أوعوا تقولوا ما لهاش لازمة
*****
عايز مني ومنك بسمة
حتى واحنا ف وسط الأزمة
يمكن بسمة وسط دموعنا
تدخل جوه قلوبنا النسمة
*****
بسمة ومش ها تكلف حاجة
ومش ها يقولوا عنها سذاجة
بيها نفتح قلب العالم
أوعوا تقولوا ما لهاش لازمة
*****
بسمة .. صَدقة الكل عايزها
غني وفقير محتاج يعزفها
بسمة بكل لغات العالم
بس تكون صادقة ومش كذبه
*****
قالوا البسمة سبع عضلات
والتكشير ف الاربعينات
وفر جهدك بس بسرعة
وارسم وشك أجمل رسمة
*****
بسمة ننور بيها أيامنا
وسط الظلمة جوه قلوبنا
ليه نخليها كئيبة ومره
سيبوا بسرعة الحاجة الدسمة
*****
بسمة وصى بيها رسولنا
بسمة نبدأ بيها سلامنا
بسمة نختم بيها كلامنا
مين راح يزرع أجمل بسمة
محمد رمضان
2014/02/18
التعديل الأخير تم بواسطة خادم القرآن ; 24 - 03 - 2014 الساعة 11:28 PM 
أوعوا تقولوا ما لهاش لازمة
