لا يا اخى انت شكلك مش فاهم فكرة التوصيات و مش قرأت راس الموضوع كويس
احنا فى صفقة دولار ين كنا داخلينها من يوم اجتماع الفومك عند 102.20 و لما الصفقة حققت ربح فا الاستوب اتحرك الى 103.00 بربح 80 نقطة بحيث لو الصفقة عكست فا تقفل على ربح ... لكن الصفقة لسه مفتوحة و لم تغلق
يعنى لما تشوف مكتوب Move sl to تعرف ان المقصود بيها ان فى صفقة مفتوحة من قبل كدة و دا تعديل فيها
نظام الصفقات هنا يدوى يعنى من غير tp محدد من الاول و انما يتم تحريك الاستوب او غلق الصفقة عند ربح معين
و طبعا سواء تعديل ستوب او غلق الصفقة عند ربح معين فا انا لما بتجيلى التوصية بحطها هنا علطول
فهمت ولا فى استفسار تانى ؟
بسم الله الرحمن الرحيم معلش اذا كنت بتاخر فى الرد شوية عليكم بس ببقى مشغول ولهى و اليومين اللى فاتوا كنت مشغول بجمع نتيجة الشهر الماضى
جمعتها كذا مرة علشان ميبقاش فى غلط و بصراحة انا متضايق من النتيجة علشان موصلتش لل 1000 نقطة الشهر دا بس الحمد لله انها مش قفلت على خسارة و قفلت على ربح يعتبر معقول
انا عارف ان فى ناس كتيرة كانت مستنيه النتيجة توصل 1000 بس معلش ان شاء الله الشهر دا تتعوض و لو مش اتعوضت فا انا اهم حاجة عندى ان النتيجة مش تقفل على خسارة اى شهر علشان محدش يبقى زعلان مننا و بالنسبة للربح بقى فى ناس لو ربحوا 200 نقطة كل شهر بيبقوا مبسوطين و فى ناس العكس و انا عن نفسى اهم حاجة زى ما قولت ميبقاش فى خسارة و الربح يبقى معقول
total= +669-223 = + 446 الحمد لله على النتيجة و انا تحدثت مع صاحب التوصيات و قال لى ان الشهر دا هيبقى فى نظام جديد هنتبعه فى التوصيات .. و باختصار هيبقى فى صفقات هيدج و تعزيز ..يعنى ممكن اوى يبقى فى اكتر من صفقة مفتوحة على نفس الزوج و انا هعمل نظام معاكم علشان الصفقات مش تتلغبط
النظام هيبقى انى هرقم الصفقات اللى من نفس الزوج يعنى لو فاتحين صفقة
usdjpy
فا لما اجى افتح صفقة تانية هكتب كدا
buy/sell usdjpy2
رقم اتنين دا بقى رقم الصفقة و لما اجى اقفل او اغير فى الصفقة بردوا هكتب رقمها
علشان كدة ركزوا كويس اوى فى الصفقات اللى بتفتحوها او تقفلوها علشان متقفلوش صفقات مكان التانية
و ارجع و اقول تانى و تالت لابد من ادارة راس المال اكتر من الاول علشان كدة الصفقات هتبقى اكتر