المثلث الذهبي

مثال يا اخ كيمو على اليور ين الان
شوف الاول على فريم الدايلي لاحظ ان الترند العام هابط . والسعر وصل لدعم ترند صاعد ورد منه شوية اخر خط فى المروحة الصاعدة , الاستوك استك مدينى خروج


دلوقتى نروح على فريم 4 ساعات

شوف السعر واقف فين و الستوك استك متشبع بيع يبقى منطقى جدا ان لازم السعر يرد شوية للاعلى وبعدين ادخل بيع تاني ... عن نفسي انا بجرب على الديمو اني دخلت شراء بهدف سريع 30 نقطه فى حركة الارتداد للاعلى محقق منهم الى الان 18 نقطه و بعدين ادخل بيع تانى من فوق


و الاخ عماد برده ممكن يقولى رايه فى طريقتى

طريقتك صح

السلام عليكم ورحمة الله وبركاتة


؟؟؟؟

التوقيع

[عذراً, فقط الأعضاء يمكنهم مشاهدة الروابط ]

بما انك عطيتنا لمحة على فكرتك في التعامل مع المراح سوف اعطيك لمحة على فكرة بتعتي و اكيد راح تعجبك و اتمنا كل واحد يعطي فكرة كيف يستعمل المراوح لعلى نخرج بطريقة فتاكة

السلام عليكم اخي تدخل بعد اغلاق الشمعه ام فقط عندما تخترق الشمعه المروحه

شوف يا اخ كيمو هي فكرتك حلوة خصوصا بالنسبة لاستعمال السيولة لتقدير الكسر الحقيقي من الكاذب وتحديد الاتجاه ... وعن قنعة شخصية المحدد الاول لحركة اى اداة مالية هو العرض والطلب وهو المرادف للفوليوم ... ولكن لى تحفظ على استعمال الفوليوم فى الفوركس خصوصا كمحدد للسيولة .. وبحس انه اكبر خدعة البروكرز بيقنعونا بيها و كذلك خطأ محللين اما عن عدم فهم لطبيعة السوق او لطبيعة عمل المؤشر الفوليوم في الميتاتريدر ...... وهقولك السبب ... مؤشر الفوليوم فى الميتاتريدر ليس اكثر من مقياس لعدد التيك وليس الكمية المنفذه على الاداة المالية . عشان اوضحالك هو بيعد فقط كم مرة السعر اتحرك خلال الفترة ولكن مش هيقولك مثلا خلال الفترة دى مثلا فيه 10مليون دولار مثلا تنفيذات فاهم الفرق ؟ يعنى مثلا ممكن يكون الفوليوم انت شايفه عالى جدا و لكن الفوليوم الحقيقي ضعيف جدا وهذا ما لا نراه نحن , وكدليل على ذلك قارن بين منصتين مختلفتين لبروكرز مختلفة على نفس الشمعة مستحيل تلاقي نفس الفوليوم , ليه ؟ عشان كل بروكر بيطلع الفوليوم اللى عنده مش للسوق ككل , امتى ينفع تستعمل الفوليوم كمؤشر للسيولة حقيقي؟ الاجابة فى الاسواق المالية الصغيرة يعنى مثلا اسواق الاسهم اللى تقدر تقول مثلا فيه مليون سهم اتباعو من ابل النهاردة وهكدا وده غير متوفر فى الفوركس عموما ....

برائي فضل مؤشر فى الميتاتريدر قدر يوصل لتقدير العرض والطلب و السيولة مع انه مؤشر بدائي جدا لدرجة ان تقريبا محدش بيستعمله هتلاقي اسمه Accumulation /Distribution لانه استغل طول الشمعة وضربها فى الفوليوم عشان يقدر قوة البائع والمشتري لو عايز اشرحلك بالتفصيل طريقة حسابه اوضحها بس ده مش مهم .. لو قدرت تستعمله صح هتقدر تعرف بالظبط فين السيولة ... عموما فى احدى محاولاتى الفاشلة فى انى استعمل المؤشر ده فكرت اعدل عليه بحيث نى احط المتوسط بتاعه لو المؤشر تحت المتوسط يبقى خروج سيوله او بيع لو اعلى يبقى دخول سيولة او شراء و فعلا عدلته وده صورته

لاحظ كل ما الخط الازرق اللى هو الخط الرئيسي بيقطع خط المتوسط الاحمر لفوق و لتحت ايه اللى بيحصل . عموما انا كنت اعتبرته مؤشر فاشل وبطلت استعمله بس فكرتك فكرتنى بيه وهحاول استعمله مع المراوح ونشوف و ارفقت لك نسخة منه لو عايز تجربها غير الفترة لاي فترة متوسط تحبها انا بحطها 50 .... وبرده ارفعلى لمؤشر اللى انت بتستعمله اجربه

والله انت وزوقك .... يعنى ممكن لو لقيت الشمعلة بتاعت الاختراق كبيرة نسبيا وعدت اقرب دعم او مقاومة ادخل على طول وان كان من الافضل الانتظار حتى الاعلاق تماما عن نفسي على حسب الوقت لانى بشتغل على فريم 4 ساعات فلو مثلا فاضل نص ساعة ولا ساعة على الاغلاق بستنى حتى الاغلاق اما اذا كان وقت كبير فالفرصة للاستمرار فى نفس الاتجاه اكبر فبدخل بعد الاختراق ب 10 الى 15 نقطه . تحياتي

الملفات المرفقة

AverageAD.ex4‏ (5.1 كيلوبايت, المشاهدات 30)

اخى الكريم اخر مؤشرات هى المعتمدة وتقدر تنزلها من توقيع الاخر عماد . وكذلك فى توقيعه فى فيديوهات شرح لكيفية عمل المؤشرات وطرق الاستفادة منها ... اتفرج على الفيديوهات هم 2 واحدة للمثلث الذهبي وواحدة للمراوح .... وبعدين لو عندك استفسار عن حاجة معينة اديك شايف احنا كلنا بتنناقش وبنتعلم , والف مين هيخدمك و انا اولهم ان شاء الله

يا اخ future سؤال واحد فقط فين الفلك فى الموضوع ؟!!!! هذا اولا ...

ثانيا : انت بتقول غرض الاخ عماد ادارة حسابات . طيب هقولك موافق انا لم ادخل فى النيات ولكن الله اعطانى عقل .. هل اللى غرضه ادارة حسايات هيعمل موضوع طويل عريض بيشرح فيه استراتيجيته بالتفصيل ؟!!!!!!! يعنى بالعقل كده اكيد لا ..

ثالثا :- انت قريت الموضوع بالكامل ؟!!! على فكرة لو ركزت الاخ عماد بنفسه قال انه مش بيشتغل انتراداى , وفى ازواج زي الين ال 200 نقطه دول ممكن يتحركهم فى يوم " طبيعة الاداة المالية " مش انت دارس اقتصاد ؟! اكيد عارف انا بقول ايه . علما انه قالك استوب 150 نقطه مش 200 و بص كده على شارت اليورو ين الدايلي وشوف متوسط الحركة اليومية من الهاى للو كام نقطه هتلاقي متوسط الحركة بتاعته لاتقل عن 90 الى 100 نقطه يوميا , المفروض انت دارس اقتصاد يعنى تعرف تشتغل احصاء كويس
وتعرف تعمل الحاجات دى بالاكسل ولا اسهلهالك شوف كده الشارت ده الدايلي



وبص على كلمة DailyRange فوق على الشمال شوف متوسط الحركة اليومية لمدة 100 يوم بالظبط 82 نقطه يوميا فى المتوسط من اعلى نقطه الى ادنى نقطه ... وشوف متوسط الحركة الاسبوعية تحتها حوالى 300 نقطه يبقى منطقى جدا لو حد اهدافه يومية او اسبوعية على الزوج ده هتبقى اكبر من المدى فى 2 تطلع كام ؟! احسبها انا يبقى لما قالك ستوب 150 نقطه على فريم دايلي فده امر منطقى جدا ...

اخيرا : مشاركتك تفتقد لحسن النية من البداية وباعترافك يعنى انت دخلت وعملت فيلم دراما رخيصة انا دخلت على توصيتك شراء وانا بثق فيك , وبعدين واستنيت لما تضرب ستوب عشان تيجى تكتب الكلمتين اللى انت كاتبهم .... ايه شغل المباحث ده ؟!!!!! معلش يعنى ده شغل عيال . واثبتلك الكلام ده لو انت فعلا مخلص النية وهمك على مصلحة الاعضاء كنت قلت رايك بمنتهى الصراحة وانتقدت الطريقة بتاعت عماد وقلت من البداية انا بختلف معاك لان الزوج هابط واهدافة كذا عشان 1 و 2 و 3 ... مش تعمل فيلم و للعلم انا كنت داخل بيع اصلا من البداية وقفلت البيع امس لانى حسب مؤشر الاخ عماد برده كنت شايف الزوج هابط وكنت مقتنع بكده .


برده لو انت شايف انك تقدر تفيد الاعضاء بسيطه جدا افتح موضوع بضغطه زرار وبعدين اكتب توصياتك وافكارك زي ما انت عايز ونشوف هنحقق كام ... احنا مش خسرانين حاجة الحسابات الديمو ببلاش و السوق شغال 24 ساعة وفي مثل بيقول " قالو الجمل طلع النخلة , قال ادى الجمل وادى النخلة " .... ننتقد بموضوعيه عادى جدا اهو كله نقاش معجبناش النقاش نسيب الموضوع كله و مندخلش توصيات بسيطة جدا جدا ....

الاخ عماد صاحب الورشه سوف يتغيب عن المنتدى 3 ايام
برجاء مراعاه ذلك

كل التحيه للمتابعين

التوقيع

اخي احمد ياصديقي
ارجوا حذف كل تعليقاتي بهذا الموضوع رجاااااااااااااااااااء
الا تعليق الاعتذار
وشكرااااااااااااااااااااااااااااااا