ﺃﺣﺐ ... ﺍﻟﻘﺮﻗﺮﻳﺒﺔ
ﺍﻟﻘﺮﻗﺮﻳﺒﺔ ..
ﺍﻟﻘﺮﻗﺮﻳﺒﺔ ﻗﺮﻳﺒﺔ ﻓﻰ ﺃﻳﺪﻙ
ﻓﺮﺍﺷﺔ ﺗﺪﻭر
ﻭﺍﻟﻬﺒﺎﺑﺔ ﻭﺍﻟﻌﺮﻕ ﺍلبنقط
ﺩﺍﻙ ﺯﻯ ﻗﻤﺮﻳﺔ ﻓﻮﻕ ﺍﻟﺴُّﻮر
ﺗﻐﺎﺯﻝ ﻓﻰ ﺍﻟﻀﺤﻰ ﺍﻟﻨﻘﺎﻉ
ﻋﺸﺔ ﻭﻣﻴﺮﻯ ﻣﺪﺭﺳﺔ ﺍﻟﺤﻴﺎة ﺍﻟﻤﻌﻤﻮﺭﺓ
ﻻ ﻛﺮّﺍﺱ ﻭﻻ ﺳﺒﻮﺭﺓ ﻻ ﺗﻘﺮﻳﺮ ﺳﻤﺢ ﺭﻗﺎﻛﻰ ﻻ ﺩﺑﻮﺭﺓ
ﺗﺤﻴﻰ ﺗﻌﻴﺸﻰ ﻻ ﻣﻘﻬﻮﺭﺓ ﻻﻣﻨﻬﻮﺭﺓ
ﻻ ﺧﺎﻃﺮ ﺟﻨﺎﻙ ﻣﻜﺴﻮر
ﺑﻞ ... ﻣﺴﺘﻮﺭﺓ
ﻳﺎ ﺫﺍﺕ ﺍﻟﻀﺮﺍ ﺍﻟﻤﺴﺘﻮر
ﺳﻼﻣﺎ ﻳﺎ ﻏﺰﺍﻻﺕ ﺍﻟﻌﻤﻞ ﻭﺍلبيت
ﻣﻼﻳﺎﺗﻚ ﺿﻔﺎﻑ ... ﺍﻟﻨﻴﻞ
ﺃﺣﺐ ﻭﺍﺩﻳﻚ ﻓﻰ ﻫﺬﺍ ﺍﻟﺤﻮﺵ
ﺃﺣﺐ ﺍﻟﺸﺎﻯ ﻣﻊ ... ﺍﻟﻘﺮﻗﻮﺵ
ﺃﺣﺐ ... ﺍﻟﻤﺴﺘﻚ ... ﺍﻟﻔﻮﺍﺡ
ﺃﻫﻴﻢ ﻓﻰ ﻏﻤﺮﺓ ... ﺍﻟﻨﻌﻨﺎﻉ
ﺑﻦ ... ﻭﻣﺪق
ﻭﺟﻤﺮة ... ﺗﺴﺨﻦ ... الإﻳﻘﺎﻉ
ﺳﻼﻣﺎً ﻳﺎ ﻧﺴﺎﺀ ﺍﻻﺭﺽ .. قااطبة
ﻓﻰ ... ﻛﻞ ... ﻣﻜﺎﻥ .
[ محجوب شريف ]
< عاطف >
صباح الخير شعر سوداني
صباح الخير شعر سوداني
