تجربتي في تجارة الفوركس

السلام عليكم ورحمة الله وبركاته
.....

عملت الموضوع في منتدى بورصات لأن بدايتي كانت هنا معاكم ووسطيكم

انا بقالي في الفوركس تقريبا ً 10 شهور فقط خبره ولكني الحمدلله وبفضله افضل من ناس بقالها سنين وبحاول الاجتهاد ويعتبر مازلت في البداية واتعلم وفي الاول والاخر ربنا اللي بيوفقنا جميعا اذا اجتهدنا واديني بحاول في السوق على قد ما اقدر وبطلب من الله التوفيق

....

مريت بحاجات كتير اوي وخسرت وبحاول افهم السوق يمين شمال مكنتش عارف واتغشيت مرتين في توصيات مدفوعة وشفت ناس قديمة في السوق تايهيين فيه وشفت كدابين ومنافقين ونصابين كتير وناس بتقول انها بتكسب وهما بيخسروا ويديرو حسابات بفلوس الناس بدون ضمير ويعطو توصيات وكورسات ويغشو فيها بدون ضمير عدماء الضمير
.....

فضلت اراقب السوق رايح جاي والعملات وقريت كتير عن الفوركس وشفت استراتيجية بقعة الزيت هنا وفهمت فكرتها بس كان ناقصني اني اشتغل على حاجة غير الين عشان تقليل الخطورة وعملت استراتيجية اسمها الحصاد قريبة منها واقل خطورة وهي ممتازة وطرحتها هنا وكانت ناجحة وجربتها على حساب تجريبي 3 شهور وعلى حساب حقيقي شهرين وعملت معاية نتايج ممتازة ولكن مشكلتها عايزة رصيد كبير عشان تحس بالمكسب لان اخر تطوير فيها لازم يكون معاك مارجن 10000 نقطة عشان تكون في أمان مع هذا السوق المتقلب ً وتشتغل بيها على الزوجين الرئيسيين فقط .. اليورو دولار والباوند دولار
.....

قلت لا لازم ادور على طريقة تكسبني اكتر وتكون أمان برضه دورت على طريقة بجيب الدعوم والمقاومات من بعض المواقع وتكون نقط قوية كلهم متفقين عليها وبشتغل عليها مع استوب 20 وهدف 50 لقيتها احيانا ً تجيب 50 واحيانا ً 100 واحيانا ً 200 بس احيانا بتجيب 30 او 40 وترجع تضرب استوب بس لاحظت انها لازم تجيب 20 نقطة قلت تمام وكمبتدىء كنت بضايق عشان مبتتكررش كتير في السوق ممكن في الاسبوع 4 مرات بس وعملت بيها برضه موضوع هنا في المنتدى بس مكملتش فيه وتركته لاني انشغلت واخدت كورس تحليل فني عشان افهم واتعلم المتاجرة على اصولها عند احدى المحاضرين المحترمين جدا واللي افادني كتير جزاه الله خيرا والحمدلله اني موقعتش في حد نصاب.

.....

والحمدلله طلعت من الكورس وكأني كنت في غرفة مظلمة لا اعرف اين اتجاهتها وتمت الاضاءة وفهمت السوق والحمدلله بنسبة كبيرة . وشغال ازاي وعلى اساس ايه وذاكرت تاني من خلال النت وفضلت فترة اجرب بعض طرق التجارة من خلال التحليل الفني والحمدلله نتايجها كويسة جدا على الحساب التجريبي
....

ولكن الحساب الحقيقي والخوف والتوتر لسه موجودين كل ما اربح فلوس اخسرها بسبب الاعصاب والتوتر والخروج بدري ولكن الطريقة ممتازة ونسبة المخاطرة فيها من 1 الى 3 وجاري التجربة عليها وطبعا كل مرة من التوتر الصفقة تطول اقفلها بأيدي بعديها اتحسر وانا بشوفها بتكسب وتجيب الهدف ..

ودلوقتي انا متابع لأحد الاعضاء في قسم التوصيات عشان ابعد فترة عن التفكير في الحساب الحقيقي واجرب الطريق اللي من غير استوب مع اني مش بحبه بس عامل حسابي ومعاه لحد 10% من رصيدي واشوف اذا كانت نتايجه صادقة ولا لأ

.....

• وعندي بعض النصائح اللي اكتسبتها من خلال الفترة اللي فاتت في السوق

1. لو انت مش عايز تتعلم الفوركس وهتابع توصيات جرب التوصيات الاول شهر على الحساب التجريبي وبعدها شهر بمخاطرة 50 او 100 دولار فقط حساب حقيقي وبعد النجاح قرر على قد درجة النجاح

2. لا تثق في اي مدير حسابات حتى لو شفت كشف حساب لازم تجربه قبل ما يشتغل وتشوف نتايجة اسبوعين لايف على الاقل وتتابعها بنفسك وتشوف صفقاته وتوصياته ونسبة مخاطرته على حساب حقيقي خاص بيه ولا تقيمه من تجريبي اصلا قبل ما يديرلك الحساب لو كان شاطر كان نفع نفسه في الاول ومعتقدش الحصول على رأس مال عشان يعمل دخل مناسب في الفوركس هيكون صعب لأي حد !!!

3. لو عايز تتعلم الفوركس اقرا كتير مواضيع وشوف فيديوهات بالعربي وفيه انجليزي مترجم عن إدارة رأس المال والخطورة وطرق المتاجرة ولا تتاجر عشوائي ابدا ً اعمل استراتيجية تحليل فني مؤشرات اي شىء وجربها شهر على حساب تجريبي وشهر على حساب حقيقي صغير وبعدين على حساب كبير والمغامرة تكون حسب تقييمك للربح خلال الشهرين

4. لا تستعجل على المكسب في الفوركس فكلما استعجلت هتزيد خسائرك .. الفوركس مهنة زي اي مهنة اخدت مننا وقت ومجهود وتدريب وفيها وذاكرنا .. فإذا تود ربح ونجاح في الفوركس فأعطيه وقت وتعلم وخد خبره وعندك الحسابات التجريبية والناس كتير اللي بتحلل وبتخدم وتساعد وبتجاوب على اسألتك لتكتسب الخبره

5. واخر شىء
رغم اني اتابع في موضوع فيه التعزيز او التبريد ولكني لا أعترف بيه نهائيا ً.. ولكن للتجربة فقط
ولا تعزيز ولا تبريد ولا مضاعفات كل هذا ممكن يطيرلك حسابك في لحظة .. وكمان لا احب الصفقة اللي فيها اكثر من هدف ولا اللي فيها تبريد قبل الاستوب
الصراحة انا شفت الناس المحترفين هي التوصية هدف واستوب ويا هدف يا استوب وكمان عشان تقدر تعمل إدارة صحيحة لرأس مالك لازم تقسم كم صفقة ادخلها في الاسبوع وكم نسبة المخاطرة وكم هخسر في اجمالي الصفقات لو خسرتها كلها هخسر وقد ايه من رأس مالي - وهذا من وجهة نظري

احترامي وتقدري لهذا المنتدى الرائع

بدايتي كانت معاكم وبداية ناس كتير ودلوقتي الناس دي ليهم اسم معروف وشهرة .. منتدى رائع جعله الله دائما في تقدم
.....

وده حساب تجريبي كنت بجرب فيه بعض طرق المتاجرة

Account : 61081301
Password : s4lwsdh
Server : InstaForex-Demo.com

وكشف الحساب في المرفقات

واخيرا اسف طولت عليكم بس كان نفسي اقول كمان كتير من اللي شفته

في هذا السوق اللي ممكن يجعلك في لحظة غني وفي لحظة ينهي على فلوسك

وان شاء الله هتلاقوني دايما معاكم بمواضيع وتجارب هنتعلم ونجرب مع بعض بإذن الله

الصور المرفقة

Untitled-2.jpg‏ (112.4 كيلوبايت, المشاهدات 84)

موفق ان شاء الله اخي الكريم وشكرا لي النصائح المهمه

السلام عليكم ورحمة الله وبركاته
اخى الفاضل احترم موضوعك ونصائحك
واحترم توصياتك لكل مبتداء مع العلم المبتداء ليس بالفترة الزمنية فقط ولكن بمقدار الخبرة الذى اكتسبها
ولذالك انا اقول انى مبتدئة
اخى الفاضل انا بالفعل رايتك فى احدى مواضيع التوصيات بصرف النظر عن ذكر اسم الموضوع
انا لا اشجعك على ذالك
التوصيات تلغى العقل
لو حتى افترضنا انك تاخذ توصية من محترف فهل عندك ضمان باستمرار المحترف هذا فى اعطاء التوصيات
هل عندك ضمان ان المؤشرات الذى يعمل عليها لا تستمر فى اعطاء اشارات صحيحة
انا دائما افضل ان ادخل المواضيع للمقارنة بين قرارى وقراراتهم
لرؤية اذا كان وجهة نظرى صحيحة ام لا
انا ادخل وارى التحليلات واحب جدا ان ارى تحليلات الاخوة خالد العوينى وريان واحمد عزام ومضارب طموح وهناك اخرين ولاكن ليس لدى القدرة على حفظ جميع الاسماء
انا احب ان ادخل صفحاتهم لاتابع التحليلات
واحب ان ادخل صفحات التوصيات للمقارنة بين اوامر التفنفيذ وبين التحليل وبين رؤيتى انا
فاذا كنت تحتاج ان تاخذ اجازة بعض الوقت من التحليل او التفكير
فطريقة ان تتبع القمم والقيعان هى ممتازة
ولكن التوصيات انا بحس انى مكتوفى اليدين ولا افعل الا ما يقال لى وهذا شئ بالفعل سيوقف العقل ويجعلك ترجع الى الوراء
ارجو منك ان تراجع نفسك
اتمنى لك وللجميع التوفيق

اقتباس:

المشاركة الأصلية كتبت بواسطة m$e$d$o$

موفق ان شاء الله اخي الكريم وشكرا لي النصائح المهمه

شكرا على تواجدك اخي والله يوفقنا ويوفقك في طريق الفوركس

اقتباس:

المشاركة الأصلية كتبت بواسطة dodo1122

السلام عليكم ورحمة الله وبركاته
اخى الفاضل احترم موضوعك ونصائحك
واحترم توصياتك لكل مبتداء مع العلم المبتداء ليس بالفترة الزمنية فقط ولكن بمقدار الخبرة الذى اكتسبها
ولذالك انا اقول انى مبتدئة
اخى الفاضل انا بالفعل رايتك فى احدى مواضيع التوصيات بصرف النظر عن ذكر اسم الموضوع
انا لا اشجعك على ذالك
التوصيات تلغى العقل
لو حتى افترضنا انك تاخذ توصية من محترف فهل عندك ضمان باستمرار المحترف هذا فى اعطاء التوصيات
هل عندك ضمان ان المؤشرات الذى يعمل عليها لا تستمر فى اعطاء اشارات صحيحة
انا دائما افضل ان ادخل المواضيع للمقارنة بين قرارى وقراراتهم
لرؤية اذا كان وجهة نظرى صحيحة ام لا
انا ادخل وارى التحليلات واحب جدا ان ارى تحليلات الاخوة خالد العوينى وريان واحمد عزام ومضارب طموح وهناك اخرين ولاكن ليس لدى القدرة على حفظ جميع الاسماء
انا احب ان ادخل صفحاتهم لاتابع التحليلات
واحب ان ادخل صفحات التوصيات للمقارنة بين اوامر التفنفيذ وبين التحليل وبين رؤيتى انا
فاذا كنت تحتاج ان تاخذ اجازة بعض الوقت من التحليل او التفكير
فطريقة ان تتبع القمم والقيعان هى ممتازة
ولكن التوصيات انا بحس انى مكتوفى اليدين ولا افعل الا ما يقال لى وهذا شئ بالفعل سيوقف العقل ويجعلك ترجع الى الوراء
ارجو منك ان تراجع نفسك
اتمنى لك وللجميع التوفيق

فعلا كلامك صحيح الصراحة انا ندمت بعد دخولي ولكني مستمر حتى خسارة 10% من رصيدي او الخروج بربح وبعدها خلاص لأن الشغل من غير استوب غلط جدا وقلت اجرب واديني هجرب ان شاء الله اسبوع كمان واشوف ايه النتايج والله يسترها

وعليكم السلام ورحمه الله وبركاته

اتمنالك كل التوفيق حبيبى
ومن نجاح الى نجاح
ولكن لى تعليق
الم ترى ان النقطه بـ 50 دولار مخاطره كبيره
يعنى انعكاس 50 نقطه طار اكثر من 20 الميه من الحساب

التوقيع

كن عظيماً ودوداً قبل أن تكون عظاماً ودوداً

استمر فى البحث ولا تتوقف عند شهور خبره فقط ولحد عام ممكن تتعلم جديد كل يوم
الاعتماد على فرد لا يغنى ولا يسمن من جوع
انت الاصل

التوقيع

اقتباس:

المشاركة الأصلية كتبت بواسطة Rock

وعليكم السلام ورحمه الله وبركاته

اتمنالك كل التوفيق حبيبى
ومن نجاح الى نجاح
ولكن لى تعليق
الم ترى ان النقطه بـ 50 دولار مخاطره كبيره
يعنى انعكاس 50 نقطه طار اكثر من 20 الميه من الحساب

فعلا حجم النقطة عالي الصراحة مكنتش عامل فيه ادارة رأس مال خالص
ملاحظة قوية انا كنت فقط اجرب الطريقة وكنت بغامر لأنه تجريبي
شكرا اخي على مرورك الغالي

اقتباس:

المشاركة الأصلية كتبت بواسطة ريان.

استمر فى البحث ولا تتوقف عند شهور خبره فقط ولحد عام ممكن تتعلم جديد كل يوم
الاعتماد على فرد لا يغنى ولا يسمن من جوع
انت الاصل

صحيح اخي ريان كلامك وانا بحاول اتعلم كل يوم جديد السوق وبتمنى من ربنا يوفقني
واوصل مثلكم فأنتم محترفين المنتدى وتحياتي لمرورك الغالي

اتمنى لك التوفيق والنجاح

مشكور على الموضوع واتمنى لك التوفيق

اقتباس:

المشاركة الأصلية كتبت بواسطة سلطان شمس

اتمنى لك التوفيق والنجاح

شكرا اخي على المرور الغالي بإذن الله يكون النجاح لينا جميعا

اقتباس:

المشاركة الأصلية كتبت بواسطة tarek zaky

مشكور على الموضوع واتمنى لك التوفيق

شكرا اخي الغالي على المرور ونتمنى من الله التوفيق لينا جميعا ً